IND vs SA 1st T20I Match Time: నేడు తొలి టీ20.. భారత్ను ఢీకొడుతున్న దక్షిణాఫ్రికా- మ్యాచ్ టైం, లైవ్ స్ట్రీమింగ్ వివరాలు
India vs South Africa 1st T20 | టెస్టులో ఓడినా దక్షిణాఫ్రికాపై భారత్ ODI సిరీస్ గెలిచింది. నేడు కటక్ వేదికగా టీ20 సిరీస్ మొదలవుతుంది. భారత్ టీ20లో ప్రపంచ ఛాంపియన్ కావడంతో సఫారీలు చెమటోడ్చక తప్పదు.
IND vs SA 1st T20I Cricket Match Time: భారత్, దక్షిణాఫ్రికా జట్ల మధ్య టీ20 సిరీస్ నేడు ప్రారంభం అవుతుంది. నేటి నుండి ప్రారంభమయ్యే ఐదు మ్యాచ్ల T20 సిరీస్కు ఇరు జట్లు సిద్ధంగా ఉన్నాయి. కటక్లోని బారాబతి స్టేడియం తొలి టీ20 మ్యాచ్ కు వేదికగా మారింది. రెండు జట్లకు ఈ సిరీస్ చాలా ముఖ్యమైనది. వాస్తవానికి, T20 ప్రపంచ కప్ దగ్గర పడుతోంది. దాంతో ఈ సిరీస్ ఆయా జట్లో ప్లేయింగ్ కాంబినేషన్ను నిర్ణయించడంలో కీలక పాత్ర పోషిస్తుంది. కనుక ఈరోజు మొదటి మ్యాచ్ ఎప్పుడు, ఏ సమయంలో, ఎక్కడ ఎక్కడ జరుగుతుందో తెలుసుకుందాం. మీరు ఈ మ్యాచ్ లైవ్ స్ట్రీమింగ్ను ఎక్కడ చూడవచ్చు ఇక్కడ పూర్తి వివరాలు మీకోసం.
మ్యాచ్ ఎప్పుడు.. ఎక్కడ?
మొదటి T20I: మంగళవారం, డిసెంబర్ 9
వేదిక: బారాబతి స్టేడియం, కటక్
టాస్: మంగళవారం సాయంత్రం 6:30 గంటలకు
మ్యాచ్ ప్రారంభం: రాత్రి 7:00 గంటలకు
లైవ్ ఎక్కడ చూడాలి?
టీవీ: స్టార్ స్పోర్ట్స్ నెట్వర్క్ మ్యాచ్ ప్రత్యక్ష ప్రసారం చేస్తోంది
ఆన్లైన్: JioHotstar యాప్, జియో హాట్ స్టార్ వెబ్సైట్
టెస్ట్ సిరీస్ ఓటమికి ప్రతీకారం తీర్చుకున్న భారత్
టెస్ట్ సిరీస్ను 0-2తో దక్షిణాఫ్రికాకు కోల్పోయిన తర్వాత, ఇండియా ODI సిరీస్ను 2-1తో గెలిచి ప్రతీకారం తీర్చుకుంది. బ్యాటింగ్ విషయంలో పర్లేదు కానీ, బౌలింగ్ విషయంలో కొంత సమస్య అనిపిస్తుంది. ఇది భారత జట్టుకు ఇష్టమైన ఫార్మాట్. ఇక్కడ భారత్ ప్రస్తుత ప్రపంచ ఛాంపియన్, నంబర్-1 జట్టుగా దూసుకెళ్తోంది. అభిషేక్ శర్మ సునామీ ఇన్నింగ్స్, హార్దిక్ పాండ్యా తిరిగి రావడం, గిల్ కోలుకోవడం, జస్ప్రీత్ బుమ్రా-వరుణ్ చక్రవర్తిలు జట్టును బలోపేతం చేశారు. వికెట్ కీపర్ స్థానంలో జితేశ్ శర్మకు సంజు శాంసన్ కంటే ఎక్కువ అవకాశం లభించే అవకాశం ఉంది.
దక్షిణాఫ్రికా సైతం రెడీ
ODI సిరీస్ను కోల్పోయినా దక్షిణాఫ్రికా అనేక సందర్భాల్లో సత్తా చాటింది. T20 క్రికెట్లో ఈ జట్టు మరింత ప్రమాదకరంగా మారుతుంది. కెప్టెన్ ఎయిడెన్ మార్క్రమ్తో పాటు క్వింటన్ డి కాక్ తిరిగి రావడం టాప్ ఆర్డర్కు బలాన్నిస్తుంది. మిడిల్ ఆర్డర్లో డేవిడ్ మిల్లర్, ట్రిస్టన్ స్టబ్స్, డెవాల్డ్ బ్రెవిస్ వంటి పవర్ హిట్టర్లు ఉన్నారు. మార్కో జాన్సన్, జార్జ్ లిండే, డోనోవన్ ఫెరీరా వంటి ఆల్ రౌండర్లు జట్టుకు సమతుల్యతను ఇస్తారు. బౌలింగ్లో లుంగి ఎంగిడి, ఎన్రిచ్ నార్జేలు ప్రత్యర్థి బ్యాటర్లను ఇబ్బంది పెట్టగలరు.
భారత జట్టు ఆటగాళ్లు
సూర్యకుమార్ యాదవ్ (కెప్టెన్), తిలక్ వర్మ, శుభ్మన్ గిల్, అభిషేక్ శర్మ, హార్దిక్ పాండ్యా, శివమ్ దూబే, అక్షర్ పటేల్, సంజు శాంసన్ (వికెట్ కీపర్), జితేశ్ శర్మ (వికెట్ కీపర్), జస్ప్రీత్ బుమ్రా, వరుణ్ చక్రవర్తి, అర్ష్దీప్ సింగ్, కుల్దీప్ యాదవ్, హర్షిత్ రాణా, వాషింగ్టన్ సుందర్.
దక్షిణాఫ్రికా జట్టు
ఎయిడెన్ మార్క్రమ్ (కెప్టెన్), డెవాల్డ్ బ్రెవిస్, టోనీ డి జార్జీ, డేవిడ్ మిల్లర్, జార్జ్ లిండే, రీజా హెండ్రిక్స్, కార్బిన్ బాష్, క్వింటన్ డి కాక్ (వికెట్ కీపర్), డోనోవన్ ఫెరీరా (వికెట్ కీపర్), మార్కో జాన్సన్, ట్రిస్టన్ స్టబ్స్, ఓట్నీల్ బార్ట్మన్, కేశవ్ మహారాజ్, లుంగి ఎంగిడి, క్వెనా మఫాకా, ఎన్రిచ్ నార్ట్జే.
టాప్ హెడ్ లైన్స్
ట్రెండింగ్ వార్తలు
