Jagananna Chedodu Scheme: ఏపీ సర్కార్ శుభవార్త - వారి ఖాతాల్లో రూ.10 వేలు జమ చేయనున్న సీఎం జగన్
Jagananna Chedodu 2023 News: ఏపీ ప్రభుత్వం శుభవార్త చెప్పింది. వరుసగా నాలుగో ఏడాది ‘జగనన్న చేదోడు’ నిధులు విడుదల చేయనున్నారు. సీఎం జగన్ వారి ఖాతాల్లో రూ.10 వేలు జమ చేయనున్నారు.
Jagananna Chedodu 2023 Money:
అమరావతి: ఏపీ ప్రభుత్వం శుభవార్త చెప్పింది. వరుసగా నాలుగో ఏడాది ‘జగనన్న చేదోడు’ నిధులు విడుదల చేయనున్నారు. అర్హులైన లబ్దిదారుల ఖాతాల్లో రూ.10,000 సీఎం జగన్ గురువారం జమ చేయనున్నారు. బీసీలంటే బ్యాక్ వర్డ్ క్లాస్ కాదు.. సమాజానికి బ్యాక్ బోన్ క్లాస్ అని చెప్పే సీఎం జగన్.. రజక, నాయీ బ్రాహ్మణ, టైలర్ల జీవితాల్లో మార్పు రావాలని, వారు మిగతా ప్రపంచంతో పోటీపడి ఎదగాలని వారికి చేదోడునిస్తున్నారు.
ఏపీ వ్యాప్తంగా ‘జగనన్న చేదోడు’కు 3,25,020 ( 3 లక్షల 25 వేల 20) మంది అర్హులైన రజక, నాయీ బ్రాహ్మణ, టైలర్ లబ్దిదారులుగా ఉన్నారు. మొత్తంగా రూ. 325.02 కోట్ల ఆర్థిక సాయాన్ని కర్నూలు జిల్లా ఎమ్మిగనూరు లో అక్టోబర్ 19న సీఎం జగన్ మోహన్ రెడ్డి బటన్ నొక్కి లబ్ధిదారుల ఖాతాల్లో జను చేయనున్నారు. షాపులున్న రజకులు, నాయీ బ్రాహ్మణులు, టైలర్లకు ఏటా రూ. 10,000 చొప్పున సాయం అందించడం తెలిసిందే. తాజాగా అందిస్తున్న సాయంతో కలిపి ఒక్కొక్కరికి రూ.40,000 వరకు జగన్ ప్రభుత్వం ఆర్థిక సాయం అందించినట్లయింది. తాజాగా అందిస్తున్న సాయంతో కలిపి ఈ 4 ఏళ్ళలో కేవలం ఈ పథకం ద్వారా వైసీపీ ప్రభుత్వం అందించిన మొత్తం సాయం రూ. 1,252.52 కోట్లకు చేరింది.
నాలుగో విడత జగనన్న చేదోడులో లబ్ది విలువ..
1,80,656 మంది టైలర్లకు ఈ విడత సాయంగా రూ. 180.66 కోట్ల లబ్ధి చేకూరనుంది.
39,813 మంది నాయీ బ్రాహ్మణులకు రూ. 39.81 కోట్ల లబ్ధి పొందనున్నారు
1,04,551 మంది రజకులకు ఈ విడత సాయంగా రూ. 104.55 కోట్ల లబ్ధి పొందనున్నారని అధికారులు వెల్లడించారు.
లంచాలకు, వివక్ష అనేవి లేకుండా అత్యంత పారదర్శకంగా, గ్రామ/వార్డు సచివాలయాల్లో అర్హుల జాబితా డిస్ ప్లే చేయనున్నారు. వివరాలపై సోషల్ ఆడిట్ నిర్వహించి లబ్ధిదారుల ఎంపిక జరుగుతోంది. అర్హత ఉన్న ప్రతి ఒక్కరికి మిస్ కాకుండా సాయం అందాలని ఏపీ ప్రభుత్వం భావిస్తోంది. అర్హులై ఉండి పొరపాటున, ఏ కారణం చేతనైనా సంక్షేమ - పథకాల లబ్ది అందని వారికి కూడా మరో అవకాశం కల్పిస్తూ. జూన్, డిసెంబర్ లలో లబ్దిని - అందచేయనుంది జగన్ ప్రభుత్వం.
జగనన్న చేదోడు పథకం క్రింద ఇప్పటి వరకు అందించిన లబ్ధిదారులు..
2020-21 సంవత్సరంలో లబ్ధిదారుల సంఖ్య 2,98,122 సాయం రూ. 298.12 కోట్లు
2021-22 సంవత్సరంలో లబ్ధిదారుల సంఖ్య 2,99,225 సాయం రూ. 299.23 కోట్లు
2022-23 సంవత్సరంలో లబ్ధిదారుల సంఖ్య 3,30,145 సాయం రూ. 330.15 కోట్లు
2023-24 సంవత్సరంలో లబ్ధిదారుల సంఖ్య 3,25,020 సాయం రూ. 325.02 కోట్లు
మొత్తం సాయం రూ. 1,252.52 కోట్లు.
టాప్ హెడ్ లైన్స్
ట్రెండింగ్ వార్తలు
