నూతన సంవత్సరం సందర్భంగా తిరుమలలో కంగనా రనౌత్

ఆంగ్ల నూతన సంవత్సరం సందర్భంగా తిరుమల శ్రీవారిని బాలీవుడ్ నటి కంగనా రనౌత్ దర్శించుకున్నారు. తెల్లవారుజామున రెండు గంటలకు వీఐపి విరామ సమయంలో స్వామి వారి సేవలో పాల్గొన్నారు. అనంతరం రంగనాయకుల మండపంలో కంగనా రనౌత్ కు వేద పండితులు ఆశీర్వాదం అందించారు. దేశం కోసం, ధర్మం కోసం స్వామి వారిని దర్శించుకున్నట్లు కంగనా తెలిపారు. ఆలయ అధికారులు పట్టు వస్త్రాలతో సత్కరించి స్వామి వారి తీర్థప్రసాదాలు అందజేశారు.