Kapileswara Swamy: శ్రీ కపిలేశ్వరస్వామివారి బ్రహ్మోత్సవాలకు అంకురార్పణ, వాహనసేవల పూర్తి వివరాలు
Kapileswara Swamy Temple: మార్చి 1న ఉదయం 7.40 గంటలకు మీన లగ్నంలో ధ్వజారోహణంతో బ్రహ్మోత్సవాలు ప్రారంభ‌మ‌వుతాయి.
Kapileswara Swamy Brahmotsavam: తిరుపతి శ్రీ కపిలేశ్వరస్వామివారి వార్షిక బ్రహ్మోత్సవాలకు గురువారం సాయంత్రం శాస్త్రోక్తంగా అంకురార్పణ జరిగింది. మార్చి 1 నుండి 10వ తేదీ వరకు ఆల‌యంలో బ్రహ్మోత్సవాలు జరుగనున్నాయి. అంకురార్పణం సందర్భంగా సాయంత్రం మూషిక వాహనంపై శ్రీ వినాయకస్వామివారు పురవీధుల్లో భక్తులకు దర్శనమిచ్చారు. ఆ త‌రువాత శాస్త్రోక్తంగా అంకురార్పణం జరిగింది.
మార్చి 1న ధ్వజారోహణం
మార్చి 1న ఉదయం 7.40 గంటలకు మీన లగ్నంలో ధ్వజారోహణంతో బ్రహ్మోత్సవాలు ప్రారంభ‌మ‌వుతాయి. అనంతరం ఉదయం 9 నుంచి 11 గంటల వరకు పల్లకీ ఉత్సవం, రాత్రి 7 నుంచి 9 గంటల వరకు హంస వాహన సేవ జరుగనున్నాయి. ఈ కార్యక్రమంలో ఆలయ డెప్యూటీ ఈఓ శ్రీ దేవేంద్ర బాబు,సూపరింటెండెంట్ శ్రీ భూపతి, ఆలయ అర్చకులు పాల్గొన్నారు.
ఈ సందర్భంగా ప్ర‌తి రోజు ఉదయం 7 నుండి 9 గంటల వరకు, రాత్రి 7 నుండి 9 గంటల వరకు స్వామి, అమ్మ‌వార్ల‌కు పురవీధుల్లో వాహన సేవ‌లు నిర్వ‌హిస్తారు.
బ్రహ్మోత్సవాల్లో వాహనసేవల వివరాలు :
తేదీ ఉదయం సాయంత్రం
01-03-2024
ఉదయం - ధ్వజారోహణం(మీనలగ్నం)
రాత్రి - హంస వాహనం
02-03-2024
ఉదయం - సూర్యప్రభ వాహనం
రాత్రి - చంద్రప్రభ వాహనం
03-03-2024
ఉదయం - భూత వాహనం
రాత్రి - సింహ వాహనం
04-03-2024 ఉదయం - మకర వాహనం
రాత్రి - శేష వాహనం
05-03-2024
ఉదయం - తిరుచ్చి ఉత్సవం
రాత్రి - అధికారనంది వాహనం
06-03-2024
ఉదయం - వ్యాఘ్ర వాహనం
రాత్రి - గజ వాహనం
07-03-2024
ఉదయం - కల్పవృక్ష వాహనం
రాత్రి - అశ్వ వాహనం
08-03-2024
ఉదయం - రథోత్సవం (భోగితేరు)
రాత్రి - నందివాహనం
09-03-2024
ఉదయం - పురుషామృగవాహనం కల్యాణోత్సవం,
రాత్రి - తిరుచ్చి ఉత్సవం
10-03-2024
ఉదయం - త్రిశూలస్నానం ధ్వజావరోహణం,
రాత్రి - రావణాసుర వాహనం.
టాప్ హెడ్ లైన్స్
ట్రెండింగ్ వార్తలు
