Rajadhani Express:: రాజధాని ఎక్స్ ప్రెస్ రైలుకు తప్పిన పెనుప్రమాదం

Rajadhani Express:: చెన్నై నుంచి ఢిల్లీ వెళ్తున్న రాజధాని ఎక్స్‌ ప్రెస్‌ కు నెల్లూరు జిల్లా కావలి వద్ద పెద్ద ప్రమాదం తప్పింది. రాజధాని ఎక్స్ ప్రెస్ లోని B-5 బోగీలో ఒక్కసారిగా భారీగా పొగలు రాడవంతో ప్రయాణికులు ఆందోళనకు గురయ్యారు. ఎక్స్ ప్రెస్ సరిగ్గా కావలి స్టేషన్ సమీపంలోకి వచ్చిన తర్వాత పెద్ద ఎత్తున పొగలు వచ్చాయి. అయితే విషయం గుర్తించిన లోకోపైలెట్ వెంటనే రైలను ఆపివేశాడు. రైలులో ఉన్న ప్రయాణికులు కూడా తీవ్ర ఆందోళనకు గురయ్యారు. వెంటనే రైలులో ఉన్నవారంతా కిందికి దిగిపోయారు. దాదాపు 20 నిమిషాల వరకు రైలుని ఆపి మరమ్మతులు చేశారు. ఎక్స్ ప్రెస్ బ్రేకులు ఫెయిల్‌ కావడం వల్లే ఆ బోగీ వద్ద పొగలు వచ్చినట్టు రైల్వే అధికారులు తెలిపారు. ఈ ఘటనలో ఎలాంటి ఆస్తి నష్టం కానీ, ప్రాణ నష్టం కానీ జరగలేదు. మరమ్మతుల తర్వాత, రాజధాని ఎక్స్‌ ప్రెస్‌ అక్కడి నుంచి బయల్దేరింది.

గతేడాది నవంబర్ లో పట్టాలు తప్పిన రైలు

రేణిగుంట, తిరుచానూరు రైల్వే స్టేషన్ మధ్యలో ఉన్న CRS లో ఓ రైలు ఇంజిన్ పట్టాలు తప్పింది. తిరుపతి నుంచి రేణిగుంట వెళ్తున్న రైలుకి ఇచ్చిన సిగ్నల్ ను తనదిగా భావించిన లోకో పైలెట్ ఇంజిన్ ను ముందుకు కదిపారు. ఈ లోపు అసలు ట్రైన్ వస్తుండటంతో ట్రాక్ మార్చే ప్రయత్నంలో ఇంజిన్ పట్టాలు తప్పింది. పక్కనే బురదలోకి దిగిపోయింది రైలు ఇంజిన్. లోకో పైలెట్ సిగ్నల్ ను తప్పుగా అర్థం చేసుకోవటంతోనే ప్రమాదం జరిగిందని రైల్వే పోలీసులు ప్రాథమిక నిర్ధారణకు వచ్చారు. ప్రమాదంలో లోకో పైలెట్ సురక్షితంగా బయటపడ్డారు. సంఘట స్థలానికి చేరుకున్న రైల్వే సిబ్బంది ఇంజన్ కు మరమ్మతులు చేపట్టారు.

అసలేం జరిగిందంటే..

రేణిగుంట తిరుచానూరు రైల్వే స్టేషన్ మధ్య గల CRS లో అర్ధరాత్రి రైల్వే ట్రాక్ నుంచి ట్రైన్ ఇంజన్ అదుపుతప్పింది. తిరుపతి నుండి రేణిగుంట రైల్వే స్టేషన్ కి వెళ్తున్న ఓ రైలుకు సిగ్నల్ ఇవ్వడంతో తమ రైలు ఇంజన్ కి సిగ్నల్ ఇచ్చారని లోకో పైలెట్ ముందుకు నడిపారు. దాంతో లూప్ లైన్ లో నిలిచి ఉన్న ఇంజన్ ముందుకు వెళ్లగా, ప్రక్కన ఉన్న లైన్లో సిగ్నల్ రావడంతో అసలు రైలు అదే ట్రాక్ లో రావడంతో లోకో పైలట్ ఆందోళన చెందాడు. తమ ట్రాక్ సిగ్నల్ అనుకొని పొరపాటున ట్రైన్ ను ముందుకి నడపటంతో ఈ ప్రమాదం జరిగింది. ట్రైన్ ఇంజన్ అదుపుతప్పి రెండు అడుగుల మేర బురద లోకి దిగబడింది. లోకో పైలట్ సురక్షితంగా ఉన్నాడని సమాచారం.

ఈ ప్రమాదంతో రైల్వే ట్రాక్ విరగడంతో ట్రైన్ ఇంజన్ బురదలోకి దూసుకెళ్లి నిలిచిపోయింది. సమాచారం అందుకున్న రైల్వే సిబ్బంది అక్కడికి చేరుకుని రైలు ఇంజన్ కు మరమ్మతులు చేపట్టారు. ప్రమాదం జరిగిన సమయంలో ట్రైన్ రాకపోకలకు ఎటువంటి ఇబ్బంది కలకపోవడంతో రైల్వే సిబ్బంది ఊపిరి పీల్చుకున్నారు.