హోండా ఎలివేట్ ఫేస్లిఫ్ట్కు బిగ్ అప్డేట్.. సిటీలోని ప్రీమియం ఫీచర్లు ఎలివేట్లోకి!
హోండా ఎలివేట్ ఫేస్లిఫ్ట్ ఈ ఏడాది రెండో అర్ధభాగంలో లాంచ్ కానుంది. 360 డిగ్రీ కెమెరా, వెంటిలేటెడ్ సీట్లు, కొత్త టచ్స్క్రీన్, అదనపు ADAS ఫీచర్లతో మరింత ప్రీమియంగా రానుంది.
Honda Elevate facelift features: భారత మార్కెట్లో హోండా ఎలివేట్ ఎస్యూవీకి మంచి ఆదరణ లభిస్తున్న నేపథ్యంలో, కంపెనీ ఇప్పుడు ఈ మిడ్సైజ్ SUVకి ఫేస్లిఫ్ట్ వెర్షన్ను సిద్ధం చేస్తోంది. ఇప్పటికే హోండా సిటీ ఫేస్లిఫ్ట్లో పరిచయం చేసిన కొన్ని ఆధునిక ఫీచర్లను ఎలివేట్లో కూడా అందించే అవకాశాలు కనిపిస్తున్నాయి. ఈ అప్డేటెడ్ మోడల్ 2026 రెండోార్థంలో భారత మార్కెట్లోకి రానుందని సమాచారం.
ఇటీవల హోండా కార్స్ ఇండియా మార్కెటింగ్ అండ్ సేల్స్ వైస్ ప్రెసిడెంట్ కునాల్ బెహల్ చేసిన వ్యాఖ్యలు ఈ అంచనాలకు మరింత బలం చేకూర్చాయి. ప్రస్తుతం ఎలివేట్లో 360 డిగ్రీ కెమెరా, వెంటిలేటెడ్ సీట్ల కవర్లు వంటి ఫీచర్లను యాక్సెసరీల రూపంలో అందిస్తున్నామని, భవిష్యత్తులో వీటిని ప్రధాన ఫీచర్ల జాబితాలో చేర్చే అవకాశాన్ని పరిశీలిస్తున్నామని ఆయన తెలిపారు.
కొత్త ఫీచర్లతో మరింత ప్రీమియం ఎలివేట్
హోండా సిటీ ఫేస్లిఫ్ట్లో వచ్చిన 10.25 అంగుళాల టచ్స్క్రీన్ ఇన్ఫోటైన్మెంట్ సిస్టమ్ను ఎలివేట్ ఫేస్లిఫ్ట్లో కూడా అందించే అవకాశం ఉంది. అలాగే ప్రస్తుతం టాప్ వేరియంట్కు మాత్రమే పరిమితమైన ADAS (అడ్వాన్స్డ్ డ్రైవర్ అసిస్టెన్స్ సిస్టమ్) ఫీచర్లను మిడ్ రేంజ్ వేరియంట్లకు కూడా విస్తరించే అవకాశముంది.
ఇవి మాత్రమే కాకుండా... కొత్త అంబియెంట్ లైటింగ్, మెరుగైన సీటు అప్హోల్స్టరీ, తాజా ఇంటీరియర్ ట్రిమ్ మెటీరియల్స్తో క్యాబిన్ను మరింత ఆకర్షణీయంగా మార్చే అవకాశముంది. దీంతో ప్రీమియం SUV సెగ్మెంట్లో ఈ కారు ఇంకా బలమైన పోటీదారుగా నిలవనుంది.
ఎక్స్టీరియర్లోనూ మార్పులు
ఎలివేట్ ఫేస్లిఫ్ట్లో కొత్త ఫ్రంట్ బంపర్, రీడిజైన్ చేసిన రియర్ బంపర్, కొత్త హెడ్ల్యాంప్స్, టెయిల్ల్యాంప్స్తో పాటు తాజా లైటింగ్ సిగ్నేచర్లు ఉండే అవకాశం ఉంది. అదనంగా కొత్త డిజైన్ అలాయ్ వీల్స్ను కూడా అందించే అవకాశాలు ఉన్నాయి.
ఇటీవల పరీక్షల సమయంలో కనిపించిన క్యామోఫ్లాజ్ మోడల్లో పూర్తి వివరాలు బయటకు రాకపోయినా, డిజైన్ పరంగా గణనీయమైన మార్పులు ఉండబోతున్నాయని ఆటోమొబైల్ వర్గాలు భావిస్తున్నాయి.
ఇంజిన్లో మార్పులు ఉండవు
మెకానికల్ పరంగా పెద్దగా మార్పులు ఉండే అవకాశం కనిపించడం లేదు. ప్రస్తుతం ఉన్న 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్నే కొనసాగించే అవకాశముంది. ఈ ఇంజిన్ 121 హెచ్పీ పవర్, 145 ఎన్ఎం టార్క్ ఉత్పత్తి చేస్తుంది.
ట్రాన్స్మిషన్ ఎంపికలుగా 6-స్పీడ్ మాన్యువల్, CVT ఆటోమేటిక్ గేర్బాక్స్లు అందుబాటులో ఉండే అవకాశముంది. అయితే కొత్త టర్బో లేదా హైబ్రిడ్ ఇంజిన్ ఎంపికపై ఇప్పటివరకు ఎలాంటి సంకేతాలు లేవు.
హోండా భవిష్యత్ ప్రణాళికలు
ఎలివేట్ ఫేస్లిఫ్ట్తో పాటు హోండా భారత మార్కెట్ కోసం కొత్త సబ్-4 మీటర్ కాంపాక్ట్ SUV, మరో మిడ్సైజ్ SUVను కూడా అభివృద్ధి చేస్తోంది. ఈ మోడళ్లు 2028 నుంచి మార్కెట్లోకి వచ్చే అవకాశం ఉంది. ముఖ్యంగా, హోండా బైక్ కస్టమర్లను తమ తొలి కారుగా హోండా SUV వైపు ఆకర్షించడమే కంపెనీ ప్రధాన లక్ష్యంగా కనిపిస్తోంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
