Weekly Horoscope : మేషం to మీనం ఈ వారం మీ రాశిఫలాలు!

Dussehra Horoscope : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈరోజు రాశి ఫలాలు ఇక్కడ తెలుసుకోండి.

weekly horoscope (Image Credit: Pixabay)

Source : Pixabay

వార ఫలాలు:  11-11-2024 నుంచి 17-11-2024 వరకు

మేష రాశి

ఈ వారం మేష రాశివారికి శుభ ఫలితాలున్నాయి. చేపట్టిన పనుల్లో విజయం సాధిస్తారు. ఆర్థిక పరిస్థితి గడిచిన వారం కన్నా మెరుగుపడుతుంది. టైమ్ ని సద్వినియోగం చేసుకోండి. ఉద్యోగం, వ్యాపారంలో కొన్ని ససమ్యలున్నా కానీ వాటిని అధిగమిస్తారు. నిరుద్యోగులు మంచి ఉద్యోగంలో స్థిరపడతారు. రాజకీయాల్లో ఉండేవారికి ప్రోత్సాహకరంగా ఉంటుంది. వారాంతంలో పని ఒత్తిడి పెరుగుతుంది. 

వృషభ రాశి

ఆర్థిక పరిస్థితి మెరుగుపడుతుంది. స్నేహితుల నుంచి సహకారం లభిస్తుంది. శత్రువుల సంఖ్య తగ్గుతుంది. వ్యాపారంలో ఉండేవారు నూతన పెట్టుబడులు పెట్టేందుకు ఇదే మంచి సమయం. ఉద్యోగం, కళారంగంలో ఉండేవారు శుభవార్తలు వింటారు. చేయాలనుకున్న పనులు వాయిదా వేయవద్దు. వారం చివర్లో అధిక ధన వ్యయం ఉంటుంది. రాజకీయాల్లో ఉండేవారికి పదవీయోగం ఉంది. కీలకనిర్ణయాలు తీసుకునేముందు అనుభవజ్ఞుల సలహాలు తీసుకోవడం మంచిది. 

మిథున రాశి

ఈ వారం మీరు మెరుగైన ఫలితాలు పొందుతారు. ఎప్పటి నుంచో వస్తుంది అనుకున్న సొమ్ము చేతికందుతుంది. చేపట్టిన పనుల్లో సక్సెస్ అవుతారు. ఉద్యోగం, వ్యాపారాలు ప్రోత్సాహకరంగా ఉంటాయి. కళారంగంలో ఉండేవారు మంచి అవకాశాలు పొందుతారు. వారం మొదట్లో వివాదాల్లో చిక్కుకుంటారు..వారాంతంలో ప్రశాంతంగా ఉంటుంది. ఉద్యోగంలో ఎదురయ్యే సమస్యలను బుద్ధిబలంతో అధిగమిస్తారు. 

కర్కాటక రాశి

ఈ వారం మీ ఆత్మవిశ్వాసం పెరుగుతుంది. శ్రేయోభిలాషుల సలహాలు స్వీకరిస్తారు. ఆర్థికంగా ఉన్న ఇబ్బందులు తొలగిపోతాయి. ఆస్తులకు సంబంధించిన వివాదాలు పరిష్కారం అవుతాయి. భాగస్వామ్య వ్యాపారంలో ఉండే సమస్యలు పరిష్కారం అవుతాయి. కళారంగంలో ఉండేవారు మంచి ఫలితాలు సాధిస్తారు. స్నేహితుల కారణంగా కొన్ని సమస్యలు ఎదురవుతాయి.  

సింహ రాశి

మీపై మీరు నమ్మకంతో అడుగువేయండి..చేపట్టిన పనుల్లో విజయం సాధిస్తారు. స్నేహితులు, శ్రేయోభిలాషుల నుంచి సహకారం అందుతుంది.  
ఉద్యోగులు పదోన్నతికి సంబంధించిన సమచారం వింటారు. వ్యాపారంలో ఉండే ఇబ్బందులు తొలగిపోతాయి. వివాదాలకు దూరంగా ఉండాలి. ఆకస్మిక ధనలాభం సూచనలున్నాయి. 
 
కన్యా రాశి

ఈ వారం కన్యారాశివారికి మంచి ఫలితాలున్నాయి. ఎప్పటి నుంచో వేసుకున్న ప్రణాళికలు కార్యరూపం దాల్చుతాయి. కుటుంబంలో శుభకార్యాల నిర్వహణకు ప్లాన్ చేసుకుంటారు. ఉద్యోగులు శుభవార్త వింటారు..నిరుద్యోగులు సౌకర్యవంతమైన ఉద్యోగంలో స్థిరపడతారు. వ్యాపారంలో మంచి లాభాలు ఆర్జిస్తారు. స్థిరాస్తులు కొనుగోలు చేయాలన్న ఆలోచన కార్యరూపం దాల్చుతుంది.  

తులా రాశి

ఈ వారం ఈ రాశివారు మంచి ఫలితాలు పొందుతారు. అవసరానికి డబ్బు చేతికందుతుంది. ఇంటా బయటా గౌరవం పెరుగుతుంది. ఉద్యోగం, వ్యాపారాల్లో అడుగు ముందుకు పడుతుంది. ఆర్థిక సమస్యలు పరిష్కారం అవుతాయి. ఇల్లు, వాహనం కొనుగోలు చేసేందుకు ప్లాన్ చేసుకుంటారు. రాజకీయాల్లో ఉండేవారికి సమయం కలిసొస్తుంది. 

వృశ్చిక రాశి

అనుకున్న పనులు అనుకున్న సమయానికి పూర్తి చేసేస్తారు. నూతన వ్యక్తుల పరిచయం లాభిస్తుంది. ఆలోచనల్లో ప్రతికూలతకు అవకాశం ఇవ్వొద్దు. అనారోగ్య సమస్యలున్నాయి జాగ్రత్త. ప్రత్యర్థులపై మీరు పైచేయి సాధిస్తారు. వ్యాపారంలో లాభాలుంటాయి.  నూతన వాహనం కొనుగోలు చేసేందుకు ప్లాన్ చేసుకుంటారు. అనుకోని ఖర్చులుంటాయి.

ధనస్సు రాశి
 
ముఖ్యమైన నిర్ణయాలు తీసుకునేముందు అనుభవజ్ఞుల సలహాలు తీసుకోవడం మంచిది. ముఖ్యమైన విషయాల్లో తొందరపాటు నిర్ణయాలు తీసుకోవద్దు. అనుకున్న పనులన్నీ అనుకున్న సమయానికి పూర్తిచేస్తారు.  ఆస్తులు కొనుగోలు చేసేందుకు ప్లాన్ చేసుకుంటారు. ప్రయాణాల్లో ఇబ్బందులు ఎదుర్కొంటారు

మకర రాశి

ఈ వారం మకర రాశివారికి అదృష్టం కలిసొస్తుంది. ఆత్మవిశ్వాసంతో అడుగువేస్తే అనుకున్న పనుల్లో ఆటంకాలు అధిగమిస్తారు. ఉద్యోగంలో పని ఒత్తిడి తగ్గుతుంది. నిరుద్యోగుల నిరీక్షణ ఫలిస్తుంది. ఆర్థిక సంబంధిత విషయాల్లో తొందరపడొద్దు. వ్యాపారంలో నూతన పెట్టుబడులు కలిసొస్తాయి. మీ చుట్టూ ఉండేవారిలో మీకు సమస్యలు సృష్టించేవారున్నారు జాగ్రత్త. 
 
కుంభ రాశి

గడిచిన వారంలో ఉండే వివాదాలు ఈ వారం సర్దుకుంటాయి...వివాదాలు మీ ఎదుగుదలకు అడ్డంకిగా మారుతాయని గుర్తిస్తారు. ముఖ్యమైన పనులన్నీ పూర్తిచేస్తారు. బాధ్యతల నుంచి పారిపోవద్దు. ఆదాయం పెరుగుతుంది. కష్టానికి తగిన ఫలితం పొందుతారు. ఉద్యోగంలో అనుకూలమైన మార్పులుంటాయి. చిన్న చిన్న అనారోగ్య సమస్యలుంటాయి. 

మీన రాశి

ఈ వారం నూతన పరిచయాలు మీలో ఉత్సాహాన్ని పెంచుతాయి. ఆర్థిక పరిస్థితి మెరుగుపడుతుంది. ఆలయాలు సందర్శించేందుకు ప్లాన్ చేసుకుంటారు. ఉద్యోగంలో మీ పనితీరు ప్రశంసలు అందుకుంటుంది. ప్లాన్ ప్రకారం పనులన్నీ పూర్తిచేస్తార. వారం మధ్యలో అనారోగ్య సమస్యలున్నాయి జాగ్రత్త. ఆస్తుల సంబంధిత విషయాల్లో తొందరపాటు వద్దు.. 

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.