మన దేశంలో అత్యంత ఎత్తైన సీట్ ఉన్న 10 బైక్లు - వీటిని కొనాలంటే మీ హైట్ ఎక్కువ ఉండాలి!
భారత్లో అమ్ముడవుతున్న అత్యంత ఎత్తైన సీట్ హైట్ ఉన్న 10 బైక్లు ఇవే. అడ్వెంచర్, ఆఫ్రోడ్ బైక్ల సీట్ హైట్, స్పెసిఫికేషన్లు, పూర్తి వివరాలు తెలుసుకోండి.
Tallest Seat Height Bikes 2026 India: భారత్లో మోటార్సైకిల్ కొనుగోలు చేసే సమయంలో చాలామంది ముందుగా చూసేది మైలేజ్, ఇంజిన్ సామర్థ్యం, ధర. కానీ అడ్వెంచర్ లేదా ఆఫ్రోడ్ బైక్ల విషయంలో సీట్ హైట్ చాలా కీలకం. ఎందుకంటే సీట్ ఎక్కువ ఎత్తులో ఉంటే, తక్కువ ఎత్తు ఉన్న రైడర్లకు బైక్ను హ్యాండిల్ చేయడం కష్టం అవుతుంది.
ప్రస్తుతం, భారత్లో రోడ్ లీగల్గా అమ్ముడవుతున్న అత్యంత ఎత్తైన సీట్ హైట్ ఉన్న 10 బైక్లను ఇప్పుడు మీ కోసం తీసుకొచ్చాం. ఈ లిస్ట్లో కనీస సీట్ హైట్ కూడా 860mm ఉండటం విశేషం.
10. Triumph Tiger 900 Rally Pro - 860mm నుంచి 880mm
అడ్వెంచర్ బైక్ల ప్రపంచంలో Triumph Tiger పేరు చాలా ఫేమస్. Tiger 900 Rally Pro అనేది ఆఫ్రోడ్ మీద ఎక్కువగా ఫోకస్ చేసిన వేరియంట్. 21/18 అంగుళాల క్రాస్ స్పోక్ వీల్స్, లాంగ్ ట్రావెల్ సస్పెన్షన్ కారణంగా దీని సీట్ హైట్ 860mm నుంచి 880mm వరకు అడ్జస్ట్ చేయవచ్చు. ఈ లిస్ట్లో ఇది అత్యంత ‘అందుబాటు’ సీట్ హైట్ గల బైక్.
9. KTM 390 Adventure R - 880mm
అంతర్జాతీయ మార్కెట్లో ఉన్న Enduro R స్పెక్స్తోనే భారత్లోకి వచ్చిన 390 Adventure R, సస్పెన్షన్, వీల్స్, టైర్ల పరంగా పూర్తిగా ఆఫ్రోడ్ ఫోకస్ చూపిస్తుంది. దీని సీట్ హైట్ 880mm. యూరప్ మోడల్తో పోలిస్తే ఇండియన్ వేరియంట్ 10mm ఎక్కువ ఎత్తు కలిగి ఉండటం ఆసక్తికరం.
8. BMW R 1300 GSA - 870mm నుంచి 890mm
BMW GS Adventure అంటే ఆఫ్రోడ్ సామర్థ్యానికి గుర్తు. కొత్త R 1300 GSA మోడల్లో డిజైన్తో పాటు సీట్ హైట్ను కొంత తగ్గించారు. అయినా కూడా 870 నుంచి 890mm మధ్య ఉండే ఈ సీట్ హైట్ తక్కువ ఎత్తు రైడర్లకు సవాల్గా ఉంటుంది.
7. Triumph Tiger 1200 Rally Pro / Explorer - 875mm నుంచి 895mm
బిగ్ బోర్ అడ్వెంచర్ బైక్లలో Tiger 1200 కీలకమైన పేరు. భారీ ఫ్యూయల్ ట్యాంక్, లాంగ్ ట్రావెల్ సస్పెన్షన్తో ఇది 875 నుంచి 895mm సీట్ హైట్ను అందిస్తుంది. త్వరలో అప్డేటెడ్ వెర్షన్ వచ్చే అవకాశం ఉందని సమాచారం.
6. Kawasaki KLX230 - 880mm
పూర్తి ఎండ్యూరో డిజైన్తో వచ్చిన KLX230 కాగితంపై 880mm సీట్ హైట్ చూపిస్తుంది. అయితే సాఫ్ట్ సస్పెన్షన్ కారణంగా రైడర్ కూర్చోగానే బైక్ కొంత దిగుతుంది. కేవలం 139 కిలోల కర్బ్ వెయిట్తో ఈ లిస్ట్లో అతి తేలికైన బైక్ ఇదే.
5. Ducati Hypermotard 950 SP - 890mm
పూర్తి హూలిగన్ క్యారెక్టర్ ఉన్న Hypermotard 950 SP, ప్రీమియం Ohlins సస్పెన్షన్తో 890mm సీట్ హైట్ను ఇస్తుంది. స్టాండర్డ్ మోడల్ కంటే ఇది మరింత ఎత్తుగా ఉంటుంది.
4. Hero Xpulse 200 4V Pro - 891mm
Xpulse 200 4V Pro ను ఆఫ్రోడ్ లవర్స్ కోసం రూపొందించారు. 250/220mm సస్పెన్షన్ ట్రావెల్ కారణంగా దీని సీట్ హైట్ 891mm. ఇది ఈ లిస్ట్లో నాలుగో అత్యంత ఎత్తైన బైక్.
3. KTM 390 Enduro R - 895mm
ఎక్స్పోర్ట్ స్పెక్స్తో వచ్చిన కొత్త 390 Enduro Rలో 230mm సస్పెన్షన్ ట్రావెల్ ఉంది. దీంతో సీట్ హైట్ 895mmకి పెరిగింది. ఆఫ్రోడ్లో ఇది నిజంగా తన పవర్ను చూపిస్తుంది.
2. Ducati Hypermotard 698 Mono - 904mm
ప్రస్తుతం ప్రొడక్షన్లో ఉన్న అత్యంత శక్తిమంతమైన సింగిల్ సిలిండర్ బైక్ ఇదే. 904mm సీట్ హైట్తో ఇది రెండో స్థానంలో నిలిచింది.
1. Ducati DesertX Rally - 910mm
ఈ లిస్ట్లో అగ్రస్థానంలో ఉన్నది Ducati DesertX Rally. 910mm సీట్ హైట్తో భారత్లో షోరూమ్ నుంచి నేరుగా కొనగలిగే అత్యంత ఎత్తైన రోడ్ లీగల్ బైక్ ఇదే.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
