Vandebharat Express: విశాఖ-సికింద్రాబాద్ వందేభారత్ రైలు 4 గంటలు లేట్ - మళ్లీ రాళ్లు విసిరిన దుండగులు

ఖమ్మం - విజయవాడ మధ్య గుర్తు తెలియని వ్యక్తులు అద్దాల్ని పగలగొట్టారు. అలాగే రైలు విశాఖపట్నానికి చేరుకుంది.

వందేభారత్ ఎక్స్‌ప్రెస్ రైలు (ఫైల్ ఫోటో)

వందే భారత్ ఎక్స్ ప్రెస్ పై మళ్లీ రాళ్ల దాడి జరిగింది. దక్షిణ మధ్య రైల్వే పరిధిలో రైలుపై ఆకతాయిలు రాళ్ళు రువ్వారు. దీంతో C 8 కోచ్ అద్దం బద్దలు అయింది. సికింద్రాబాద్ నుంచి విశాఖపట్నం వస్తుండగా బుధవారం (ఏప్రిల్ 5) నాడు ఈ ఘటన జరిగింది. ఖమ్మం - విజయవాడ మధ్య గుర్తు తెలియని వ్యక్తులు అద్దాల్ని పగలగొట్టారు. అలాగే రైలు విశాఖపట్నానికి చేరుకుంది. పగిలిన అద్దాన్ని రిపేర్ చేయడానికి నాలుగు గంటల సమయం పడుతుందని రైల్వేశాఖ ప్రకటించింది. దీనివల్ల విశాఖపట్నం నుంచి ఉదయం 5:45 కి బయలు దేరాల్సిన వందేభారత్ ట్రైన్ 9:45 కి బయలు దేరుతుందని వాల్తేరు సీనియర్ డీసీఎం ఏకే త్రిపాఠి ఓ ప్రకటనలో తెలిపారు.