Weather Latest Update: తెలుగు రాష్ట్రాల్లో కాస్త పెరిగిన వేడి, ఉత్తరాదిలో మాత్రం చురుగ్గా రుతుపవనాలు!

ఈ రోజు తెలంగాణ రాష్ట్రంలో  తేలికపాటి నుండి మోస్తరు వర్షాలు అక్కడక్కడ రేపు, ఎల్లుండి కొన్ని చోట్ల కురిసే అవకాశం ఉందని అంచనా వేశారు.

ప్రతీకాత్మక చిత్రం

ఈ రోజు దిగువ స్థాయిలోని గాలులు వాయువ్య /పశ్చిమ దిశల నుండి తెలంగాణ రాష్ట్రం వైపుకి వీస్తున్నాయని హైదరాబాద్ లోని వాతావరణ కేంద్రం అధికారులు గురువారం (ఆగస్టు 24) ఓ ప్రకటనలో తెలిపారు. ఈ రోజు తెలంగాణ రాష్ట్రంలో  తేలికపాటి నుండి మోస్తరు వర్షాలు అక్కడక్కడ రేపు, ఎల్లుండి కొన్ని చోట్ల కురిసే అవకాశం ఉందని అంచనా వేశారు. ఈరోజు ఉరుములు, మెరుపులతో కూడిన వర్షాలు తూర్పు, ఈశాన్య జిల్లాలలో అక్కడక్కడ వచ్చే అవకాశం ఉందని తెలిపారు. 

హైదరాబాద్ లో ఆకాశం మేఘావృతం అయి కనిపించనుంది. నగరంలో తేలికపాటి నుంచి మోస్తరు వర్షం లేదా ఉరుములతో కూడిన జల్లులు పడే అవకాశం ఉంది. గరిష్ఠ, కనిష్ఠ ఉష్ణోగ్రతలు వరుసగా 33 డిగ్రీలు, 24 డిగ్రీలుగా ఉండే అవకాశం ఉంది. ఉపరితల గాలులు గంటకు 8 నుంచి 12 కిలో మీటర్ల వేగంతో పశ్చిమ దిశగా వీచే అవకాశం ఉంది. నిన్న గరిష్ఠ ఉష్ణోగ్రత 32.8 డిగ్రీలు, కనిష్ఠ ఉష్ణోగ్రత 24.4 డిగ్రీలుగా ఉండే అవకాశం ఉంది. గాలిలో తేమ 76 శాతంగా నమోదైంది.

ఏపీలో ఇలా
దక్షిణ కోస్తా ఆంధ్రప్రదేశ్ లోనూ నేడు, రేపు అక్కడక్కడ తేలికపాటి చినుకులు ఒకటి లేదా రెండు చోట్ల పడే అవకాశం ఉందని అంచనా వేశారు. కొన్ని ప్రాంతాల్లో గాలులు గంటకు వీచే అవకాశం ఉందని అంచనా వేశారు. రాయలసీమలో రేపు, ఎల్లుండి తేలికపాటి వర్షాలు ఒకటి రెండు ప్రాంతాల్లో పడే అవకాశం ఉందని వివరించారు. కొన్ని చోట్ల బలమైన గాలులు పలు చోట్ల వీచే అవకాశం ఉందని వెల్లడించారు.

ఉత్తరాదిలో చురుగ్గా రుతుపవనాలు
జార్ఖండ్‌లో రుతుపవనాలు మరోసారి చురుగ్గా మారాయి. దీని ప్రభావం మూడు నాలుగు రోజుల పాటు ఉంటుందని అంచనా. గత 24 గంటల్లో రాష్ట్రంలోని దాదాపు అన్ని చోట్ల తేలికపాటి నుంచి మోస్తరు వర్షాలు కురిశాయి. చురుకైన రుతుపవనాల కారణంగా దుమ్కాలో గరిష్టంగా 110 మి.మీ వర్షపాతం నమోదైంది. ఇది కాకుండా బొకారోలో 85, మధుపూర్‌లో 84, కాతికుండ్‌లో 67, డుమ్రీలో 60, హజారీబాగ్‌లో దాదాపు 57 మిల్లీమీటర్ల వర్షం కురిసింది. రాజధానిలో కొంతకాలంగా వర్షాలు బాగా కురిశాయి.

నేడు, రేపు భారీ వర్షాలు కురిసే అవకాశం
ఇప్పటికే కురిసిన వర్షాలకు ఢిల్లీలో వాతావరణం ఆహ్లాదకరంగా మారింది. గరిష్ట ఉష్ణోగ్రత 29.4 డిగ్రీల సెల్సియస్‌గా నమోదైంది. కనిష్ట ఉష్ణోగ్రత 26.8 డిగ్రీల సెల్సియస్‌గా నమోదైంది. భారత వాతావరణ శాఖ ప్రకారం, ఆగస్టు 29 వరకు ఢిల్లీలో మేఘావృతమై ఉంటుందని అంచనా. కాగా, కనిష్ట ఉష్ణోగ్రత 26 నుంచి 28 డిగ్రీల మధ్య, గరిష్ట ఉష్ణోగ్రత 33 నుంచి 37 డిగ్రీల మధ్య నమోదయ్యే అవకాశం ఉంది. గరిష్ట ఉష్ణోగ్రత 33 డిగ్రీల సెల్సియస్‌గా నమోదయ్యే అవకాశం ఉంది.