కోలీవుడ్ స్టార్ హీరో ధనుష్, రజనీకాంత్ కూతురు ఐశ్యర్య విడిపోయారు.. | ABP Desam

కోలీవుడ్ స్టార్ హీరో ధనుష్, రజనీకాంత్ కూతురు ఐశ్యర్య విడిపోయారు. ఈ విషయాన్ని ధనుష్ స్వయంగా తన ట్విట్టర్ ఖాతాలో పోస్ట్ చేశాడు. వీరిద్దరికీ 2004లో వివాహం అయింది. ఇద్దరు పిల్లలు కూడా ఉన్నారు. ధనుష్ తమిళంలో ప్రముఖ దర్శక, నిర్మాత కస్తూరి రాజా కుమారుడు. ధనుష్, ఐశ్వర్య మధ్య అభిప్రాయ భేదాలు ఉన్నాయని ఎప్పటినుంచో వార్తలు వస్తున్నాయి. కొన్ని సంవత్సరాల క్రితం సంచలనంగా మారిన సుచిలీక్స్ ఉదంతంలో ధనుష్ ఫొటోలు కూడా బయటకు వచ్చాయి. అప్పటినుంచే వీరిద్దరి మధ్య దూరం పెరిగిందని కోలీవుడ్ టాక్.నాగ చైతన్య, సమంతల తరహాలోనే వీరు కూడా ఒకే లెటర్‌ను సోషల్ మీడియాలో షేర్ చేశారు. ‘18 సంవత్సరాల పాటు స్నేహితులుగా, జంటగా, తల్లిదండ్రులుగా, శ్రేయోభిలాషులుగా కలిసున్నాం. ఒకరిని ఒకరు అర్థం చేసుకుంటూ, సర్దుకుపోతూ, పరిస్థితులకు అనుగుణంగా మారుతూ ప్రయాణించాం. మా ఇద్దరి దారులు నేడు వేరవబోతున్నాయి. మేం ఒక భార్యాభర్తలుగా విడిపోయి.. వ్యక్తులుగా ఒకరి గురించి ఒకరు మరింత తెలుసుకోవాలనుకుంటున్నాం. మా నిర్ణయాన్ని గౌరవించి మాకు ప్రైవసీని ఇవ్వండి.’ అని ఈ లేఖలో పేర్కొన్నారు.

#Dhanush #Aishwaryaa #Rajinikanth #TamilHero #ABPDesam Subscribe To The ABP Desam YouTube Channel And Watch News Videos And Get All The Breaking And Latest Updates Of News From Andhra Pradesh (ఆంధ్రప్రదేశ్) Telangana (తెలంగాణ), And Across The World Wherever You Are, Read All The Latest News, Watch TeluguNews 24x7, News Videos With ABP Desam.