KTR On Jobs : ఉద్యోగాలిచ్చింది కేసీఆర్ - రేవంత్ చేసింది అదే - కేటీఆర్ కీలక వ్యాఖ్యలు

Telangana News : ఉద్యోగాలపై రేవంత్ చేస్తున్న ప్రచారాన్ని కేటీఆర్ ఖండించారు. ఆ ఉద్యోగాలన్నీ కేసీఆర్ ఇచ్చారని రేవంత్ కేవలం ఆఫర్ లెటర్లు ఇచ్చారని స్పష్టం చేశారు.

ఉద్యోగాల భర్తీపై రేవంత్ అబద్దపు ప్రచారాలు : కేటీఆర్

KTR Comments :   కాంగ్రెస్ పార్టీ అధికారంలోకి వచ్చిన తర్వాత ఒక్క ఉద్యోగం కూడా ఇవ్వలేదని కేటీఆర్ స్పష్టం చేశారు.   32 వేల ఉద్యోగాలు భ‌ర్తీ చేశామ‌ని రేవంత్ చెప్పుకుంటున్నారని అవన్నీ కేసీఆర్ సర్కార్ భర్తీ చేసినవేనని స్పష్టం చేశారు. తెలంగాణ భవన్ లో కేటీఆర్ మీడియాతో మాట్లాడారు. ఈ సందర్భంగా కీలక వ్యాఖ్యలు చేశారు. కాంగ్రెస్ ప్రభుత్వం ఇచ్చిందని చెబుతున్న  32 వేల ఉద్యోగాల భ‌ర్తీకి సంబంధించిన వివ‌రాల‌ను కేటీఆర్ వెల్లడించారు.  ఈ ఉద్యోగాల‌కు రేవంత్ కేవ‌లం నియామ‌క ప‌త్రాలు మాత్ర‌మే అంద‌జేసిన‌ట్లు కేటీఆర్ స్ప‌ష్టం చేశారు. 

కాంగ్రెస్  అధికారంలోకి 30 వేల ఉద్యోగాలు ఇచ్చాన‌ని రేవంత్ రెడ్డి, మంత్రులు అదే పనిగా ప్రచారం చేసుకుంటున్నారని  మీరు 30 వేల ఉద్యోగాలు ఇచ్చిన మాట వాస్త‌వం అయితే ఏ తేదీన నోటిఫికేస‌న్ ఇచ్చారు. రాత‌ప‌రీక్ష ఎప్పుడు నిర్వ‌హించారు. ఫ‌లితాలు ఎప్పుడు ఇచ్చారో తెలంగాణ నిరుద్యోగుల‌కు చెప్పాల‌ని  కేటీఆర్ డిమాండ్ చేశారు.  వారు చెప్పలేరని ఎందుకంటే అవన్నీ కేసీఆర్ హయాలో వచ్చినవేనన్నారు.  ఉద్యోగాల భ‌ర్తీ విష‌యంలో సీఎం రేవంత్ రెడ్డి ఇష్ట‌మొచ్చిన‌ట్టు అబ‌ద్దాలు చెబుతున్నారని తేల్చారు.   

గురుకులాల్లో 9,210 టీజీటీ, పీజీటీ పోస్టుల భ‌ర్తీకి ఏప్రిల్ 2023లో నోటిఫికేష‌న్ ఇచ్చారు. ఆగ‌స్టు 2023లో రాత‌ప‌రీక్ష‌లు నిర్వ‌హించారు. ఫ‌లితాలు మాత్రం ఫిబ్ర‌వ‌రి 2024లో విడుద‌ల‌య్యాయన్నారు.  పోలీసు శాఖ‌లో 17,516 ఉద్యోగాల‌కు ఏప్రిల్ 2022లో నోటిఫికేష‌న్ ఇచ్చాం. జూన్ 2023లో రాత‌ప‌రీక్ష‌లు నిర్వ‌హించాం. అక్టోబ‌ర్ 4, 2023లో ఫ‌లితాలు వ‌చ్చాయి.   ఎన్నిక‌ల కోడ్ రావ‌డంతో భ‌ర్తీ ప్ర‌క్రియ ఆగిపోయింది. పోలీసు ఉద్యోగాల భ‌ర్తీ కేసీఆర్ హ‌యాంలోనే జ‌రిగింది. రేవంత్ రెడ్డి నియామ‌క ప‌త్రాలు  మాత్రమే ఇచ్చారన్నారు. 5,204 స్టాఫ్ న‌ర్సు ఉద్యోగాల భ‌ర్తీకి డిసెంబ‌ర్ 2022లో నోటిఫికేష‌న్ జారీ చేసి, ఆగ‌స్టు 2, 2023న రాత‌ప‌రీక్ష నిర్వ‌హించాం. డిసెంబ‌ర్ 23, 2023న ఫ‌లితాలు ప్ర‌క‌టించామన్నారు.                                         

587 ఎస్ఐ, ఏఎస్ఐ పోస్టుల‌కు ఏప్రిల్ 2022లో నోటిఫికేష‌న్ జారీ అయిందని ఏప్రిల్ 2023లో రాత‌ప‌రీక్ష నిర్వ‌హించామని కేటీఆర్ తెలిపారు.  ఆగ‌స్టు 7 2023లో ఫ‌లితాలు ప్ర‌క‌టించాం. కానీ న్యాయ‌ప‌ర‌మైన చిక్కుల వ‌ల్ల నియామ‌క ప‌త్రాలు ఇవ్వ‌లేక‌పోయాం. పైన పేర్కొన్న ఉద్యోగాల‌కు రేవంత్ కేవ‌లం నియామ‌క ప‌త్రాలు మాత్ర‌మే ఇచ్చారు. 32 వేల ఉద్యోగాలు భ‌ర్తీ చేసింది మాత్రం కేసీఆర్ అని కేటీఆర్ స్ప‌ష్టం చేశారు. తొమ్మిదిన్న‌రేండ్ల కాలంలో 1.60 ల‌క్ష‌ల ఉద్యోగాలు పూర్తిస్థాయిలో భ‌ర్తీ చేయ‌గా, 32 వేల ఉద్యోగాలు కొన్ని కార‌ణాల వ‌ల్ల ఆగిపోయాయి. ఇవి అవి మొత్తం క‌లుపుకుంటే కేసీఆర్ భ‌ర్తీ చేసిన ఉద్యోగాలు ఒక ల‌క్షా 92 వేలని లెక్క చెప్పారు.                   

గ్రాడ్యూయేట్ ఎమ్మెల్స ఎన్నికల పోలింగ్ సందర్భంగా  కాంగ్రెస్ నేతలు తాము ఉద్యోగాలిచ్చామని ప్రచారం చేసుకుంటూండటంతో కేటీఆర్ ఈ వివరాలు వెల్లడించారు.