Venus Transit 2023: మానసిక ఇబ్బందులు, వైవాహిక జీవితంలో వివాదాలు - శుక్రుడి సంచారం ఈ 6 రాశులవారికి అస్సలు బాలేదు

Shukra Gochar 2023: సుఖ, సంతోషాలనిచ్చే శుక్రుడు ఏప్రిల్ 6న వృషభ రాశిలోకి ప్రవేశించాడు. ఈ ప్రభావంతో ఆరు రాశులవారు అప్రమత్తంగా ఉండాలి

Image Credit: Pixabay

Venus transit in Tarus 2023:  ప్రతి నెలా గ్రహాలు తమ స్థానాలను మార్చుకుంటాయి. గ్రహాల కదలికలు అన్ని రాశులపైనా ప్రభావం చూపిస్తాయి. కొన్ని రాశులపై శుభ ఫలితాలను చూపిస్తే మరికొన్ని రాశులపై అశుభ ఫలితాలను సూచిస్తాయి. మరికొన్ని రాశులవారికి మిశ్రమ ఫలితాలుంటాయి. సుఖ సంతోషాలనిచ్చే శుక్రుడు ఏప్రిల్ 6న వృషభరాశిలోకి ప్రవేశించాడు.  మే 2వ తేదీ వరకూ వృషభ రాశిలోనే సంచరిస్తాడు. ఈ సంచారం కొన్ని రాశులవారికి ప్రతికూల ఫలితాలను సూచిస్తోంది..ఆ రాశులేంటంటే..

మిథున రాశి (మృగశిర 3,4, ఆరుద్ర, పునర్వసు 1,2,3 పాదాలు)

ఏప్రిల్ 6న శుక్రుడు వృషభరాశిలో అడుగుపెట్టాడు. ఇది మిథున రాశివారికి ఇది 12వ స్థానంలో సంచారం. ఈ సమయం మీకు అనుకూలంగా లేదు. శుక్రుడు 12వ స్థానంలో సంచరిస్తున్నంత వరకూ మీరు జాగ్రత్తగా ఉండాలి. వ్యాపార విస్తరణ కోసం ప్లాన్ చేసుకుంటే కొంతకాలం ఆగడమే మంచిది. వైవాహిక జీవితంలో ఇబ్బందులు ఉండవచ్చు, భార్యాభర్తల మధ్య కమ్యూనికేషన్ ఆగిపోవచ్చు.

సింహ రాశి (మఖ, పుబ్బ, ఉత్తర 1 పాదాలు)

వృషభ రాశిలో శుక్రుడి సంచారం సింహరాశి వారికి పెద్దగా కలసిరాదు. ఆర్థిక విషయాల్లో జాగ్రత్తగా ఉండాలి. ఉపాధి కోసం వెతుకుతున్న యువతకు ఇంకొంతకాలం నిరీక్షణ తప్పదు. అత్యవసరం అయితే కానీ ప్రయాణం చేయకపోవడమే మంచిది. విలువైన వస్తువులు జాగ్రత్త. ఈ నెల రోజుల పాటూ ఆరోగ్యం పట్ల అత్యంత శ్రద్ధ అవసరం.

వృశ్చిక రాశి (విశాఖ 4 పాదం, అనూరాధ, జ్యేష్ఠ)

వృషభ రాశిలో శుక్రుడి సంచారం వృశ్చిక రాశికి అనుకూలంగా లేదు. ఉద్యోగులకు కార్యాలయంలో అడ్డంకులు ఎదురవుతాయి. అధికారుల నుంచి మాటలు పడతారు. మానసిక ఒత్తిడి ఉంటుంది. వైవాహిక జీవితంలో సమస్యలు ఉంటాయి.  వివాదాలు మీ సంబంధాన్ని బలహీనపరుస్తాయి. శుక్రుని సంచారం వలన వృశ్చిక రాశి వారు చట్టపరమైన సమస్యలలో చిక్కుకోవచ్చు.

ధనుస్సు రాశి (మూల, పూర్వాషాఢ, ఉత్తరాషాఢ 1 పాదాలు)

శుక్రుడు రాశి మార్పు  ప్రభావం ధనస్సు రాశివారిపై మిశ్రమంగా ఉంటుంది. వ్యాపారంలో ధన నష్టం కలిగే అవకాశం ఉంది. తల్లిదండ్రులు తమ పిల్లల చదువుల విషయంలో ఇబ్బందులు పడతారు.  దుబారా తగ్గించుకోవడం మంచిది. అప్పులు చేయాల్సి వస్తుంది. గర్భిణీ స్త్రీలు శుక్రగ్రహ సంచార సమయంలో ఆరోగ్యం పట్ల శ్రద్ధ వహించాలి.

మీన రాశి (పూర్వాభాద్ర 4 పాదాలు, ఉత్తరాభాద్ర, రేవతి)

వృషభ రాశిలో శుక్రుడి సంచారం మీనరాశివారికి ప్రతికూల ఫలితాలనిస్తోంది. నెల రోజుల పాటూ ఈ రాశి ఉద్యోగులకు పని ఒత్తిడి పెరుగుతుంది. ఇది మానసిక ఒత్తిడికి దారితీస్తుంది. దుబారాకు దూరంగా ఉండండి...లేదంటే ఆర్థిక పరిస్థితి మరింత దిగజారుతుంది. తప్పుడు కార్యకలాపాలలో స్నేహితులకు మద్దతు ఇవ్వకండి. 

నోట్: ఆయా రాశుల్లో ఫలితాలు ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.