Siraj Catch Drop GT vs RR IPL 2026 | సిరాజ్ ఈజీ క్యాచ్ను సిక్సర్గా మార్చేశాడా
రాజస్థాన్ రాయల్స్, గుజరాత్ టైటాన్స్ మధ్య జరిగిన మ్యాచ్ లో పేసర్ మహమ్మద్ సిరాజ్ చేసిన ఒక చిన్న పొరపాటు ఇప్పుడు నెట్టింట హాట్ టాపిక్గా మారింది. ఈ ఇన్సిడెంట్ రాజస్థాన్ ఇన్నింగ్స్ 17వ ఓవర్లో చోటుచేసుకుంది.
కగిసో రబడా వేసిన ఆ ఓవర్ మూడో బంతిని రాజస్థాన్ బ్యాటర్ ధ్రువ్ జురెల్ లాంగాన్ దిశగా భారీ షాట్ ఆడాడు. బంతి గాల్లోకి లేవగానే అక్కడ ఫీల్డింగ్ చేస్తున్న సిరాజ్ వెనక్కి పరిగెత్తి క్యాచ్ అందుకున్నాడు. అయితే, బౌండరీ లైన్ దగ్గర బ్యాలెన్స్ కోల్పోతున్నానని గ్రహించిన సిరాజ్, బంతిని లోపలికి విసిరేసి మళ్ళీ పట్టుకోవాలని ప్రయత్నించాడు. కానీ ఇక్కడే అసలు ట్విస్ట్ ఎదురైంది. కంగారులో సిరాజ్ బంతిని మైదానం లోపలికి విసిరేయాల్సింది పోయి, పొరపాటున బౌండరీ అవతలికి విసిరేశాడు.
వెంటనే తన తప్పును గమనించిన సిరాజ్, డైవ్ చేసి బంతిని ఆపే ప్రయత్నం చేసినా ఫలితం లేకపోయింది. అది కాస్తా సిక్సర్గా మారింది. ఈ క్యాచ్ మిస్ పై సోషల్ మీడియాలో నెటిజన్లు సిరాజ్ పై ట్రోల్స్ చేస్తున్నారు. ఈజీ వికెట్ కాస్తా ఆరు పరుగులుగా మారిందని విమర్శలు చేస్తున్నారు. ఇందుకు సంబందించిన ఫోటోలు వైరల్ అవుతున్నాయి.
టాప్ హెడ్ లైన్స్
ట్రెండింగ్ వార్తలు
