Pawan Kalyan Fan Dies: పవన్ కళ్యాణ్ వీరాభిమాని నిరంజన్‌ మృతి.. ఆ కోరిక తీరకుండానే..!

Pawan Kalyan Fan Niranjan Death News | వరంగల్ జిల్లా హనుమకొండకు చెందిన పవన్ కళ్యాణ్ వీరాభిమాని నిరంజన్ హైదరాబాద్ లోని ఓ ఆసుపత్రిలో చికిత్స పొందుతూ కన్నుమూశాడు.

పవన్ కళ్యాణ్ వీరాభిమాని నిరంజన్‌ మృతి..

Source : Abp desam

Show Quick Read

Key points generated by AI, verified by newsroom

• పవన్ కళ్యాణ్ వీరాభిమాని నిరంజన్ అరుదైన వ్యాధితో బాధపడుతూ మరణించాడు.
• పవన్ నిరంజన్‌ను కలిసి, కోరికలు తీర్చి, ఆర్థికంగా అండగా నిలిచారు.
• ఓజీ 2 అతిథిగా పవన్ మాటిచ్చాక, నిరంజన్ మృతి కలచివేసింది.

Pawan Kalyan Fan Nirajan Dies | హనుమకొండ: ఏపీ డిప్యూటీ సీఎం, సినీ నటుడు పవన్ కళ్యాణ్ వీరాభిమాని పొనుగంటి నిరంజన్ (17) మృతిచెందాడు. గత కొన్నేళ్లుగా యువకుడు నిరంజన్ ఒక అరుదైన జన్యుపరమైన వ్యాధితో బాధపడుతున్నాడు. చిన్నప్పుడు ఎంతో ఉత్సాహంగా డ్యాన్స్ చేసే నిరంజన్ ఈ వ్యాధి కారణంగా శారీరక ఎదుగుదల లోపించి, ఆపై పూర్తిగా మంచానికే పరిమితమయ్యాడు. వరంగల్ జిల్లా హనుమకొండకు చెందిన నిరంజన్‌ను పవన్ ఇటీవల కలిసి పరామర్శించారు. ఇటీవల నిరంజన్ ఆరోగ్యం మరింత క్షీణించడంతో తల్లిదండ్రులు చికిత్స నిమిత్తం అతడ్ని హైదరాబాద్‌కు తీసుకొచ్చారు. ఓ ఆసుపత్రిలో చికిత్స పొందుతూ మంగళవారం రాత్రి నిరంజన్‌ తుదిశ్వాస విడిచినట్లు సమాచారం.

తన అభిమాన నటుడు చూడాలనే వీరాభిమాని నిరంజన్ ఆఖరి కోరికను తెలుసుకున్న పవన్ కల్యాణ్ చలించిపోయారు. గత జూన్ నెలలోనే స్వయంగా హనుమకొండకు వెళ్లి మరీ అభిమాని నిరంజన్‌ను పరామర్శించారు. ఆ సమయంలో ఎంతో ఆత్మీయంగా నిరంజన్‌ను పలకరించారు పవన్. నిరంజన్ చేతిని ముద్దాడిన పవన్ తన అభిమానికి తిరుపతి నుంచి ప్రసాదం, పట్టువస్త్రాలు తెప్పించి అందించారు. రామ్ చరణ్ వద్ద ఉన్న కుక్కపిల్ల కావాలన్న అతడి కోరికను గంటల వ్యవధిలో నెరవేర్చి గొప్ప మనసు చాటుకున్నారు పవన్ కళ్యాణ్. నిరంజన్ కోరిక మేరకు ఆ కుటుంబానికి సైతం పవన్ కళ్యాణ్ ఆర్థికసాయం చేసి అండగా నిలిచారు.

ఓజీ 2కి స్పెషల్ గెస్ట్‌ అని మాటిచ్చిన పవన్ కళ్యాణ్..
ఈ ఆత్మీయ కలయికలో పవన్ కల్యాణ్ తన అభిమాని నిరంజన్‌తో సెల్ఫీలు తీసుకున్నారు. ఈ సందర్భంగా పవన్ ఆసక్తికరమైన మాట చెప్పారు. 'OG 2' సినిమా తీస్తే.. ఆ సినిమాకు నువ్వే నా స్పెషల్ గెస్ట్ అని... మనమిద్దరం కలిసి ఆ సినిమా చూద్దాం అని నిరంజన్‌కు జనసేనాని మాటిచ్చారు.

తన అభిమాన నటుడిని చూడాలని ఎన్నో ఏళ్లుగా ఉన్న కల నేరవేర్చుకున్న నిరంజన్ కొన్నిరోజుల్లోనే ప్రాణాలు కోల్పోవడం పవన్ కళ్యాణ్ అభిమానులు, జనసేన శ్రేణులను కలచివేస్తోంది. నిరంజన్ మృతి పట్ల సోషల్ మీడియాలో పలువురు సంతాపం వ్యక్తం చేస్తున్నారు.