Bajaj vs Ola EV Comparison 2026: బజాజ్‌ చేతక్‌ 3001 vs ఓలా ఎస్‌1ఎక్స్‌: మధ్యతరగతి ఫ్యామిలీకి ఎలక్ట్రిక్ స్కూటర్ బెస్ట్!

Bajaj vs Ola EV Comparison 2026: బజాజ్‌ చేతక్‌ 3001, ఓలా ఎస్‌1ఎక్స్‌ మధ్య ఏది మొనగాడు. ధర రేంజ్, ఫీచర్లు, పెర్ఫార్మెన్స్‌ పరంగా పూర్తి స్థాయి విశ్లేషణ చూద్దాం. 

బజాజ్‌ చేతక్‌ 3001 vs ఓలా ఎస్‌1ఎక్స్‌: మధ్యతరగతి ఫ్యామిలీకి ఎలక్ట్రిక్ స్కూటర్ బెస్ట్!

Source : Social Media

Show Quick Read

Key points generated by AI, verified by newsroom

• ఓలా S1X 3kWh ధర తక్కువ, బజాజ్ చేతక్ ఖరీదైనది.
• ఓలా S1X అధిక వేగం, రేంజ్; చేతక్ వేగంగా చార్జ్.
• చేతక్ రెట్రో డిజైన్, ఓలాకు క్రూయిజ్ కంట్రోల్ ప్రత్యేకతలు.
• తక్కువ ధర, వేగానికి ఓలా; వేగవంతమైన ఛార్జింగ్‌కు బజాజ్ చేతక్.

Bajaj vs Ola EV Comparison 2026: భారత్‌లో ఎలక్ట్రిక్‌ విప్లవం వేగంగా పుంజుకుంటోంది. పెట్రోల్ ధరల సెగ నుంచి తప్పించుకోవడానికి సామాన్యులు ఇప్పుడు ఈవీలవైపు మొగ్గు చూపుతున్నారు. ముఖ్యంగా బజాబ్‌ చేతక్‌ 3001, ఓలా ఎస్‌1ఎక్స్‌ 3kWh మోడళ్లు మార్కెట్‌లో హాట్‌టాపిక్‌గా మారాయి. ఈ రెండు స్కూటర్లలో ఏది మీ ఇంటికి రావాలి. ఏది మీ జేబులో డబ్బులు మిగులుస్తుంది. ఈ స్టోరీ ప్రతి అంశాన్ని చర్చిద్దాం. 

ఎలక్ట్రిక్ స్కూటర్ కొనాలనుకునే వారు మొదట చూసేది ధర ఇక్కడ ఓలా తన మార్క్‌ చూపిస్తోంది. ఓలా ఎస్‌1ఎక్స్‌ 3kWh ఎక్స్‌షోరూమ్‌ ధర 99,021గా ఉంది. మోరవైపు బజాజ్‌ చేతక్‌ 3001 ధర 1,10,006 వద్ద ఉంది. అంటే ఓలా కంటే చేతక్‌ దాదాపు 11వేల ఖరీదైనది. బజాజ్‌ ఇటీవల చేతక్ ధరలను పెంచడం కూడా దీనికి కారణం. 

డిజైన్‌లో ఎవరు ముందంజలో ఉన్నారు?

డిజైన్ విషయంలో ఈ రెండూ వేర్వేరు ధృవాలు, బజాజ్‌ చేతక్‌ నియో రెట్రో వైబ్‌తో వస్తుంది. అంటే పాత కాలపు చేతక్ స్టైల్‌ను ఆధునికంగా మార్చారు. దీని కర్వీ ప్యానెలస్‌ క్లాసిక్‌ లుక్‌ను ఇస్తాయి. 

ఓలా ఎస్‌1ఎక్స్‌ మాత్రం మినిమలిస్ట్‌ డిజైన్‌ను అనుసరిస్తోంది. చూడటానికి చాలా క్లీన్‌గా, సింపుల్‌గా ఉంటుంది. యువతను ఆకట్టుకునేలా దీని రూపకల్పన సాగింది. డైమెన్షన్ విషయానికి వస్తే, చేతక్ గ్రౌండ్ క్లియరెన్స్ ఎక్కువగా ఉంది. ఇది మన ఊరిలోని గుంతలు, స్పీడ్ బ్రేకర్లను దాటేందుకు చాలా సౌకర్యవంతంగా ఉంటుంది. 

ఓలా వీల్ బేస్‌ కొంచెం ఎక్కువ. దీని వల్ల హైవేలపై వెళ్లేటప్పుడు స్టేబుల్‌గా ఉంటుంది. కానీ సీటు ఎత్తు విషయంలో చేతక్‌ తక్కువగా ఉండటం వల్ల అందరికీ అందుబాటులో ఉంటుంది. 

ఎవరి స్పీడ్‌ ఎక్కువ?  

మీరు వేగాన్ని ఇష్టపడే వారైే ఓలా వైపు మొగ్గు చూపాల్సి ఉంటుంది. ఓలా ఎస్‌1ఎక్స్‌ 3kWhగరిష్ట వేగం గంటకు 115 కిలోమీటర్లు. ఇది చేతక్ కంటే చాలా ఎక్కువ. రేంజ్ విషయంలోనూ ఓలానే ముందు ఉంది. ఒకసారి ఛార్జ్ చేస్తే ఓలా 176కిలోమీటర్లు వెళ్తుంది. అదే బజాజ్ చేతక్ విషయానికి వస్తే ఇది 151కిలోమీటర్లకే పరిమితం అవుతుంది. 

ఛార్జింగ్ కన్వీనియన్స్‌

ఇక్కడ అసలు మలుపు ఉంది. రేంజ్ తక్కువైనా బజాజ్ ఈ విషయంలో ఓలాను అధిగమించింది. ఛార్జింగ్ సమయంలో చేతక్‌ ముందంజలో ఉంది. చేతక్‌ 0-80 ఛార్జ్ అవ్వడానికి కేవలం 2 గంటల 55 నిమిషాలు మాత్రమే పడుతుంది. అదే ఓలా విషయానికి వస్తే 0-80 ఛార్జింగ్ కోసం ఏకంగా 7 గంటల 15 నిమిషాల సమయం పడుతుంది. రోజువారీ వాడకంలో ఈ తక్కువ ఛార్జింగ్ సమయం అనే బజాజ్ యూజర్లకు పెద్ద ప్లస్ పాయింట్ అవుతుంది

ఫీచర్ల ఎలా ఉన్నాయి?

రెండు స్కూటర్‌లలోనూ ఎల్‌ఈడీ లైటింగ్, బ్లూటూత్‌ కనెక్టివిటీ, ఎల్‌సీడీ డిస్‌ప్లే వంటి ఆధునిక ఫీచర్లు ఉన్నాయి. కాల్ అలర్ట్స్, ఎస్‌ఎంఎస్‌ నోటిఫికేషన్లు రెండింటిలోనూ వస్తాయి. ఓలాలో అదనంగా క్రూయిజ్‌ కంట్రోల్ ఉంది. ఇది లాంగ్ రైడ్లలో చేతులకు విశ్రాంతినిస్తుంది. అలాగే ఓలాలో మూడు రైడింగ్ మోడ్స్‌ ఉండగా చేతక్‌లో రెండు మాత్రమే ఉన్నాయి. 

అండర్ సీట్ స్టోరేజ్ విషయంలో రెండూ దాదాపు సమానమే. చేతక్‌లో 35 లీటర్లు, ఓలాలో 34 లీట్ల స్థలం ఉంది. కిరాణా సామాగ్రి, లేదా హెల్మెట్‌ పెట్టుకోవడానికి ఇది సరిపోతుంది. 

మీరు తక్కువ ధరలో ఎక్కువ రేంజ్, ఎక్కువ వేగం, టెక్నాలజీ కోరుకుంటే ఓలా ఎస్‌1ఎక్స్‌ 3kWh ఎంచుకోవచ్చు. కానీ మీకు నమ్మకమైన బ్రాండ్, త్వరగా ఛార్జ్ అయ్యే సౌలభ్యం, ఫ్యామిలీ అంతా సులభంగా నడపగలిగే స్కూటర్‌ కావాలంటే బజాజ్ చేతక్‌ 3001 బెస్ట్ ఛాయిస్. 

మరిన్ని చదవండి

కొత్త అవతార్‌లో బజాజ్‌ చేతక్‌ ఎలక్ట్రిక్ స్కూటర్! ఫీచర్లు, రేంజ్‌, ధరల వివరాలు ఇవే

20వేల డౌన్‌పేమెంట్‌తో లభించే టాప్ బడ్జెట్ స్కూటర్లు ఇవే! ఆఫీస్, కాలేజీ అవసరాలకు బెస్ట్ ఆప్షన్స్!