Adilabad IT Hub: ఆదిలాబాద్ ఐటీ హబ్‌లో NTT డాటా - ఆదివాసీ యువతకు సాఫ్ట్ వేర్ ఉద్యోగాలు
Adilabad IT hub ఆదిలాబాద్ ఐటీ హబ్ సిద్ధమయింది. ఇప్పటికే ఎన్టీటీ డాటా యాభై మంది ఉద్యోగులతో కార్యకలాపాలు నిర్వహిస్తోంది.
Adilabad IT hub Ready: ఆదిలాబాద్ జిల్లాలో ఐటీ హబ్ ప్రతిభావంతమైన గిరిజన బిడ్డలకు ఉద్యోగవకాశాలు కల్పిస్తోంది. ఇప్పుడు రాష్ట్ర ప్రభుత్వ ఐటీ విధానం ద్వారా ఇన్ఫర్మేషన్ టెక్నాలజీ (ఐటీ) హబ్‌గా రూపొందుతోంది. ఈ ఐటీ హబ్ ఆదిలాబాద్ టౌన్‌లోని బట్టిసవర్గావ్ గ్రామం సమీపంలో మావల మండలంలో నిర్మించారు. ఈ ప్రాజెక్ట్ తెలంగాణ రాష్ట్రంలో టైర్-2 నగరాల్లో ఐటీ పరిశ్రమను విస్తరించే లక్ష్యంతో భాగంగా రూపొందించారు. 3 ఎకరాల భూమిపై ఐటీ టవర్ నిర్మాణం జరుగుతోంది. అదనంగా, 5 ఎకరాల విస్తీర్ణంలో ఐటీ పార్క్ ఏర్పాటు చేయాలనే ప్రతిపాదన కూడా ఉంది. ఐటీ టవర్ నిర్మాణం కోసం తెలంగాణ రాష్ట్ర ప్రభుత్వం 40 కోట్ల రూపాయలను కేటాయించింది.
ఈ టవర్ 48,000 చదరపు అడుగుల నిర్మాణ విస్తీర్ణంతో నిర్మిస్తున్నారు. ఈ ప్రాజెక్ట్‌ను తెలంగాణ స్టేట్ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ (TSIIC) ద్వారా ఐటీ విభాగం చేపట్టింది. ఆదిలాబాద్‌లోని స్థానిక యువతకు ఐటీ రంగంలో ఉపాధి అవకాశాలను సృష్టించడం , గ్రామీణాభివృద్ధిని ప్రోత్సహించేందుకు హైదరాబాద్‌కు మాత్రమే పరిమితం కాకుండా, ఐటీ పరిశ్రమను రాష్ట్రంలోని ఇతర టైర్-2 నగరాలకు విస్తరించే రాష్ట్ర ప్రభుత్వ విధానంలో భాగంగా ఈ ప్రాజెక్ట్ ను రూపొందించారు.
చిన్న, మధ్య తరహా ఐటీ కంపెనీల కోసం ప్లగ్-అండ్-ప్లే సౌకర్యాలను అందించడం, స్టార్టప్ ఇకోసిస్టమ్‌ను బలోపేతం , తెలంగాణ అకాడమీ ఫర్ స్కిల్ అండ్ నాలెడ్జ్ (TASK) సెంటర్‌ల ద్వారా నైపుణ్యాభివృద్ధిని ప్రోత్సహించడం వంటి కార్యక్రమాలు ఈ ఐటీ హబ్ చేపడుతుంది. ఆదిలాబాద్ ఐటీ హబ్‌లో ఇప్పటికే NTT డేటా బిజినెస్ సొల్యూషన్స్ ఇండియా (NTT BDNT) వంటి ఐటీ కంపెనీలు తమ కార్యకలాపాలను ప్రారంభించాయి. NTT డేటా సర్వీసెస్ 50 మంది స్థానిక యువతకు ఉద్యోగాలు కల్పించింది.
SAP సొల్యూషన్స్ రూపకల్పన, అమలు, నిర్వహణలో నైపుణ్యం కలిగిన ఎన్టీటీటీ ఆదిలాబాద్‌లో కార్యకలాపాలు ప్రారంభించడం మేలిమలుపుగా మారింది. రిలయన్స్ కార్పొరేట్ ఐటీ పార్క్ లిమిటెడ్ ఆదిలాబాద్‌లో రిలయన్స్ జియో ఇన్ఫోకామ్ లిమిటెడ్ ఆధ్వర్యంలో ఐటీ సంబంధిత కార్యకలాపాలు నిర్వహిస్తోంది. ఈ సంస్థకు 4.3 స్టార్ రేటింగ్ ఉందని ఆన్‌లైన్ రివ్యూలు సూచిస్తున్నాయి. మరొక ఐటీ సంస్థ, సంతానా అనలిటిక్, మంచిర్యాల జిల్లాలోని బెల్లంపల్లిలో కార్యకలాపాలు నిర్వహిస్తూ స్థానిక ఉపాధికి దోహదపడుతోంది
గత BRS ప్రభుత్వంలో ఐటీ పరిశ్రమల మంత్రిగా ఉన్న కె.టి. రామారావు (KTR) ఆదిలాబాద్ ఐటీ హబ్ ఏర్పాటులో కీలక పాత్ర పోషించారు. ఆయన 2022లో NTT BDNT ల్యాబ్‌ను సందర్శించి, దాని ఆధునీకరణ కోసం 1.5 కోట్ల రూపాయలను కేటాయించారు. డిజిటైజ్, డీకార్బనైజ్, డీసెంట్రలైజ్ అనే మూడు సూత్రాలతో ఐటీని జిల్లా కేంద్రాలకు విస్తరించేందుకు తెలంగాణ ప్రభుత్వం కృషి చేస్తోంది. ఆదిలాబాద్ ఐటీ టవర్ దాదాపు 1900 మందికి ఉపాధి అవకాశాలను కల్పించే అవకాశం ఉంది.
Proud that my state Telangana is showing the way for rest of India
— KTR (@KTRBRS) August 13, 2025
KCR Govt built IT Hubs in Tier 2 Towns: Nizamabad, Warangal, Siddipet, Khammam, Karimnagar, Nalgonda, Mahbubnagar, Adilabad and Suryapet
All one stop centres for IT Services, Startup incubation and Skilling in… pic.twitter.com/syawllRRHs
టాప్ హెడ్ లైన్స్
ట్రెండింగ్ వార్తలు
