Nellore Crime News: నెల్లూరు జిల్లాలో దారుణం- ప్రేమించ లేదని యువతిని గన్‌తో కాల్చి చంపిన సాఫ్ట్‌వేర్ ఇంజినీర్‌

ప్రేమ పగపట్టింది. ప్రేమ పెళ్లికి అంగీకరించలేదని యువతి ప్రాణాలు తీశాడో యువకుడు. నెల్లూరులో తొలిసారిగా వినిపించిన తుపాకి చప్పుళ్లు కలకలం రేగాయి.

ప్రతీకాత్మక చిత్రం

నెల్లూరు జిల్లాలో ప్రేమ పేరుతో మరో దారుణ హత్య జరిగింది. నెల్లూరు జిల్లా పొదలకూూరు మండలం తాటిపర్తిలో దారుణం జరిగిపోయింది. ప్రేమించడం లేదని అక్కసుతో ఓ యువకుడు బీటెక్ యువతిని కాల్చి చంపేశాడు. 

సాఫ్ట్‌వేర్‌ ఇంజినీరుగా పని చేస్తున్న సురేష్‌ రెడ్డి ఓ అమ్మాయిని ఇష్టపడ్డాడు. మనసులో మాట చెప్పాడు. ఆమె అంగీకరించకపోవడంతో చంపేశాడు. తను తెచ్చుకున్న గన్‌తో ఆ అమ్మాయిని కాల్చి చంపేశాడు. తర్వాత తనను తాను కాల్చుకొని చచ్చిపోయాడా యువకుడు. 

ఇది నెల్లూరు జిల్లాలో తీవ్ర కలకలం రేపింది. సంఘటనా స్థలానికి చేరుకున్న పోలీసులు దర్యాప్తు చేస్తున్నారు. అసలు గన్ ఆ కుర్రాడి వద్దకు ఎలా వచ్చింది. ఎక్కడ నుంచి కొనుగోలు చేశాడనే కోణంలో దర్యాప్తు చేస్తున్నారు. 

బెంగళూరులో సాఫ్ట్‌వేర్‌ ఇంజనీర్‌గా పని చేస్తున్న సురేష్ తాను ప్రేమించిన యువతి పెళ్లికి నిరాకరించడంతో ఈ దారుణానికి ఒడిగట్టాడు. తనను పెళ్ళి చేసుకోవాల్సిందిగా కొంత కాలంగా యువతిని సురేష్ వేధిస్తున్నట్టు తెలుస్తోంది. ఆ క్రమంలోనే ఈ ఘటన జరిగినట్టుగా  గ్రామస్తులు చెబుతున్నారు. సురేష్ అక్కడికక్కడే మరణించగా, కొన ఊపిరితో ఉన్న యువతిని ఆస్పత్రికి తరలిస్తుండగా మృతి చెందినట్టు తెలుస్తుంది.