Astrology News: మీ రాశి ప్రకారం వివాహానికి, శుభకార్యాలకు మీకు కలిసొచ్చే తేదీలు, రంగులు
Note: పెళ్లిముహూర్తాలు నిర్ణయించేటప్పుడు ఒక్కో రాశివారికి అనకూలమైన తేదీలు, అనుకూలమైన వారాలు, కలిసొచ్చే రంగులు వేర్వేరుగా ఉంటాయి. మరి మీ రాశివారికి ఏ తేదీలు కలిసొస్తాయో ఇక్కడ తెలుసుకోండి
Astrology News: శుభ ముహూర్తాలు లేకుండా వివాహం జరగదు. మంచి తేదీలు, అద్భుతమైన మహూర్తం కోసం పండితులను ఆశ్రయిస్తారు. ప్రస్తుతం చైత్రమాసం నడుస్తోంది..వైశాఖమాసం రాగానే పెళ్లిళ్ల సందడి మొదలవుతుంది. మీ జీవితాన్ని మరో మలుపు తిప్పే వివాహానికి మీ రాశి ప్రకారం మీకు కలిసొచ్చే రోజులు, కలిసొచ్చే తేదీలు, కలిసొచ్చే రంగులు తెలుసుకోండి..
మేష రాశి ( అశ్వని, భరణి, కృత్తిక 1వ పాదం )
మేషరాశి వారికి వివాహానికి అనుకూలమైన తేదీలు 1, 5, 6, 9, 10, 11,13. ఈ రాశిచక్రానికి అంగారకుడు అధిపతి. అందుకే మేషరాశి వారి వివాహానికి మంగళవారం అనుకూలమైన రోజు. అనుకూలమైన రంగు ఎరుపు. అయితే కొందరికి మంగళవారం ఏ పనీ ప్రారంభించడం మంచిదికాదనే సెంటిమెంట్ ఉంటే..మరికొందరు మాత్రం మంగళవారాన్ని జయవారంగా భావిస్తారు.
వృషభ రాశి ( కృత్తిక 2, 3, 4 పాదాలు, రోహిణి, మృగశిర 1, 2, పాదాలు)
వృషభ రాశికి అధిపతి శుక్రుడు. వివాహానికి అనుకూలమైన తేదీలు 8, 9, 10, 11, 15, 16, 20 . వీరికి కలిసొచ్చే రోజు శుక్రవారం, కలిసొచ్చే రంగు నారింజ రంగు.
మిథున రాశి (మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు )
మిథున రాశివారికి వివాహానికి అనుకూలమైన తేదీలు 1, 3, 5, 6, 7, 11, 12, 23, 24, 26, 27 తేదీలు మిథున రాశివారికి శుభం. బుధవారం వీరికి కలిసొచ్చే రోజు కాగా... ఆకుపచ్చ రంగు వీరికి శుభప్రదం
Also Read: రావణుడికి అయోధ్య ఇస్తానన్న రాముడు, శ్రీరామచంద్రుడి నుంచి నేర్చుకోవాల్సిన లక్షణాలివే!
కర్కాటక రాశి (పునర్వసు 4వ పాదం, పుష్యమి, ఆశ్లేష )
కర్కాటక రాశివారికి వివాహానికి అనుకూలమైన తేదీలు 23, 24, 26, 27 . వీరికి అత్యంత పవిత్రమైన రోజు సోమవారం , శుభప్రదమైన రంగు తెలుపు.
సింహ రాశి (మఖ, పుబ్బ, ఉత్తర 1వ పాదం )
సింహరాశి వారికి వివాహానికి అనుకూలమైన తేదీలు 23, 24, 27, 28, 29. ఈ రాశివారికి ఆదివారం ఉత్తమ రోజు. ఎరుపు శుభప్రదమైన రంగు.
కన్యా రాశి (ఉత్తర 2, 3, 4 పాదాలు, హస్త, చిత్త 1, 2 పాదాలు)
23, 24, 27, 28, 29 కన్యా రాశి వారికి వివాహానికి అనుకూలమైన తేదీలు. ఈ రాశిచక్రం అదృష్ట రంగు ఆకుపచ్చ, తగిన రోజు బుధవారం.
తులా రాశి (చిత్త 3, 4 పాదాలు, స్వాతి, విశాఖ 1, 2, 3 పాదాలు )
తులా రాశి వారికి 5, 6, 7, 8, 9, 11, 15 వివాహానికి అనుకూలమైన రోజు కాగా..శుక్రవారం, ఆకుపచ్చ రంగు శుభప్రదం.
వృశ్చిక రాశి ( విశాఖ 4వ పాదం. అనూరాధ, జ్యేష్ట 1,2,3,4 పాదాలు )
వృశ్చిక రాశి వారికి 1, 3, 5, 6, 7, 11, 12, 23, 24, 26, 27 తేదీలు వివాహానికి అనుకూలం. ఈ రాశి వారికి మంగళవారం, కుంకుమ రంగు శుభప్రదం
Also Read: శ్రీరామ నవమి ఎప్పుడొచ్చింది, రామాయణాన్ని నారాయణుడి కథగా కాదు నరుడి కథగా చదవాలంటారు ఎందుకు!
ధనుస్సు రాశి (మూల, పూర్వాషాడ 1 2 3 4 పాదాలు, ఉత్తరాషాడ 1వ పాదం )
ధనస్సు రాశివారికి 3, 14, 15, 17, 22, 23, 28 కొత్త జీవితాన్ని ప్రారంభించడానికి అనుకూలమైన తేదీలు. వివాహానికి అత్యంత అనుకూలమైన రోజు గురువారం, వీరికి మంగళకరమైన రంగు పసుపు.
మకర రాశి ( ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు)
మకర రాశివారికి అత్యంత అనుకూలమైన వివాహ తేదీలు 19, 25, 26, 27, 30, 31. ఈ రాశి వారికి శనివారం అనుకూలమైన రోజు కాగా నీలం రంగు శుభప్రదం
కుంభ రాశి (ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు )
కుంభ రాశి వారికి 8, 9, 10, 11, 15, 16, 20, 21, 22, 27, 29, 30 తేదీలు అనుకూలమైనవి. వివాహానికి శుభదినం శనివారం, కలిసొచ్చే రంగు వెండి రంగు..
మీన రాశి (పూర్వాబాద్ర 4వ పాదం, ఉత్తరాభాద్ర, రేవతి )
మీన రాశివారికి ఉత్తమ వివాహ తేదీలు 14, 15, 17, 22, 23, 28. సోమ, గురువారాలు మంచి రోజులు, అదృష్టాన్నిచ్చే రంగు పసుపు.
Note: జ్యోతిష్య శాస్త్ర పండితులు చెప్పిన వివరాలు, కొన్ని పుస్తకాల ఆధారంగా రాసిన వివరాలివి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం..ఆయా రాశుల్లో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.
టాప్ హెడ్ లైన్స్
ట్రెండింగ్ వార్తలు
