Medicine From The Sky: తెలంగాణలో మెడిసన్ ఫ్రం స్కై... డ్రోన్ల ద్వారా ఔషధాలు పంపిణీ... వికారాబాద్ జిల్లాలో శ్రీకారం

డ్రోన్ల ద్వారా మెడిసన్ సరఫరా చేసే బృహత్తర కార్యక్రమానికి తెలంగాణలో శ్రీకారం చుట్టారు. వికారాబాద్ జిల్లాలో కేంద్ర విమానయానశాఖ మంత్రి జ్యోతిరాదిత్య సింథియా ఆ ప్రాజెక్టును ప్రారంభించారు.

తెలంగాణలో మెడిసన్ ఫ్రం ది స్కై ప్రాజెక్టు ప్రారంభం (ఫైల్ ఫొటో)

దేశంలో తొలిసారి డ్రోన్ల ద్వారా మెడిసన్ సరఫరా చేసే కార్యక్రమానికి తెలంగాణ వేదికైంది. తెలంగాణ ప్రభుత్వం అత్యంత ప్రతిష్ఠాత్మకంగా చేపట్టిన మెడిసిన్ ఫ్రం ది స్కై ప్రాజెక్టు శనివారం వికారాబాద్ జిల్లాలో మొదలైంది. ఈ కార్యక్రమాన్ని కేంద్ర విమానయానశాఖ మంత్రి జ్యోతిరాదిత్య ప్రారంభించారు. పైలట్ ప్రాజెక్టుగా వికారాబాద్​లో డ్రోన్లతో ఔషధాలు పంపిణీ చేశారు. రాష్ట్ర ఐటీ మంత్రి కేటీఆర్, విద్యాశాఖ మంత్రి సబితా ఇంద్రారెడ్డి ఈ కార్యక్రమంలో పాల్గొన్నారు.

 

Kicking off the drone revolution with an ambitious & important project with Telangana IT Minister @KTRTRS Ji. ‘Medicine From the Sky’ is a first of its kind project aimed at transporting vaccines & essentials to remote areas using drones.

Watch live https://t.co/4nq8J0D4tl pic.twitter.com/bqJX5O1nfv

— Jyotiraditya M. Scindia (@JM_Scindia) September 11, 2021

 40 కిలోమీటర్ల వరకు ప్రయాణం

 డ్రోన్ల ద్వారా మారుమూల అటవీ ప్రాంతాలకు ఔషధాలు రవాణా చేయడం కోసం మెడిసిన్ ఫ్రం ది స్కై ప్రాజెక్టు ప్రారంభించారు. అత్యవసర పరిస్థితుల్లో ఔషధాలు, టీకాలను వేగంగా చేరవేసేందుకు ఈ ప్రాజెక్టును అమలుచేస్తున్నారు. సుమారు 40 కిలోమీటర్ల వరకు ఈ డ్రోన్ ప్రయాణిస్తుంది. ఒక్క డ్రోన్​లో 15 రకాల ఔషధాలు, టీకాలు సరఫరా చేసేందుకు అవకాశం ఉంటుంది. మెడిసిన్ నాణ్యత దెబ్బతినకుండా డ్రోన్​లో 4 బాక్సుల్లో మందులు సరఫరా చేస్తారు. 

 

Drones take off and deliver medicines Medicine from the Sky Brilliant initiative by the ITE&C Dept Govt. Of Telangana under the leadership of Minister KTR pic.twitter.com/x9kgbfFdAN

— shinenewshyd (@shinenewshyd) September 11, 2021

700 మీటర్ల ఎత్తు వరకు

భూమికి 500-700 మీటర్ల ఎత్తులో డ్రోన్ ఎగరగలదు. తెలంగాణ ఐటీ శాఖ పరిధిలోని ఎమర్జింగ్ టెక్నాలజీస్ వింగ్ ఆధ్వర్యంలో మెడిసిన్ ఫ్రం స్కై ప్రాజెక్టు నిర్వహిస్తున్నారు. ఈ ప్రాజెక్టుకు ప్రపంచ ఆర్థిక వేదిక, నీతి ఆయోగ్, హెల్త్​నెట్ గ్లోబల్ వంటి ప్రతిష్ఠాత్మక సంస్థల సౌజన్యంతో ఐటీశాఖ ఈ ప్రాజెక్టును నిర్వహిస్తుంది. ఈ సంస్థల భాగస్వామ్యంతో డ్రోన్ ఫ్లైట్ల ద్వారా అటవీ ప్రాంతాల్లోని మారుమూల ప్రదేశాలకు ఔషధాలు సరఫరా చేయడమే ప్రాజెక్టు ప్రధాన లక్ష్యం. 

ముందుగా ఇక్కడ సరఫరా

వికారాబాద్ జిల్లా పరిధిలో ఉన్న 5 పీహెచ్‌సీలకు డ్రోన్ల ద్వారా వ్యాక్సిన్లు చేరవేస్తారు. వికారాబాద్‌ మండల పరిధిలోని సిద్దులూరు, వికారాబాద్‌ మున్సిపల్‌ పరిధిలోని రామయ్యగూడ, ధారూర్‌ మండల పరిధిలోని నాగసముందర్, బంట్వారం, బొంరాస్‌పేట పీహెచ్‌సీలకు ఔషదాలు సరఫరా చేస్తారు.