కేవలం రూపాన్ని చూసి, టెస్టు రైడ్ చేయకుండా, లేదా ఇతర యాక్సెసరీల కోసం బడ్జెట్ పక్కన పెట్టకుండా కొనడం సాధారణంగా చేసే తప్పులు.
అన్వేషించండి
Bike Buying Tips: మొదటిసారి బైక్ కొంటున్నారా? మీ ఆనందాన్ని దూరం చేసే ఈ తప్పులు చేయద్దు?
Bike Buying Tips: తొలిసారి టూవీలర్ కొనుగోలు చేస్తున్నట్టు మీరు చేసే కొన్ని తప్పులు కచ్చితంగా మీకు భారీ నష్టాన్ని మిగులుస్తుంది. అందుకే బైక్ కొనేటప్పుడు తీసుకోవాల్సిన జాగ్రత్తలు గురించి తెలుసుకుందాం.
మొదటిసారి బైక్ కొంటున్నారా? మీ ఆనందాన్ని దూరం చేసే ఈ తప్పులు చేయద్దు?
Source : freepik
- బైక్ కొనేటప్పుడు రూపాన్ని కాకుండా ఇన్సీమ్ కొలత చూడాలి.
- కేవలం బైక్ ధరతో పాటు, యాక్సెసరీలకు కూడా బడ్జెట్ కేటాయించాలి.
- టెస్ట్ రైడ్ చేసి, అవసరాలకు తగిన బైక్ ఎంచుకోవడం ముఖ్యం.
- పాత బైక్ కొనేటప్పుడు సీరియల్ నంబర్, దొంగతనం కాదా అని చూడాలి.
Bike Buying Tips: ప్రస్తుత కాలంలో రవాణా అవసరాల కోసం లేదా ఫిట్నెస్ కోసం బైక్ కొనడం ఒక ప్రైమరీ అవసరం. అయితే మార్కెట్లో ఉన్న భారీ ఆప్షన్లు అందుబాటులో ఉన్నాయి. వాటిలో కావాల్సింది. ఎంచుకోవడంలో చాలా ఇబ్బంది పడుతుంటారు. ఈ కన్ఫ్యూజన్లో కొన్ని తప్పులు చేస్తుంటారు. కొందరు బాహ్య రూపాన్ని చూసి నిర్ణయం తీసుకుంటారు. ఇది భవిష్యత్లో మీకు అనేక ఇబ్బందులు కలిగిస్తుంది.
సాధారణంగా చేసే తప్పులు
ఒక బ్రాండ్లో ఒక సైజు ఉంటే మరో బ్రాండ్లో అదే కొలతతో ఉండకపోవచ్చు. కేవలం ఎత్తును బట్టి కాకుండా మీ ఇన్సీమ్ కొలతను బట్టి సైజును ఎంచుకోవడం చాలా ముఖ్యం. బడ్జెట్ను నిర్ణయించుకునేటప్పుడు కేవలం బైక్ ధరనే పరిగణలోకి తీసుకుంటారు. కానీ హెల్మెట్ సహా ఇతర యాక్సెసరీల కోసం కనీసం కొంత మొత్తాన్ని పక్కన పెట్టాలని నిపుణులు సూచిస్తున్నారు.
కేవలం షోరూమ్లో చూసి లేదా ఇతరుల మాటలు విని కొనడం తప్పు. టెస్టు రైడ్ చేసి ఆ వాహనం మీకు సరిపోతుందో లేదో చూసి కొనుక్కోవాలి. పూర్తి స్పెసిఫికేషన్లు చెక్ చేయాలి.
సైజు గురించి తెలుసుకోవడం ఎలా
సైజు విషయంలో మీరు తప్పుడు నిర్ణయం తీసుకుంటే వెన్ను నొప్పి, మోకాళ్ల నొప్పులు, ఇతర శారీరక ఇబ్బందులు వస్తాయి. కేవలం లుక్ చూసి తక్కువ నాణ్యత ఉన్న బైక్ తీసుకుంటే దాని మరమ్మతుల కోసమే ఎక్కువ ఖర్చు చేయాల్సి ఉంటుంది. మీ అవసరానికి సరిపోని వాహనాన్ని కొంటే అది చివరికి గ్యారేజీకి పరిమితం అవుతుంది.
రోడ్లకు తగ్గట్టుగానే బైక్ ఎంచుకోవాలి
మీరు రోడ్లపై వెళ్లాలనుకుంటే రోడ్బైక్, రఫ్ రోడ్లపై వెళ్లాలనుకుంటే ఎంటీబీ లేదా రెండింటి కలయికగా రోజువారీ అవసరాల కోసం హైబ్రిడ్ బైక్ను ఎంచుకోవాలి. గోడకు ఆనుకొని నిలబడి, మీ కాళ్ల మధ్య ఉన్న దూరాన్ని నేల నుంచి కొలవడం ద్వారా మీ ఇన్సీమ్ తెలుస్తుంది. ఇది సరైన సీటు ఎత్తును, ఫ్రేమ్ సైజును నిర్ణయిస్తుంది. మొదటిసారి బైక్ కొనేవారు పాత బైక్లను ఎంచుకోవడం ద్వారా తక్కువ ధరకే మెరుగైన నాణ్యత గల వాహనాన్ని పొందవచ్చు. త్వరగా అప్గ్రేడ్ అయ్యే వెసులుబాటు ఉంటుంది. దొంగిలించిన వాహనాల పట్ల జాగ్రత్తగా ఉండాలి. ఆన్లైన్లో తక్కువ ధరకే దొరుకుతున్నాయని సెకండ్ బైక్స్ కొనేటప్పుడు వాటి సీరియల్ నంబర్ను బైక్ ఇండెక్స్ వంటి వెబ్సైట్లలో చెక్ చేయాలి.
భవిష్యత్ను దృష్టిలో పెట్టుకోవాలి
మార్కెట్లో కొత్త మోడల్స్ విడుదలైనప్పుడు లేదా పండగ సీజన్లలో మంచి డీల్స్ లభిస్తాయి అయితే ఒక డీల్ నమ్మశక్తం కాని విధంగా తక్కువ ధరలో ఉంటే, అది దొంగించిన వాహనం లేదా లోపాలు ఉన్న వాహనం అయ్యే ఛాన్స్ ఉంది. మీ డ్రైవింగ్ నైపుణ్యం మెరుగుపడే కొద్ది మీ అవసరాలు మారుతుంటాయి. కాబట్టి భవిష్యత్ను దృష్టిలో ఉంచుకొని వాహనం ఎంచుకోవాలి.
Frequently Asked Questions
బైక్ కొనేటప్పుడు సాధారణంగా చేసే తప్పులు ఏమిటి?
బైక్ సైజును ఎలా ఎంచుకోవాలి?
కేవలం ఎత్తును బట్టి కాకుండా, మీ ఇన్సీమ్ కొలతను బట్టి సైజును ఎంచుకోవడం ముఖ్యం. ఇది వెన్నునొప్పి వంటి శారీరక ఇబ్బందులను నివారిస్తుంది.
ఏ రకమైన రోడ్లపై ప్రయాణించాలో దాని ప్రకారం బైక్ ఎలా ఎంచుకోవాలి?
సాధారణ రోడ్ల కోసం రోడ్ బైక్, కఠినమైన రోడ్ల కోసం MTB, లేదా రెండింటి కలయికగా హైబ్రిడ్ బైక్ ఎంచుకోవచ్చు.
సెకండ్ హ్యాండ్ బైక్ కొనేటప్పుడు ఎలాంటి జాగ్రత్తలు తీసుకోవాలి?
తక్కువ ధరకు ఆన్లైన్లో దొరుకుతున్నాయని కొనేముందు, దొంగిలించిన వాహనం కాదని నిర్ధారించుకోవాలి. సీరియల్ నంబర్ ను బైక్ ఇండెక్స్ వంటి వెబ్సైట్లలో చెక్ చేయాలి.
Advertisement
టాప్ హెడ్ లైన్స్
ఆటో
Maruti Suzuki Victoris సీఎన్జీ హైబ్రిడ్ రూ.2 లక్షల డిస్కౌంట్.. హైదరాబాద్లో ధర ఎంతంటే
ఆటో
ట్రాఫిక్ చలాన్ కట్టమంటూ మీ మొబైల్కు మెసేజ్ వచ్చిందా? అది మాయాజాలం కావచ్చు, జాగ్రత్త!
ఆటో
E20 పెట్రోల్లో 20% ఇథనాల్ ఉన్నా ధర ఎందుకు తగ్గలేదు? లీటరు ఇథనాల్ రేటెంత?
ఆటో
2026 సుజుకి బర్గ్మన్ స్ట్రీట్ 125 రివ్యూ - పవర్ ఎంత, రియల్ వరల్డ్ మైలేజ్ ఎంత?
Advertisement
Advertisement
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
