New Year Astrology Prediction 2025: ఈ రాశివారికి నూతన సంవత్సరం ఫస్టాఫ్ కన్నా సెకెండాఫ్ అదిరిపోతుంది - సింహ రాశి వార్షిక ఫలితాలు 2025!

Yearly Horoscope 2025 for Leo: సింహ రాశివారికి 2025 మిశ్రమ ఫలితాలనిస్తుంది. కొత్త ఏడాదిలో సింహ రాశి ఫలితాలు ఎలా ఉన్నాయో తెలుసుకోండి..

Leo Yearly Horoscope 2025

Source : Pixabay

New Year Prediction 2025 Yearly Horoscope  for Leo: సింహ రాశి వారికి కొత్త సంవత్సరం 2025లో భారీ అవకాశాలు లభిస్తాయి. ఆర్థిక పరిస్థితి బావుంటుంది. 2024లో ఎదుర్కొన్న ఇబ్బందులు తొలిగిపోతాయి. వృత్తి , ఉద్యోగం, విద్యలో శుభఫలితాలుంటాయి.  

సింహ రాశివారికి 2025 లో కుటుంబంలో సంతోషం ఉంటుంది. రాహు, కేతు  ప్రభావంతో కుటుంబంలో కలహాలు రావొచ్చు కానీ పెద్దల జోక్యంతో పరిష్కారం అవుతాయి. శుభకార్యాల నిర్వహణకు ప్లాన్ చేస్తారు. అంతా ప్రశాంతంగా సాగిపోతుంది.

ఏడాది ఆరంభంలో కన్నా మే తర్వాత నుంచి ఆదాయం పెరుగుతుంది. పొదుపు చేస్తారు. శని గ్రహం ప్రభావం మీపై ఉంటుంది కానీ ఆర్థికంగా ఉండే ఇబ్బందులు తొలగిపోతాయి.  

ఈ రాశి ఉద్యోగులకు 2025లో ప్రమోషన్ కి సంబంధించిన సమాచారం వింటారు. మీరు మీ పనిపై దృష్టి సారించండి. సమయాన్ని వృధా చేయవద్దు. నిరుద్యోగుల ఉద్యోగ ప్రయత్నాలు సఫలం అవుతాయి. 

2025లో వ్యాపారంలో ఊహించిన స్థాయిలో మంచి ఫలితాలు సాధించలేరు. వ్యాపారంలో భారీ పెట్టుబడులు నష్టాలను అందిస్తాయి. వ్యాపార లావాదేవీల విషయంలో జాగ్రత్త అవసరం. పొదుపు , ఖర్చుల విషయంలో సమతుల్యత పాటించాలి. 
 
ఈ ఏడాది విద్యార్థులకు అన్నీ శుభఫలితాలే ఉన్నాయి. చదువుపై శ్రద్ధ పెరుగుతుంది. ఆరోగ్యం మెరుగుపడుతుంది. పోటీ పరీక్షలలో మంచి ఫలితాలు సాధిస్తారు. శని ప్రభావం వల్ల ఏప్రిల్ వరకూ సోమరితనం ఉంటుంది.  

జనవరి 2025 

ఈ నెలలో 7, 8 రాశుల్లో గ్రహసంచారం వల్ల పెద్దగా అనుకూలత ఉండదు. ఆర్థికపరమైన జాగ్రత్తలు కీలకం. ప్రతి విషయంలోనూ ప్రతికూలత ఎదురవుతాయి. ధననష్టం సూచలున్నాయి జాగ్రత్త. బంధుమిత్రులు, సోదరులతో వివాద సూచనలున్నాయి. అనుకోన ప్రయాణాలు, చికాకులు తప్పవు. పోటీ పరీక్షలకు సిద్ధమవుతున్న విద్యార్థులు తమ చదువుపై శ్రద్ధగా దృష్టి పెట్టాలి.  

ఫిబ్రవరి 2025

ఈ నెలలో మొదటి అర్థభాగం బాగోకపోయినా ద్వితీయార్థం బావుంటుంది. వృత్తి, వ్యాపారం, ఉద్యోగంలో మంచి ఫలితాలు సాధిస్తారు. ఆరోగ్యంపై శ్రద్ధ అవసరం. సవాళ్లను ఎదుర్కొనేందుకు సిద్ధంగా ఉండాలి

మార్చి 2025

ఈ నెలలో పరిస్థితులు అంతగా అనుకూలించవు. అయితే ఎన్ని ఒడిదొడుకులు ఉన్నా చివరికి సమస్యల నుంచి బయటపడతారు. ఊహించని ఖర్చులు పెరుగుతాయి. పని ఒత్తిడి ఉంటుంది

ఏప్రిల్ 2025

ఈ నెలలో కెరీర్ కి సంబంధించిన వ్యూహాత్మక ప్రణాళికలు వేసుకుంటారు. శుక్రుడి సంచారంతో ఆర్థిక స్థిరత్వం మెరుగుపడుతుంది. క్రమశిక్షణతో ఉండాలి. ఆరోగ్యం బావుంటుంది.  

మే 2025
చట్టపరమైన విషయాల్లో చిక్కుకునేవారికి ఈ నెలలో ఉపశమనం లభిస్తుంది. నూతన వ్యాపారాలు కలిసొస్తాయి. చిన్న చిన్న గొడవలు వచ్చినా కుటుంబ జీవితం సామరస్యంగా ఉంటుంది. విద్యార్థులు ఏకాగ్రతతో మంచి ఫలితాలు సాధిస్తారు. 

జూన్ 2025
ఈ నెలలో అనుకూల ఫలితాలున్నాయి. ఆర్థిక వృద్ధి ఉంటుంది. ప్రారంభించిన పనులన్నీ సకాలంలో పూర్తిచేస్తారు. ఆరోగ్యం మెరుగుపడుతుంది. 

జూలై 2025

ఈ నెలలో ఉద్యోగులకు పని ఒత్తిడి పెరిగినా మంచి ఫలితాలు సాధిస్తారు. వ్యాపార విస్తరణకు ఇది మంచి సమయం. కుటుంబంలో ప్రశాంతత ఉంటుంది. వచ్చిన అవకాశాలు సమర్థవంతంగా వినియోగించుకునేందుకు ప్రయత్నించండి. 

ఆగష్టు 2025

ఈ నెలలో మీ కెరీర్లో పురోగతి ఆశించిన స్థాయిలో ఉండదు. భాగస్వామ్య వ్యాపారం చేసేవారు ముఖ్యమైన డాక్యుమెంట్స్ విషయంలో జాగ్రత్తగా వ్యవహరంచాలి. ఆరోగ్యం మెరుగుపడుతుంది కానీ..పని ఒత్తిడి పెరుగుతుంది. సహనంగా వ్యవహరించండి. 

సెప్టెంబర్ 2025

ఈ నెలలో కన్యా రాశిలో సూర్యుడి సంచారం మీకు కలిసొస్తుంది. వైవాహిక జీవితం సంతోషంగా ఉంటుంది. వృత్తి, ఉద్యోగం, వ్యాపారంలో మంచి ఫలితాలు సాధిస్తారు. దూరమైన బంధువులను మళ్లీ కలుస్తారు. 

అక్టోబర్ 2025

వృత్తిలో ఉండే ఆర్థిక సంబంధిత సవాళ్లు అక్టోబర్ తర్వాత మెరుగుపడతాయి. సానుకూల మనస్తత్వాన్ని కొనసాగించండి . ఆరోగ్యం మెరుగుపడుతుంది. విద్యార్థులు పోటీ పరీక్షలలో మంచి ఫలితాలు సాధిస్తారు. ఫ్యూచర్ కోసం ప్రణాళికలు వేసుకునేందుకు ఇదే మంచి సమయం. 

నవంబర్ 2025 

ఈ నెలలో సింహరాశివారి ఉద్యోగ, వ్యక్తిగత జీవితంలో కొన్ని మార్పులొస్తాయి. ఆర్థిక క్రమశిక్షణ చాలా ముఖ్యం. సంబంధాలు చిన్న విభేదాలను ఎదుర్కోవచ్చు కానీ కూర్చుని మాట్లాడుకుంటే సమస్యలు పరిష్కారం అవుతాయి. 

డిసెంబర్ 2025

సింహ రాశివారికి ఇయర్ ఎండ్ అద్భుతంగా ఉంటుంది. మీ జీవితంలో చాలా ముఖ్యమైన నిర్ణయాలు తీసుకుంటారు. ఆరోగ్యం బావుంటుంది. కుటుంబంలో సంతోషం వెల్లివిరుస్తుంది. కొత్త ఆశలతో 2026కి స్వాగతం పలుకుతారు. 

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.