Balka Suman arrest: క్యాతన్ పల్లిలో తీవ్ర ఉద్రిక్తత - బాల్క సుమన్ను అరెస్ట్ చేసిన పోలీసులు
Tension in Kyathanpally: క్యాతన్ పల్లి మున్సిపల్ చైర్మన్ ఎన్నిక వ్యవహారం మంచిర్యాల జిల్లాలో ఉద్రిక్తతకు కారణం అవుతోంది. బాల్క సుమన్ ను పోలీసులు అరెస్టు చేశారు.
Police arrest Balka Suman: మంచిర్యాల జిల్లా క్యాతన్పల్లిలో గత రెండు రోజులుగా నెలకొన్న ఉద్రిక్త పరిస్థితులు మరింతగా విషమించాయి. బీఆర్ఎస్ మాజీ ఎమ్మెల్యే బాల్క సుమన్ను పోలీసులు బుధవారం అరెస్ట్ చేశారు. క్యాతన్పల్లి మున్సిపల్ కార్యాలయం వద్ద జరిగిన ఘర్షణలు, పోలీసుల విధులకు ఆటంకం కలిగించడం , స్థానిక ఎస్ఐపై అనుచిత వ్యాఖ్యలు చేశారన్న ఫిర్యాదు మేరకు ఈ చర్యలు తీసుకున్నారు. బాల్క సుమన్తో పాటు పలువురు బీఆర్ఎస్ నాయకులను కూడా పోలీసులు అదుపులోకి తీసుకోవడంతో రామకృష్ణాపూర్ ప్రాంతంలో భారీగా పోలీసు బలగాలను మోహరించారు.
బాల్క సుమన్ గారి అరెస్ట్ చేయడానికి కేతనపల్లి వారి నివాసానికి చేరుకున్న వందల మంది పోలీసులు, అడ్డుకున్న బిఆర్ఎస్ నాయకులు కార్యకర్తలు సుమన్ అభిమానులు pic.twitter.com/NVqlWTBZHy
— Uradi Rajkumar yadav (@RajkumarRa5199) February 18, 2026
క్యాతన్పల్లి మున్సిపల్ చైర్మన్ ఎన్నిక విషయంలో రెండు పార్టీల కార్యకర్తలు బాహాబాహీకి దిగడంతో పరిస్థితి ఉద్రిక్తంగా మారింది. మంత్రి వినోద్ కారుపైనా దాడి చేశారు. ఘటనా స్థలానికి చేరుకున్న పోలీసులపై బాల్క సుమన్ తీవ్ర ఆగ్రహం వ్యక్తం చేశారని, శాంతిభద్రతలకు విఘాతం కలిగించారని పోలీసులు ఆరోపిస్తున్నారు. అరెస్ట్ సమయంలో బీఆర్ఎస్ కార్యకర్తలు అడ్డుకోవడానికి ప్రయత్నించడంతో తోపులాట జరిగింది. శాంతిభద్రతల దృష్ట్యా ఆయన్ని మంచిర్యాల కాకుండా వేరే పోలీస్ స్టేషన్కు తరలించి, అనంతరం కోర్టులో ప్రవేశపెట్టే అవకాశం ఉందని సమాచారం.
క్యాతన్పల్లి మున్సిపల్ చైర్మన్ ఎన్నిక సందర్భంగా చోటుచేసుకున్న ఉద్రిక్తతల నేపథ్యంలో, దేవపూర్ ఎస్ఐ ఎ. గంగారాం ఇచ్చిన ఫిర్యాదు మేరకు రామకృష్ణాపూర్ పోలీసులు బాల్క సుమన్పై కేసు నమోదు చేశారు. పోలీసుల విధులకు ఆటంకం కలిగించడం, అధికారులను భయభ్రాంతులకు గురిచేయడం, అనుమతి లేకుండా ఊరేగింపుగా వెళ్లడం వంటి ఆరోపణలతో ప్రధానంగా ఈ కేసు ఫైల్ అయింది. బాల్క సుమన్తో పాటు బిఆర్ఎస్ నాయకులు రాజా రమేష్, మూల రాజిరెడ్డి, అనిల్, గాజుల చంద్రకిరణ్, మేడిపల్లి సంపత్, గోగుల రవీందర్ రెడ్డి సహా మరికొంత మందిపై సెక్షన్ 189(3) (చట్టవిరుద్ధమైన సమావేశం), రియాటింగ్ (అల్లర్లు), ప్రభుత్వ ఉద్యోగులపై దాడి మరియు గాయపరచడం వంటి వివిధ సెక్షన్ల కింద ఎఫ్ఐఆర్ నమోదైంది.
మంత్రి వివేక్ కాన్వాయ్పై రాళ్ల దాడి జరిగినట్లు వస్తున్న ఆరోపణలపై కూడా పోలీసులు దర్యాప్తు చేస్తున్నారు. మున్సిపల్ కార్యాలయం వద్ద బారికేడ్లను తోసివేయడం, పోలీసులతో వాగ్వాదానికి దిగి శాంతిభద్రతలకు విఘాతం కలిగించారనే అంశాలను పోలీసులు రిమాండ్ రిపోర్టులో పొందుపరిచారు. ఈ ఘటనలో ఎస్ఐ గంగారాంతో పాటు మరికొందరు పోలీసు సిబ్బందికి గాయాలైనట్లు ఫిర్యాదులో పేర్కొన్నారు. ప్రస్తుతం బాల్క సుమన్ను అదుపులోకి తీసుకున్న పోలీసులు ఆయనను మెజిస్ట్రేట్ ముందు హాజరుపరిచేందుకు సిద్ధమవుతున్నారు.
Before You Go
IAS Officers | హిమాచల్లో IAS పోస్టుల కోత.. AP, Telanganaలో పెంపు! అసలు కారణమేంటి?
టాప్ హెడ్ లైన్స్
ట్రెండింగ్ వార్తలు
