CM Revanth Reddy: హైదరాబాద్ ముంపు ప్రాంతాల్లో రేవంత్ రెడ్డి ఆకస్మిక పర్యటన, సీఎంకు వరద పరిస్థితి వివరించిన బాలుడు
Hyderabad Rains | ఇటీవల కురుస్తున్న భారీ వర్షాలకు హైదరాబాద్ లోని కొన్ని ప్రాంతాలు వరద ముంపు సమస్యతో ఇబ్బంది పడుతున్నాయని అక్కడ సీఎం రేవంత్ రెడ్డి ఆకస్మిక పర్యటన చేశారు.
Revanth Reddy visits flooded areas in Hyderabad | హైదరాబాద్: గత కొన్ని రోజులుగా హైదరాబాద్ నగరంలో కురుస్తున్న భారీ వర్షాలతో తెలంగాణ ప్రభుత్వం అప్రమత్తమైంది. వరద ప్రభావిత ప్రాంతాలైన అమీర్ పేట్ బుద్ధ నగర్, మైత్రి వనం, బాల్కంపేట ఏరియాలలో ముఖ్యమంత్రి రేవంత్ రెడ్డి ఆకస్మికంగా పర్యటించారు. బుద్ధనగర్ లో డ్రైనేజీ సిస్టంను పరిశీలించి అధికారులకు తగు సూచనలు చేశారు. కాలనీ రోడ్డు కంటే డ్రైనేజీ కాలువ ఎక్కువ ఎత్తులో ఉండటంతో ఇరుకుగా మారి వరద తీవ్రత పెరుగుతోందని రేవంత్ రెడ్డి అభిప్రాయపడ్డారు. వెంటనే డ్రైనేజీ సిస్టంను స్ట్రీమ్ లైన్ చేసి, వరద నీరు సాఫీగా వెళ్లేలా చూడాలని అధికారులకు సూచించారు.
వరద ముప్పు తొలగేలా ప్రణాళికలు..
పక్కనే ఉన్న గంగూబాయి బస్తీ కుంటను కొంతమంది పూడ్చి వేసి పార్కింగ్ కు వినియోగిస్తున్నారని స్థానికుల నుంచి ఫిర్యాదు అందడంతో సీఎం రేవంత్ రెడ్డి హైడ్రా కమిషనర్ ఏవీ రంగనాథ్తో కలిసి గంగూబాయి కుంట ప్రాంతాన్ని సందర్శించి అధికారులకు పలు సూచనలు చేశారు. ఒక ప్రత్యేక ట్రంక్ లైన్ ఏర్పాటు చేసి వరద సమస్యకు శాశ్వత పరిష్కారం చూపాలన్నారు. వరద ముప్పు తొలగేలా ఈ ప్రాంతాలకు సంబంధించి వెంటనే ప్రణాళికలు సిద్ధం చేయాలని అధికారులను ఆదేశించారు.
వరద పరిస్థితిని సీఎంకు వివరించిన బాలుడు
ఇటీవల వరద నీరు నిలిచిపోయిన మైత్రీవనం వద్ద పరిస్థితిని హైడ్రా అధికారులతో కలిసి సీఎం రేవంత్ రెడ్డి ఆదివారం సాయంత్రం పరిశీలించాు. స్థానికులను నుంచి వివరాలు అడిగి తెలుసుకున్నారు. శాశ్వత పరిష్కారానికి తీసుకోవాల్సిన చర్యలపై అధికారులకు పలు సూచనలు చేశారు. అమీర్పేట బుద్ధ నగర్ లో జశ్వంత్ అనే ఓ బాలుడిని సీఎం రేవంత్ రెడ్డి పిలిచి వరద పరిస్థితిపై ఆరా తీశారు. కాలనీలో నడుస్తూ బాలుడు జశ్వంత్ ను వారికి ఉన్న సమస్యలను అడిగి తెలుసుకున్నారు.
పుస్తకాలు తడిచిపోయాయని చెప్పిన బాలుడు
తాను 7వ తరగతి చదువుతున్నానని, వర్షం వచ్చిన సమయంలో వరద నీళ్లు ఇంట్లోకి వస్తున్నాయని సమస్య తీర్చాలని సీఎం రేవంత్ రెడ్డిని బాలుడు జశ్వంత్ కోరాడు. వరదనీరు ఇంట్లోకి రావడంతో తన పుస్తకాలు తడిసిపోయాయని సీఎంకు తెలిపాడు. ఆ కాలనీకి గేట్లు లాంటివి ఏర్పాటు చేసి నీళ్లు రాకుండా చూస్తామని, భవిష్యత్ లో వరద పరిస్థితులు తలెత్తకుండా శాశ్వత పరిష్కారం చూపిస్తామని సీఎం రేవంత్ రెడ్డి బాలుడికి ధైర్యం చెప్పారు. పక్కన ఉన్న కాలనీకి అలాగే చేయాలని లేకపోతే అక్కడి నుంచి తమ కాలనీకి నీళ్లు వచ్చి మునిగిపోయే అవకాశం ఉందని చెప్పినట్లు బాలుడు తెలిపాడు.
టాప్ హెడ్ లైన్స్
ట్రెండింగ్ వార్తలు
