IPL 2026 MI vs CSK Akeal Hosein | వాంఖడేలో అకీల్ హోసెన్ స్పిన్ సునామీ

ఐపీఎల్ 2026 సీజన్‌లో ముంబై ఇండియన్స్‌పై రికార్డును నమోదు చేసుకొని చెన్నై విజయాన్ని సొంతం చేసుకుంది. అయితే ఈ మ్యాచ్ లో సంజు శాంసన్ సెంచరీతో పాటు CSK బౌలర్ అకీల్ హోసెన్ కూడా చెన్నైకి విజయాన్ని అందించాయి. 

208 పరుగుల భారీ లక్ష్యంతో బరిలోకి దిగిన ముంబైని అకీల్ హోసెన్ పవర్ ప్లే స్పెల్‌తో కోలుకోలేని దెబ్బ తీశాడు. ఇన్నింగ్స్ ఆరంభంలోనే డేంజర్ బ్యాటర్లు డానిష్ మలేవర్, నమన్ ధీర్‌లను డకౌట్ చేసి ముంబైని డిఫెన్స్‌లో పడేశాడు. అకీల్ వేసిన లైన్ అండ్ లెంగ్త్ కారణంగా పవర్ ప్లేలో ముంబై కేవలం 29 పరుగులు మాత్రమే చేయగలిగింది.

సూర్యకుమార్ యాదవ్, తిలక్ వర్మ నాలుగో వికెట్‌కు 73 పరుగులు జోడించి ముంబైని రేసులోకి తెచ్చే ప్రయత్నం చేశారు. కానీ, కెప్టెన్ రుతురాజ్ గైక్వాడ్ మళ్లీ అకీల్‌ను రంగంలోకి దించాడు. క్రీజులో సెట్ అయిన తిలక్ వర్మను బౌల్డ్ చేసిన అకీల్, ముంబై పతనాన్ని శాసించాడు. ఆ తర్వాత హార్దిక్ పాండ్యా, రూథర్‌ఫోర్డ్ వంటి హిట్టర్లు కూడా నిలబడలేకపోయారు. మొత్తం 4 వికెట్లు పడగొట్టిన అకీల్ హోసెన్, ముంబైని 104 పరుగులకే పరిమితం చేయడంలో కీలక పాత్ర పోషించాడు.