ఆన్లైన్ రికార్డులలో అప్డేట్ కాకపోవడం వల్ల, కోర్టు తీర్పులు లేదా క్రమబద్ధీకరణల అనంతరం ఏర్పడిన నివాసిత ప్రాంతాలు పొరపాటున 22ఏ జాబితాలో చేర్చబడ్డాయి. దీనివల్ల రిజిస్ట్రేషన్లు ఆగిపోయి ప్రజలు ఇబ్బందులు పడ్డారు.
22A Land Issue Solved: 22ఏ భూముల చిక్కుముడి వీడింది.. రాష్ట్రంలో లక్షలాది ఇళ్లు, ప్లాట్లకు శాశ్వత విముక్తి!
22A Land Issue Solved: దశాబ్దాల సమస్యకు పరిష్కారం దొరికింది. 22ఏ జాబితాలో చేర్చిన భూములకు తెలంగాణ ప్రభుత్వం విముక్తి కల్పిస్తుంది. ఈ మేరకు కీలక ఉత్తర్వులు జారీ చేసింది.

- తెలంగాణ ప్రభుత్వం 22ఏ నిషేధిత భూముల చిక్కుముడిని విముక్తం చేసింది.
- సుమారు 1.41 లక్షల ఆస్తులకు, 300 కాలనీలకు ఉపశమనం లభించనుంది.
- చట్టబద్ధ అనుమతులు, లింక్ డాక్యుమెంట్లు సమర్పించడం తప్పనిసరి అవుతుంది.
- సమస్యల పరిష్కారానికి ప్రత్యేక కమిటీలు, ఫాస్ట్ట్రాక్ విధానం ఏర్పాటు చేశారు.
22A Land Issue Solved: ఏళ్ల పాటు లక్షలాది మంది మధ్యతరగతి ప్రజలను తీవ్ర ఇబ్బందులు పడుతున్న నిషేధిత భూముల 22A చిక్కుముడికి తెలంగాణ ప్రభుత్వం విముక్తి కల్పించింది. రాష్ట్రవ్యాప్తంగా చాలా కాలం నుంచి 22ఏ జాబితాలో కొనసాగుతున్న ఇళ్లు, ప్లాట్లు, ఫ్లాట్లకు విముక్తి కల్పిస్తూ అధికారికంగా ఉత్తర్వులు జారీ చేసింది. ఈ నెల 16న శాసనసభలో సీఎం రేవంత్రెడ్డి ఇచ్చిన హామీ మేరకు.. తాజాగా ఉత్తర్వులు అమల్లోకి వచ్చింది. గురువారం హైదరాబాద్లోని ప్రజాభవన్లో డిప్యూటీ సీఎం మల్లు భట్టి విక్రమార్క నేతృత్వంలో మంత్రులు పొంగులేటి శ్రీనివాసరెడ్డి, ఉత్తమ్కుమార్ రెడ్డి, శ్రీధర్బాబు, దామోదర్ రాజనర్సింహ, వివేక్లు ఉన్నత స్థాయి సమావేశం నిర్వహించారు. ఈ భేటీ అనంతరం రెవెన్యూశాఖ కార్యదర్శి లోకేశ్కుమార్..22ఏ భూములపై కీలక ఉత్తర్వులు జారీ చేశారు.
సుమారు 1.41 లక్షల ఆస్తులకు విముక్తి
హైదరాబాద్తోపాటు పలు జిల్లాల్లో సుమారు 300 కాలనీల్లోని 1.41 లక్షల ఇళ్లు, ప్లాట్లకు ఈ ఉత్తర్వులతో ఉపశమనం లభించనుంది. కేవలం రంగారెడ్డి జిల్లాలోనే 44, మేడ్చల్ మల్కాజిగిరి జిల్లాలో 65 కాలనీలు ఈ జాబితాలో ఉన్నట్లు అధికారులు గుర్తించారు. కోర్టు కేసుల తీర్పులు, భూముల వేలం, క్రమబద్ధీకరణల అనంతరం ఏర్పడిన కాలనీల్లో ఇళ్లు నిర్మించుకున్న వారి వివరాలు ఆన్లైన్ రికార్డుల్లో అప్డేట్ కాకపోవడం వల్ల ఈ సమస్య తలెత్తింది. హైకోర్టు ఆదేశాలతో గత ఏడాది 22ఏ జాబితాను ఆన్లైన్లో అప్లోడ్ చేసినప్పుడు కొన్ని నివాసిత ప్రాంతాలు కూడా పొరపాటున ఇందులో చేర్చారు. ఫలితంగా రిజిస్ట్రేషన్లు నిలిచిపోయి ప్రజలు తీవ్ర ఆందోళన చెందారు.
తాజా ఆదేశాల్లో కీలక అంశాలు
- జీహెచ్ఎంసీ, హెచ్ఎండీఏ, డీటీసీపీ స్థానిక సంస్థల నుంచి చట్టబద్ధమైన అనుమతులు పొంది అభివృద్ధి చేసిన ఖాళీ స్థలాలు, ఇళ్లు, ఫ్లాట్ల రిజిస్ట్రేషన్లకు 22ఏ జాబితా నుంచి తొలగిస్తారు.
- దరఖాస్తుదారులు ప్రభుత్వ సంస్థల నుంచి చెల్లుబాటు అయ్యే లేఅవుట్, భవనం లేదా అపార్ట్మెంట్ నిర్మాణ అనుమతి పత్రాలను సమర్పించాలి.
- అనుమతుల అనంతరం రిజిస్ట్రేషన్లకు సంబంధించి ఏదో ఒక లింక్ డాక్యుమెంట్ను చూపించాల్సి ఉంటుంది.
- ఏవైనా ప్రత్యేక సమస్యలు ఉంటే వాటిని పరిష్కరించడానికి జిల్లా కలెక్టర్ అధ్యక్షతన ప్రత్యేక కమిటీలను ఏర్పాటు చేశారు.
- పెండింగ్లో ఉన్న కోర్టు కేసులు మాత్రం ఆయాన్యాయస్థానాల తుది తీర్పులకు లోబడి ఉంటాయి.
Also Read: గణేష్ నిమజ్జనం.. మందుబాబులకు బ్యాడ్ న్యూస్.. నేడు వైన్స్ షాపులు బంద్
ఫాస్ట్ట్రాక్ విధానంలో పరిష్కారం- మంత్రి పొంగులేటి
దశాబ్దాలుగా ప్రజలను వేధిస్తున్న ఈ సమస్యను ఫాస్ట్ట్రాక్ విధానంలో పరిష్కరించినట్లు రెవెన్యూశాఖ మంత్రి పొంగులేటి శ్రీనివాసరెడ్డి తెలిపారు. అర్హత కలిగిన ప్రతి ఒక్కరికి న్యాయం చేస్తామని, ఇప్పటికే రంగారెడ్డి, మేడ్చల్ జిల్లాల్లోని కాలనీల క్రమబద్ధీకరణకు జీవో 118, సింగరేణి కార్మికుల కోసం జీవో 76 జారీ చేశామని గుర్తుచేశారు. భూమి స్వభావం, రికార్డులను పరిశీలించి ప్రజలకు ఎలాంటి ఇబ్బంది లేకుండా పరిష్కారం చూపిస్తామని ప్రభుత్వం స్పష్టం చేసింది.
Also Read: ఖైరతాబాద్ గణేషుడి శోభాయాత్ర లైవ్ ఇక్కడ చూడండి.. భారీగా తరలివచ్చిన భక్తులు
Frequently Asked Questions
22A భూముల సమస్య అంటే ఏమిటి?
ఈ ఉత్తర్వుల ద్వారా ఎన్ని ఆస్తులకు లబ్ధి చేకూరింది?
సుమారు 300 కాలనీలలోని 1.41 లక్షల ఇళ్లు, ప్లాట్లు, ఫ్లాట్లకు ఈ ఉత్తర్వులతో విముక్తి లభించింది. హైదరాబాద్తో పాటు రంగారెడ్డి, మేడ్చల్ మల్కాజిగిరి జిల్లాలు ప్రధానంగా లబ్ధి పొందాయి.
22ఏ భూముల సమస్య పరిష్కారానికి ఉత్తర్వులను ఎవరు జారీ చేశారు?
డిప్యూటీ సీఎం మల్లు భట్టి విక్రమార్క నేతృత్వంలో జరిగిన ఉన్నత స్థాయి సమావేశం అనంతరం రెవెన్యూశాఖ కార్యదర్శి లోకేశ్కుమార్ ఈ కీలక ఉత్తర్వులను జారీ చేశారు.
22ఏ జాబితా నుండి ఆస్తిని తొలగించడానికి అవసరమైన పత్రాలు ఏమిటి?
ప్రభుత్వ సంస్థల నుండి చెల్లుబాటు అయ్యే లేఅవుట్, భవనం లేదా అపార్ట్మెంట్ నిర్మాణ అనుమతి పత్రాలు సమర్పించాలి. అనుమతుల అనంతరం రిజిస్ట్రేషన్లకు సంబంధించిన లింక్ డాక్యుమెంట్ను చూపాలి.
ట్రెండింగ్ వార్తలు





















