Deputy CM Narayana Swamy: డిప్యూటీ సీఎం నారాయణ స్వామికి వింత అనుభవం- మీరు మంత్రేనా అంటూ మహిళ ప్రశ్న

తిరుమలలో డిప్యూటీ సీఎం నారాయణ స్వామితో ఓ భక్తురాలు మాట్లాడుతూ తన గోడు వెల్లబోసుకున్నారు. ఈ సందర్భంగా ఆమె చేసిన కామెంట్స్‌ వైరల్ అయ్యాయి.

మంత్రితో తన గోడు చెప్పుకుంటున్న భక్తురాలు

తిరుమల శ్రీనివాసుడిని ఈ ఉదయం డిప్యూటీ సీఎం నారాయణ స్వామి దర్శించుకున్నారు. దర్శనం అనంతరం బయటకు వస్తున్న ఆయనకు విచిత్ర అనుభవం ఎదురైంది. అటుగా వచ్చిన మహిళ ఆయనను గుర్తు పట్టలేదు. అయినా సరే అక్కడ ఉండే సమస్యలు ఏకరవు పెట్టారు.  

తిరుమలలో మంత్రి నారాయణ స్వామితో మహిళా భక్తురాలు ఏమన్నారంటే... స్వామీ మీరు ఎవరో కానీ... మీరు మంత్రి పదవి అదా అని అడిగారు. 

దానికి నారాయణ స్వామి తలూపుతూ అవును అన్నట్టు చెప్పారు. పక్కనే ఉన్న వ్యక్తి ఆయన మంత్రే మీ సమస్య ఏంటో చెప్పండి అన్నారు. 
గదులు కేటాయింపు వద్ద, క్యూ లైన్స్ కొన్ని చోట్ల మురుగు వాసన వస్తుంది కొంచెం పట్టించుకోండి సార్ అంటూ భక్తురాలు తన సమస్యను చెప్పుకున్నారు. అసలు అక్కడ నీట్‌నెస్ ఉందా అంటూ ప్రశ్నించారు. 

మంత్రి స్పందించి చెప్తానంటూ దండం పెట్టి వెళ్లిపోతున్నా ఆమె తన బాధను వివరిస్తూనే ఉన్నారు. 

ఈవోకు ఫోన్ చేస్తే కలవడం లేదన్నారు సదరు మహిళా భక్తురాలు. డయల్‌ యువర్ ఈవోకు ఫోన్ చేశామన్నారు. 

ఈ సమస్యను చెప్తానంటూ అక్కడి నుంచి డిప్యూటీ సీఎం నారాయణ స్వామి వెళ్లిపోయారు.