అన్వేషించండి

Congress MLA Candidates List: కాంగ్రెస్ పార్టీ పోటీ చేసే అభ్యర్థులు తొలి జాబితా సిద్ధం- జానారెడ్డికి బదులు కుమారుడికి ఛాన్స్

Congress MLA Candidates List: తెలంగాణలోని 60 నియోజక వర్గాల కాంగ్రెస్ ఎమ్మెల్యే అభ్యర్థులకు జాబితాను పార్టీ సిద్ధం చేసింది. అక్కడ ఎవరెవరు పోటీ చేయబోతున్నారో తెలిపింది.

By : ABP Desam | Edited By: jyothi | Updated at : 10 Aug 2023 09:47 AM (IST)

Congress MLA Candidates Telangana 60 Constituencies Congress MLA Candidates List is Here Check Details Congress MLA Candidates List: కాంగ్రెస్ పార్టీ పోటీ చేసే అభ్యర్థులు తొలి జాబితా సిద్ధం- జానారెడ్డికి బదులు కుమారుడికి ఛాన్స్

కాంగ్రెస్ పార్టీ పోటీ చేసే అభ్యర్థులు తొలి జాబితా సిద్ధం- జనారెడ్డికి బదులు కుమారుడికి ఛాన్స్

Source : Telangana Congress Twitter

Congress MLA Candidates List: తెలంగాణ రాష్ట్ర అసెంబ్లీ ఎన్నికలు దగ్గర పడుతున్న వేళ పార్టీ అభ్యర్థుల ఎంపికపై కసరత్తు చేస్తున్నాయి. ప్రజాసమస్యలను ప్రత్యర్థుల లోపాలను టచ్ చేస్తూనే గెలిచే దమ్మున్న వ్యక్తిని బరిలో నిలిపేందుకు చేయాల్సిన గ్రౌండ్ వర్క్ చేస్తున్నాయి. ఇందులో బీఆర్‌ఎస్ ముందు ఉందని చాలా మంది భావిస్తున్నారు. ఇప్పటికే ఎమ్మెల్యేల జాబితా సిద్ధమైందని చెప్పుకుంటున్నారు. మంచి ముహూర్తం చూసి ఆ లిస్ట్‌ను కేసీఆర్ బయట పెడతారని కూడా పార్టీ శ్రేణులు చెప్పుకుంటున్నాయి.

ప్రత్యర్థులకు కౌంటర్ అన్నట్టు కాంగ్రెస్ పార్టీ కూడా అభ్యర్థుల ఎంపికపై ప్రత్యేక శ్రద్ధ పెట్టింది. వివిధ రకాల సర్వేలు, ఇతర మార్గాల్లో లీడర్ల బలాాబలాలు తెలుసుకొని నియోజకవర్గాల్లో అభ్యర్థిపై ఓ అంచనాకు వచ్చినట్టు చెప్పుకుంటున్నారు. సమస్యలు లేని స్థానాల్లో లీడర్లకు గ్రీన్ సిగ్నల్ కూడా ఇచ్చినట్టు చెబుతున్నారు.

కాంగ్రెస్ పార్టీ రాష్ట్రంలోని 60 నియోజక వర్గాల్లో పోటీ చేయబోయే అభ్యర్థుల జాబితా సిద్ధమైందని టాక్ నడుస్తోంది. నియోజక వర్గాల వారీగా పీసీసీ, ఏఐసీసీ బృందాలు సర్వే నిర్వహించి నివేదిక సిద్ధం చేశాయని తెలుస్తోంది. సర్వేలతోపాటుగా సామాజిక, రాజకీయ అంశాలను పరిగణలోకి తీసుకొని జాబితాను వడపోశారట. సీనియర్ల సూచనలతో పెద్ద కసరత్తే చేసినట్టు చెప్పుకుంటున్నారు.

వచ్చే నెల మొదటి వారంలో తొలి జాబితా విడుదలకు వీలుగా కాంగ్రెస్‌ వడపోత ప్రక్రియ సాగుతుందట. గొడవలు లేని, పోటీలో ఒకరే ఉన్న 60కిపైగా నియోజక వర్గాల్లో అభ్యర్థుల పేర్లు ఖరారు చేసినట్టు తెలుస్తోంది. ఇప్పటి వరకు జరిగిన సర్వేల ఆధారంగా కొందరు నాయకులకు క్షేత్ర స్థాయిలో పని చేసుకోవాలని రాష్ట్ర నాయకత్వం సూచించిందట. ఎస్సీ, ఎస్టీ రిజర్వేషన్ల నియోజక వర్గాలతోపాటు ఒక్కో పార్లమెంట్ నియోజకవర్గ పరిధిలో కనీసం రెండు చోట్ల బీసీ నాయకులను దించాలని పీసీసీ యోచిస్తోంది.

అలా సమస్యల్లేని, జాబితా ఇదేనంటూ కాంగ్రెస్ నాయకులు చెప్పుకుంటున్నారు.