జూలై 20 రాశిఫలాలు, ఈ రాశివారు తడబాటు లేకుండా నిర్ణయాలు తీసుకోగలుగుతారు

Horoscope Today : మేష రాశి నుంచి మీన రాశివరకూ జూలై 20 గురువారం రాశి ఫలితం ఎలా ఉందో ఇక్కడ తెలుసుకోండి.

Image Credit: Pixabay

Horoscope Today July 20, 2023

మేష రాశి
ఈ రోజు మీరు తలపెట్టే పని పూర్తికాదు. ఈ రాశివారు వివాహేతర సంబంధాలకు దూరంగా ఉండాలి. ఉద్యోగులు, వ్యాపారులు చాలా కష్టపడితే కానీ మంచి ఫలితం అందుకోలేరు. అనారోగ్య సమస్యలున్నాయి జాగ్రత్త. పిల్లల ప్రవర్తన మెరుగుపడేలా మీరు కొన్ని సూచనలు చేయాలి వారిని కనిపెట్టుకుంటూ ఉండాలి.

వృషభ రాశి
ఈ రాశివారికి ఆర్థిక ఇబ్బందులు ఎదురవుతాయి. ఉద్యోగులకు కార్యాలయంలో పోటీ వాతావరణం ఉంటుంంది. కుటుంబ సభ్యుల కోసం చేసే ఖర్చులు పెరుగుతాయి. అహంకారంతో మిత్రులతో విభేదాలు పెట్టుకుంటారు. వ్యాపారులు నూతన పెట్టుబడులు పెట్టేందుకు ఇది సరైన సమయం కాదు. 

మిథున రాశి
ఈ రాశివారిపై జ్ఞానోదయం పొందిన వారి ప్రభావం ఉంటుంది. వ్యాపారంలో ఆదాయంపెరుగుతుంది. సోదరులకు బహుమతులు ఇస్తారు. విక్రయాలకు సంబంధించి తమ లక్ష్యాన్ని ముందుగానే పూర్తిచేస్తారు. భార్యభర్తలు ఈరోజు ప్రశాంతంగా ఉంటారు. విద్యార్థులకు చదువుపై శ్రద్ధ పెరుగుతుంది.

కర్కాటక రాశి
ఈ రోజు ఈ రాశివారు కొంత జాగ్రత్తగా ఉండాలి. ఏ చిన్న పొరపాటు చేసినా మాట పడే అవకాశం ఉంది. ఇతరులు మిమ్మల్ని నిందించడానికి అస్సలు వెనుకాడరు. స్నేహితులు, కుటుంబ పెద్దల నుంచి సహకారం అందుతుంది. విద్యార్థులు ఇతర విషయాలపై ఆసక్తి ప్రదర్సించడం మానుకోవాలి. 

సింహ రాశి
సింహ రాశి వారు వ్యాపారంలో వృద్ధి చెందుతారు. పాత అప్పుల నుంచి విముక్తి పొందే అవకాశం ఉంది. మీ గురించి అందరూ ఏమనుకుంటున్నారో తెలుసుకోవాలన్న ఆసక్తి ఈ రాశివారిలో చాలా ఎక్కువగా ఉంటుంది. ఏ కోరిక అయినా ఈ రోజు నెరవేరుతుంది. వ్యాపార విస్తరణకు కొత్త పద్దతులు అనుసరించడం లాభిస్తుంది. అనుకున్న పనులు పూర్తిచేయడంలో బిజీగా ఉంటారు.

కన్యా రాశి
భాగస్వామ్య వ్యాపారంలో ఉన్న కన్యారాశివారు ముందు జాగ్రత్తలు తీసుకోవాలి. ఆర్థిక వ్యవహారాలను వేరొకరికి అప్పగించి నిర్లక్ష్యంగా ఉండకూడదు. మీ సామర్థ్యం ఏంటో అంచనా వేసుకున్న తర్వాతే ఏపనైనా చేపట్టండి. నిరుద్యోగులకు ఉద్యోగ అవకాశం రావొచ్చు. అధిక పని ఒత్తిడి వలన అలసటకు గురవుతారు.

తులా రాశి
ఈ రాశివారు కుటుంబానికి సమయం కేటాయించాలి. పూర్తి విధేయతతో మీ బాధ్యతలు పూర్తిచేయాలి. పిల్లల సక్సెస్ చూసి మీలో ఉత్సాహం పెరుగుతుంది. స్నేహితుల సమస్యలను అర్థం చేసుకుంటారు వారికి అవసరమైన సహకారం అందిస్తారు. సాహిత్య రంగానికి సంబంధించిన వ్యక్తులు ద్రవ్య ప్రయోజనం, గౌరవం పొందుతారు.

వృశ్చిక రాశి
ఈ రాశి ఉద్యోగులు సహోద్యోగులతో మర్యాదగా ప్రవర్తించండి. కుటుంబానికి సంబంధించి కొన్ని విషయాల్లో భావోద్వేగానికి లోనవుతారు. కొత్త పనుల్లో పెట్టుబడులు పెట్టేందుకు ఇదే మంచి సమయం. వ్యాపార ఒప్పందాలను సకాలంలో పూర్తిచేస్తారు. భార్యాభర్తల మధ్య అనుబంధం బలంగా ఉంటుంది.

ధనస్సు రాశి
ఈ రాశివారు ఈరోజు కొంచెం జాగ్రత్తగా ఉండాలి. విద్యార్థులకు శుభసమయం. వ్యాపారులు అప్రమత్తంగా లేకపోతే నష్టాలు తప్పవు. నూతన పెట్టుబడులు పెట్టే ఆలోచనను వాయిదా వేయడం మంచిది. అనవసర ప్రయాణాలకు దూరంగా ఉండాలి. కుటుంబ సభ్యుల అభిప్రాయాన్ని పరిగణలోకి తీసుకోవాలి. ప్రేమికులకు శుభసమయం

మకర రాశి
ఈ రాశి ఉద్యోగులకు కార్యాలయంలో ఒక వ్యక్తితో విభేదాలు వచ్చే అవకాశం ఉంది. దీని వలన మీ మనస్సు చంచలంగా మారవచ్చు. ముఖ్యమైన నిర్ణయాలు తీసుకునే ముందు మీ స్నేహితుల నుంచి సలహా తీసుకోవాలి.కష్టతరమైన సబ్జెక్టులను అధ్యయనం చేయడానికి ఈ రోజు అద్భుతమైనది. వ్యాపారులు కష్టానికి తగిన ఫలితం పొందుతారు

కుంభ రాశి
ఈ రాశికి చెందిన వారు దీర్ఘకాలంగా అనారోగ్యంతో బాధపడుతున్నట్టైతే ఈ రోజు కొంత ఉపసమనం లభిస్తుంది. పనిచేసే ప్రదేశంలో వాతావరణం మీకు అనుకూలంగా ఉంటుంది. నూతన వాహనం కొనుగోలు చేయాలన్న ఆలోచన ముందుకు సాగుతుంది. పెద్దల అనుభవాల నుంచి నేర్చుకునేందుకు ప్రయత్నిస్తారు.సామాజిక సేవపై ఆసక్తి చూపిస్తారు

మీన రాశి
ఈ రోజు మీకు నిర్ణయం తీసుకునే సామర్థ్యం పెరుగుతుంది. ఎలాంటి నిర్ణయం అయినా తడబాటు లేకుండా తీసుకోగలుగుతారు. ఆధ్యాత్మిక విషయాలపై ఆసక్తి పెరుగుతుంది. అప్పుగా ఇచ్చిన డబ్బు తిరిగి చేతికందుతుంది. సంబంధాల పట్ల మీ వైఖరిలో చాలా మార్పులు ఉండొచ్చు. శత్రువులతో జాగ్రత్తగా ఉండాలి