Balaji Institute of Oncology: రూ.124 కోట్లతో క్యాన్సర్ హాస్పిటల్ - టీటీడీ ఛైర్మన్ వైవీ సుబ్బారెడ్డి శంకుస్థాపన
Balaji Institute of Oncology: 124 కోట్ల రూపాయలతో నిర్మిస్తున్న శ్రీ బాలాజీ ఇన్స్టిట్యూట్ ఆఫ్ క్యాన్సర్ ఆంకాలజీ ఆస్పత్రికి టీటీడీ ఛైర్మన్ వైవీ సుబ్బారెడ్డి శంకుస్థాపన చేశారు.
Balaji Institute of Oncology: 124 కోట్ల రూపాయల వ్యయంతో శ్రీ బాలాజీ ఇన్స్టిట్యూట్ ఆఫ్ క్యాన్సర్ ఆంకాలజీ ఆస్పత్రి నిర్మాణ పనులు చేపడుతున్నట్లు టీటీడీ ఛైర్మన్ వైవీ.సుబ్బారెడ్డి తెలిపారు. గురువారం ఉదయం శ్రీ వేంకటేశ్వర ఇన్సిటిట్యూట్ ఆవరణలో శ్రీ బాలాజీ ఆంకాలజీ భవనానికి ఆయన శంకుస్థాపన చేశారు. ఈ సందర్భంగా టీటీడీ ఛైర్మన్ వైవీ.సుబ్బారెడ్డి మీడియాతో మాట్లాడుతూ.. సీఎం జగన్ ఆదేశాలతో మన రాష్ట్రంలో క్యాన్సర్ బారిన పడిన ప్రజలకు మెరుగైన సేవలందించేందుకు అత్యాధునిక సౌకర్యాలతో ఆస్పత్రి నిర్మాణం చేపడుతున్నామని అన్నారు. దాదాపు 124 కోట్ల రూపాయలతో ఈ ఆస్పత్రి నిర్మాణం చేపడుతున్నామని స్పష్టం చేశారు. ఈరోజు కీలకమైన బంకర్ బ్లాక్ శంకుస్థాపన చేశామని పేర్కొన్నారు.
స్విమ్స్ ఆవరణంలో శ్రీ బాలాజి ఇన్స్టిట్యూట్ ఆఫ్ ఆంకాలజి( క్యాన్సర్ హాస్పిటల్) భవన నిర్మాణ శంకుస్థాపన కార్యక్రమానికి హాజరయ్యాను. pic.twitter.com/fvxBUJ3vbc
— Y V Subba Reddy (@yvsubbareddymp) May 25, 2023
200 కోట్ల రూపాయలతో అత్యాధునిక యంత్రాలు, సదుపాయాలు ఏర్పాటు చేస్తున్నట్లు ఛైర్మన్ వైవీ సుబ్బారెడ్డి తెలియజేశారు. ఈ ఏడాది డిసెంబర్ లోపు నిర్మాణఁ పూర్తి చేయాలని నిర్ణయం తీసుకున్నట్లు వెల్లడించారు. క్యాన్సర్ రాకుండా తీసుకొవా ల్సిన జాగ్రతలు, టెస్టులు, పింక్ బస్సులు ఏర్పాటు చేస్తున్నామని వివరించారు. అలాగే ప్రతి జిల్లాకు పింక్ బస్సులు ఏర్పాటు చేయాలని సీఎం ఆదేశించారని అన్నారు. ముఖ్యంగా చిత్తూరు, తిరుపతి జిల్లా నలుమూలలకు పింక్ బస్సులు పంపించి, స్క్రీనింగ్ చేస్తున్నామని వెల్లడించారు. మూడు లక్షల ఏస్.ఎఫ్.టీలతో ఈ ఆస్పత్రి నిర్మాణం జరుగుతుందన్నారు. అలాగే మొత్తం 400 పడకల కెపాసిటీతో క్యాన్సర్ ఆస్పత్రి నిర్మాణం చేస్తున్నట్లు చెప్పారు. ఈ కార్యక్రమంలో తిరుపతి ఎంపీ గురుమూర్తి, టీటీడీ పాలకమండలి సభ్యుడు పొకల అశోక్ కుమార్, టీటీడీ అధికారులు పాల్గొన్నారు.
తిరుమల - తిరుపతి ఘాట్ రోడ్డు లో బస్సు ప్రమాదం జరిగిన ప్రాంతాన్ని ఈ రోజు పరిశీలించడం జరిగినది. బస్సు ప్రమాదంపై విచారణ జరిపి నివేదిక ఇవ్వాలని సంబంధిత అధికారులను కోరాను. pic.twitter.com/DIW7xLxWJK
— Y V Subba Reddy (@yvsubbareddymp) May 25, 2023
ఆస్పత్రికి శంకుస్థాపనం చేసిన తర్వాత ఇటీవలే తిరుమల - తిరుపతి ఘాట్ రోడ్డులో బస్సు ప్రమాదం జరిగిన ప్రాంతాన్ని పరిశీలించారు. ఇక్కడికి ఛైర్మన్ సుబ్బారెడ్డితో పాటు ఇతర అధికారులు కూడా వెళ్లారు. ఈక్రమంలోనే బస్సు ప్రమాదంపై విచారణ జరిపి నివేదిక ఇవ్వాలని సంబంధిత అధికారులకు సూచించారు.
నిన్న హుండీ ఆదాయం ఎంతంటే?
తిరుమల శ్రీవారిని సన్నిధిలో భక్తుల రద్దీ కొనసాగుతుంది. వేసవి సెలవులు కావడంతో శ్రీనివాసుడి దర్శనార్ధం భక్తులు క్యూ కడుతున్నారు. దీంతో తిరుమలలో కిలో‌మీటర్ల మేర భక్తులు క్యూలైన్స్ లో వేచి ఉన్నారు. బుధవారం రోజు 74,995 మంది స్వామి వారిని దర్శించుకున్నారు. 38,663 మంది భక్తులు స్వామి వారికి తలనీలాలు సమర్పించగా, స్వామి వారి హుండీ ఆదాయం 3.60 కోట్లు రూపాయలు ఆదాయం లభించింది. ఇక వైకుంఠం క్యూ కాంప్లెక్స్ లో 29 కంపార్ట్మెంట్లల్లో భక్తులు క్యూలైన్స్ లో వేచి ఉన్నారు. దీంతో టైం స్లాట్ టోకెన్లు లేని సర్వదర్శనం భక్తులకు స్వామి వారి దర్శనం కోసం దాదాపుగా 24 గంటల సమయం పడుతుంది. ఇక ప్రత్యేక ప్రవేశ దర్శనంకు 3 గంటల సమయం పడుతుంది.
టాప్ హెడ్ లైన్స్
ట్రెండింగ్ వార్తలు
