Konaseema Police Intelligence Failure : మరోసారి ఏపీ పోలీస్ ఇంటలిజెన్స్ ఫెయిల్ అయిందా ! కోనసీమ ఆందోళనలను లైట్ తీసుకున్నారా ?

విధ్వంసం వెనుక పెద్ద కుట్ర ఉందని వైఎస్ఆర్‌సీపీ నేతలంటున్నారు. కానీ ఇంటలిజెన్స్ మాత్రం కనీస సమాచారం సేకరించలేకపోయింది. లేకపోతే విధ్వంసం అడ్డుకునే అవకాశం ఉండేది.

FOLLOW US: 

Konaseema Police Intelligence Failure : పచ్చగా ఉండే కోనసీమ మొత్తం ఎర్రబడిపోయింది. చరిత్రలో ఎప్పుడూ చూడని విధంగా దాడులు, దహనాలు చోటు చేసుకున్నాయి. రాళ్ల దాడి జరిగింది. చివరికి ఎస్పీని వదిలి పెట్టలేదు. బస్సులు కనిపిస్తే నిప్పు పెట్టారు. మంత్రి ఇంటికి నిప్పు పెట్టారు. అక్కడే ఉన్న ఎమ్మెల్యే ఇంటినీ వదిలి పెట్టలేదు. చివరికి మంత్రి కొత్తగా కట్టుకుంటున్న ఇంటినీ వదల్లేదు. కొద్ది రోజులుగా అమలాపురంలో ఆందోళనలు జరుగుతున్నా... ఇంత స్థాయి రియాక్షన్ వస్తుందని ఎవరూ అనుకోలేదు. ఎందుకంటే.. ఈ ఆందోళనల వెనుక ఏ రాజకీయ పార్టీ లేదు. ఏ ఒక్క పక్షమూ పేరు మార్పును వ్యతిరేకించలేదు. 

అందుకే ఎవరి మద్దతు లేదని ఆందోళనలుపూర్తి స్థాయిలో జరగవని ప్రభుత్వం ఊహించినట్లుగా ఉంది. కానీ అక్కడ జరిగింది వేరు. వ్యవస్థీకృతంగా దాడులు జరిగాయి. ముందుగా కలెక్టరేట్ పై.. ఆ తర్వాత మంత్రులు.. వైఎస్ఆర్‌సీపీ ఎమ్మెల్యేల ఇళ్లపై దాడులు జరిగాయి. ఇంత జరుగుతున్న విషయాన్ని పోలీసులు కనీసం గుర్తించలేకపోయారు. పోలీస్ ఇంటలిజెన్స్ వ్యవస్థ ఈ విషయంలో ఘోరంగా ఫెయిలయిందన్న విమర్శలు వస్తున్నాయి. నిజానికి ఇంతపెద్ద విధ్వంసం జరుగుతుందని తెలిస్తే.. పోలీసుశాఖలో ఉన్న అన్నిరకాల వ్యవస్థల్లో.. ఏ ఒక్క దానికైనా సమాచారం అందుతుంది.  దానికి తగ్గట్లుగా చర్యలు తీసుకుంటున్నారు. అమలాపురంలో జరిగిన ఘర్షణల విషయంలో అలాంటి కనీస సమాచారం పోలీసు శాఖకు అందలేదు. అంటే ఇంటలిజెన్స్ ఎంత ఘోరంగా ఫెయిలయిందో అర్థం చేసుకోవచ్చు. 

ఆందోళనకారులు విరుచుకుపడబోతున్నారన్న కనీస సమాచారం ఉన్నా పోలీసులు ముందస్తు జాగ్రత్తలు తీసుకునేవారు. ఉద్రిక్తలు ఉన్నా.. అమలాపురంలో పోలీసులు మూడు వందల మంది మాత్రమే ఉన్నట్లుగా తెలుస్తోంది. అదనపు పోలీసు బలగాలు లేవు. దీంతో ఆందోళనకారులకు ఎదురు లేకుండా పోయినట్లయింది. పోలీసులు చేతులెత్తేశారనన ప్రచారం జరగడం.. స్వయంగా ఎస్పీ సుబ్బారెడ్డి కూడా గాయాలపాలయ్యారని ప్రచారం జరగడంతో ఆందోళనకారులు మరింత రెచ్చిపోయారు. భయం లేకుండా దాడులకు పాల్పడ్డారు. ఇంకా వైపల్యం ఏమిటంటే.. విధ్వంసం ప్రారంభమైన తర్వాత కూడా పోలీసు బలగాలు.. పెద్ద ఎత్తున చేరుకోలేకపోయాయి. సమన్వయం లేకపోవడంతో చీకటి పడిన తర్వాతనే వచ్చాయి. అప్పటికే జరగాల్సిన విధ్వంసం అంతా జరిగిపోయింది. 

పోలీస్ ఇంటలిజెన్స్ వ్యవస్థ విఫలం కావడం ఇదే మొదటి సారి కాదు. విజయవాడలో ఉద్యోగులునిర్వహించిన చలో విజయవాడ కార్యక్రమం విషయంలోనూ ఇంటలిజెన్స్ ఘోరంగా విఫలమయిందన్న విమర్శలు వచ్చాయి. ఇప్పుడు అమలాపురం విషయంలోనూ అదే పరిస్థితి. ఏపీలో శాంతి భద్రతలు రిస్క్‌లో పడినట్లయిందన్న విమర్శలు రావడానికి ఇంటలిజెన్స్ వైఫల్యం  కారణంగా మారింది. 

Published at : 24 May 2022 08:14 PM (IST) Tags: Amalapuram konaseema Konaseema District Amalapuram Destruction AP Intelligence Fail

సంబంధిత కథనాలు

Nellore News : నెల్లూరు జిల్లాలో విషాదం, ఈత సరదా ముగ్గుర్ని బలిగొంది!

Nellore News : నెల్లూరు జిల్లాలో విషాదం, ఈత సరదా ముగ్గుర్ని బలిగొంది!

Guntur News : వీధి కుక్కల దాడిలో పెంపుడు కుక్క పిల్ల మృతి, రోడ్డుపై బైఠాయించిన ఓ కుటుంబం

Guntur News : వీధి కుక్కల దాడిలో పెంపుడు కుక్క పిల్ల మృతి, రోడ్డుపై బైఠాయించిన ఓ కుటుంబం

Pawan Kalyan : బూతులు తిట్టేందుకే ఎమ్మెల్యేల ప్రెస్ మీట్లు, ప్రజాసమస్యల పరిష్కారానికి వైసీపీకి టైం లేదు- పవన్ కల్యాణ్

Pawan Kalyan : బూతులు తిట్టేందుకే ఎమ్మెల్యేల ప్రెస్ మీట్లు, ప్రజాసమస్యల పరిష్కారానికి వైసీపీకి టైం లేదు- పవన్ కల్యాణ్

Golden Bonam : బెజవాడ దుర్గమ్మకు బంగారు బోనం, కదిలివచ్చిన భాగ్యనగరం

Golden Bonam : బెజవాడ దుర్గమ్మకు బంగారు బోనం, కదిలివచ్చిన భాగ్యనగరం

Tirupati Crime : విడాకులు తీసుకున్న యువకులే కిలాడీ లేడీ టార్గెట్, పెళ్లి చేసుకుని ఆస్తులకు ఎసరు!

Tirupati Crime : విడాకులు తీసుకున్న యువకులే కిలాడీ లేడీ టార్గెట్, పెళ్లి చేసుకుని ఆస్తులకు ఎసరు!

టాప్ స్టోరీస్

PM Modi Speech: తెలంగాణలోనూ డబుల్ ఇంజిన్ సర్కార్ వస్తుంది, అభివృద్ధి డబుల్ అవుతుంది-ప్రధాని మోదీ

PM Modi Speech: తెలంగాణలోనూ డబుల్ ఇంజిన్ సర్కార్ వస్తుంది, అభివృద్ధి డబుల్ అవుతుంది-ప్రధాని మోదీ

Balakrishna: 'ఇట్లు మారేడుమిల్లి ప్రజానీకం' టీమ్ తో బాలయ్య - లుక్ అదుర్స్

Balakrishna: 'ఇట్లు మారేడుమిల్లి ప్రజానీకం' టీమ్ తో బాలయ్య - లుక్ అదుర్స్

IND vs ENG 5th Test Day 3: ఆరంభంలోనే వికెట్ కోల్పోయిన భారత్ - టీ సమయానికి స్కోరు ఎంతంటే?

IND vs ENG 5th Test Day 3: ఆరంభంలోనే వికెట్ కోల్పోయిన భారత్ - టీ సమయానికి స్కోరు ఎంతంటే?

Bandi Sanjay : తెలంగాణకు మోదీ నిధులిస్తుంటే, కేసీఆర్ దారి మళ్లిస్తున్నారు- బండి సంజయ్

Bandi Sanjay : తెలంగాణకు మోదీ నిధులిస్తుంటే, కేసీఆర్ దారి మళ్లిస్తున్నారు- బండి సంజయ్