Accident: నెల్లూరు జిల్లాలో రోడ్డు ప్రమాదం.. ఆటోను ఢీకొన్న లారీ.. వాగులో కొట్టుకుపోయిన ప్రయాణికులు

నెల్లూరు జిల్లా సంగం వద్ద రోడ్డు ప్రమాదం చోటుచేసుకుంది. ఆటోను లారీ ఢీ కొట్టింది. ఈ ఘటనలో ప్రయాణికులు వాగులో కొట్టుకుపోయారు.

నెల్లూరు జిల్లాలో రోడ్డు ప్రమాదం

నెల్లూరు జిల్లా సంగం వద్ద రోడ్డు ప్రమాదం చోటుచేసుకుంది. ఆటోను లారీ ఢీ కొట్టింది. 12 మందితో ప్రయాణిస్తున్న ఆటో వాగులో పడిపోయింది. వాగులో నుంచి స్థానికులు ఏడుగురిని కాపాడారు. చిన్నారి పరిస్థితి విషమంగా ఉంది. కాపాడిన వారిని ఆసుపత్రికి తరలించారు. మిగతా 5 మంది ప్రయాణికులు వాగులో కొట్టుకుపోయారు.

ఆటోను ఎదురుగా వస్తున్న లారీ ఢీకొట్టడంతో ఈ ప్రమాదం జరిగింది. ఈ ప్రమాదంలో ఆటో బీరపేరు వాగులో పడిపోయింది. ప్రమాదం జరిగిన సమయంలో  ఆటోలో 12 మంది ఉన్నట్టు సమాచారం. వారిలో ఏడుగురిని సురక్షితంగా కాపాడారు. ఐదుగురు వాగులో గల్లంతయ్యారు. వారికోసం గాలింపు జరుగుతోంది. ఆటోలో ఉన్న వారు ఆత్మకూరు నుంచి సంగం శివాలయంలో నిద్రచేయడానికి వెళ్తున్నారు.

లారీ ఢీకొనడంతో ఆటో అదుపుతప్పి వాగులో పడిపోయింది.  ఘటనా స్థలికి చేరుకున్న పోలీసులు, స్థానికులు సహాయక చర్యలు చేపట్టారు. వాగులో నుంచి ఇప్పటి వరకు ఏడుగురు ప్రయాణికులను స్థానికులు కాపాడారు. చిన్నారి పరిస్థితి ఆందోళనకరంగా ఉండటంతో ఆసుపత్రికి తరలించారు. వాగులో కొట్టుకు పోయిన మిగతా ప్రయాణికుల కోసం గాలింపు చేస్తున్నారు.

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి