Republic Day Parade Guests : భారత గణతంత్ర వేడుకల్లో ఈసారి వారికి ఆతిథ్యమిస్తూ ప్రత్యేక సీట్లు

జనవరి 26 గణతంత్ర వేడుకలకు భారత్ సిద్ధమవుతోంది. రిపబ్లిక్ డే పరేడ్ ను కోవిడ్ నిబంధనల మధ్య నిర్వహించనున్నారు. 5వేల నుంచి 8వేల సందర్శకులనే పరేడ్ కు అనుమతించనున్నట్లు సమాచారం. అయితే ఈ సారి పరేడ్ లో విశిష్ఠ అతిథులకు ఆహ్వానం అందింది. కోవిడ్ ఫ్రంట్ లైన్ వర్కర్స్, పారిశుద్ధ్యకార్మికులు, ఆటో డ్రైవర్లు పాల్గొనేలా ప్రత్యేక సీట్లను వారి కోసం రిజర్వ్ చేస్తోంది రక్షణశాఖ. కోవిడ్ కష్టకాలంలో వారి సేవలకు గుర్తింపుగా ఈ నిర్ణయం తీసుకున్నట్లు తెలుస్తోంది..