TRS Chief Kavitha: టీఆర్‌ఎస్‌ చీఫ్‌ కవితకు షాక్‌! 15 రోజు సమయం ఇచ్చిన ఈసీ!

TRS Chief Kavitha: తెలంగాణలో కొత్తగా ఏర్పాటు అయిన తెలంగాణ రక్షణ సేనకు ఎన్నికల సంఘం షాక్ ఇచ్చేలా ఉంది. దీనిపై వస్తున్న అభ్యంతరాలపై స్పందించిన ఈసీఐ, కవితకు లేఖ రాసింది.

టీఆర్‌ఎస్‌ చీఫ్‌ కవితకు షాక్‌! 15 రోజు సమయం ఇచ్చిన ఈసీ! పార్టీ రద్దు అవుతుందా?

Source : Social Media

Show Quick Read

Key points generated by AI, verified by newsroom

• కవిత స్థాపించిన తెలంగాణ రక్షణ సేన పార్టీకి రిజిస్ట్రేషన్ పూర్తయ్యింది.
• పదిహేను రోజుల్లో ప్రత్యామ్నాయ పేర్లు ఇవ్వకుంటే రిజిస్ట్రేషన్ రద్దు.
• ఈ పరిణామం కవితకు తీవ్ర గందరగోళ పరిస్థితిని సృష్టించింది.

TRS Chief Kavitha: కేసీఆర్, కేటీఆర్, హరీష్‌ను ఎదురించి తెలంగాణ రక్షణ సేనతో ప్రజల ముందుకు వచ్చిన కవితకు కష్టాలు తప్పేలా కనిపించడం లేదు. తెలంగాణ రక్షణ సేన ఏర్పాటుపై ఇప్పటికే రిజిస్ట్రేషన్ పూర్తి అయ్యింది. అయితే దీనిపై వివిధ వర్గాల నుంచి వస్తున్న అభ్యంతరాలను పరిశీలించిన కేంద్రం ఎన్నికల సంఘం కవితకు లేఖ రాసింది. ప్రత్యమ్నాయ పేర్లు మరోసారి ఇవ్వాలని పేర్కొంది. లేకుంటే పదిహేను రోజుల్లో ఎలాంటి సమాచారం ఇవ్వకుండానే పార్టీ రిజిస్ట్రేషన్ రద్దు చేస్తామని స్పష్టం చేసింది. దీంతో కవిత వర్గం డైలమాలో పడింది.  

తెలుగు రాజకీయాల్లో టీఆర్‌ఎస్‌ది కీలకమైన పాత్ర. తెలంగాణ రాష్ట్ర సాధనలో ముందుండి నడిపించిన ఈ పార్టీ ప్రజలకు సెంటిమెంట్‌గా మారింది. ఇదే పేరుతో ఉద్యమాన్ని నడిపించి, రెండుసార్లు అధికారం చేపట్టిన కేసీఆర్ తర్వాత తన దృష్టిని జాతీయ రాజకీయాలపై పెట్టారు. దీంతో ప్రజలకు చాలా దగ్గరైన టీఆర్‌ఎస్‌ పేరును బీఆర్‌ఎస్‌గా మార్చారు. అప్పటి వరకు తెలంగాణ రాష్ట్ర సమితిగా ఉన్న పార్టీ భారత్‌ రాష్ట్ర సమితిగా రూపొంతర చెందింది. దీంతో తెలంగాణ రాష్ట్ర సమితిని ఎన్నికల సంఘం ఫ్రీజ్ చేసింది. కానీ ఆ పేరు కలిసి వచ్చేలా కొత్త కొత్త పార్టీలు పుట్టుకొచ్చాయి. 

కేసీఆర్ కుమార్తె కవిత కూడా టీఆర్‌ఎస్‌ అనే సంక్షిప్త రూపం వచ్చేలా తెలంగాణ రక్షణ సేన పేరుతో  పార్టీ ఏర్పాటు చేశారు. పార్టీ పేరు ప్రకటన రోజు దీన్ని తెలంగాణ రాష్ట్ర సేన అసోసియేషన్‌గానే చూపించారు. తర్వాత 24 గంటలకే పేరును తెలంగాణ రక్షణ సేనగా మర్చారు. పార్టీ పేరు ఏదైనా చివరకు టీఆర్‌ఎస్ అనే సంక్షిప్త రూపం వచ్చేలా జాగ్రత్త పడ్డారు. ప్రజల్లో ఆ పేరుకు ఉన్న ఎమోషన్ తనకు కలిసి వస్తుందనే ఉద్దేశంతో ఆమె దీని కోసం పట్టుబట్టారు. 

అయితే ఇప్పుడు ఆపేరు ఆమెకు దక్కేలా కనిపించడం లేదు. పేరు ప్రకటన మొదటి రోజు నుంచి కూడా బీఆర్‌ఎస్ అనుకూల వర్గాల నుంచి, కేసీఆర్ అభిమానుల వద్ద నుంచి అభ్యంతరాలు వస్తున్నాయి. దీనిపై ఈసీకి కూడా ఫిర్యాదులు చేశారు. పార్టీ పేరును రిజిస్ట్రేషన్ చేసిన ఈసీ, అభ్యంతరాలతో వెనక్కి తగ్గేలా ఉంది. టీఆర్‌ఎస్ పేరు వచ్చేలా ఒకట్రెండు పార్టీలు ఉన్నాయని, ఇప్పుడు కవితకి కూడా అలాంటి పేరుతో వచ్చే పార్టీని రిజిస్ట్రేన్ చేస్తే గందరగోళం ఏర్పడుతుందని వారంతా ఈసీకి లేఖలు రాశారు. 

ఇలా వివిధ వర్గాల నుంచి అభ్యంతరాలు రావడంతో ఎన్నికల సంఘం కవితకు లేఖ రాసింది. అన్ని వర్గాలు తీవ్ర అభ్యంతరం చెబుతున్న వేళ కచ్చితంగా పేరు మార్చుకోవాల్సి ఉంటుందని కవితకు తెలియజేసింది. అందుకే మూడు ప్రత్యామ్నాయ పేర్లతో మరోసారి అప్లై చేయాలని సూచించింది. లేఖలకు స్పందించకపోయినా, మూడు ప్రత్యామ్నాయాలు చెప్పకపోయినా 15 రోజుల్లో పార్టీ రిజిస్ట్రేషన్ రద్దు చేస్తామని తేల్చేసింది. ఇప్పుడు కవిత నుంచి ఎలాంటి రియాక్షన్ ఉంటుందనేది ఆసక్తిగా మారింది. వివాదాన్ని ఈసీతో తేల్చుకుంటారా లేకుంటే కోర్టును ఆశ్రయిస్తారా అనేది తేలాల్సి ఉంది. 

మరిన్ని చదవండి

TRS పేరుపై వందల అభ్యంతరాలు - అదే పేరుతో మరో రెండు పార్టీలు కూడా - కవితకు షాక్ తప్పదా?

టీఆర్‌ఎస్ అధ్యక్షురాలు కవితలో ఉత్సాహం నింపిన తమిళనాడు ఎన్నికల ఫలితాలు! విజయ్‌ పార్టీపై ఆసక్తికర కామెంట్స్!