CM Revanth Reddy: తెలంగాణ రైజింగ్ సమ్మిట్ను ప్రతిష్టాత్మకంగా తీసుకున్న సీఎం రేవంత్ రెడ్డి
Telangana Rising Global Summit | తెలంగాణ ముఖ్యమంత్రి రేవంత్ రెడ్డి 'తెలంగాణ రైజింగ్ గ్లోబల్ సమ్మిట్' ఏర్పాట్లపై అధికారులతో సమీక్ష నిర్వహించారు. ఈ కార్యక్రమం డిసెంబర్ 8, 9 తేదీలలో జరగనుంది.
తెలంగాణ ముఖ్యమంత్రి రేవంత్ రెడ్డి 'తెలంగాణ రైజింగ్ గ్లోబల్ సమ్మిట్' ఏర్పాట్లపై అధికారులతో ఆదివారం సమీక్ష నిర్వహించారు. ఈ సమ్మిట్కు అంతర్జాతీయ స్థాయిలో ఏర్పాట్లు ఉండాలని ఆయన ఆదేశించారు. ఈ కార్యక్రమానికి ప్రపంచ వ్యాప్తంగా ప్రతినిధులు హాజరవుతారు. వివిధ దేశాల అంబాసిడర్లు కూడా ఇందులో పాల్గొనే అవకాశం ఉంది కాబట్టి, ప్రతినిధులకు ఎలాంటి ఇబ్బందులు రాకుండా జాగ్రత్తలు తీసుకోవాలని సూచించారు. డిసెంబర్ 8,9 తేదీలల్లో తెలంగాణ రైజింగ్ గ్లోబల్ సమ్మిట్ జరగనుంది.
ఈ సమ్మిట్ భద్రతాపరంగా కట్టుదిట్టంగా ఉండాలని ముఖ్యమంత్రి రేవంత్ రెడ్డి స్పష్టం చేశారు. పాస్లు లేకుండా ఎవరికీ ఎంట్రీ ఇవ్వడానికి వీలు లేదని, అలాగే సమ్మిట్కు సంబంధం లేని వారికి ఎట్టి పరిస్థితుల్లోనూ ప్రవేశం కల్పించకూడదని అధికారులను ఆదేశించారు. అధికారులకు కూడా శాఖల వారీగా పకడ్బందీగా ఎంట్రీ ఉంటుందని తెలిపారు. ఈ ఏర్పాట్లను తాను ఎప్పటికప్పుడు పరిశీలిస్తానని చెప్పారు. పోలీసులు కట్టుదిట్టమైన భద్రతా చర్యలు తీసుకోవాలని, పార్కింగ్కు ఎక్కడా ఇబ్బందులు తలెత్తకుండా చూడాలని సూచించారు. బందోబస్తుకు వచ్చే పోలీస్ సిబ్బందికి ఎలాంటి ఇబ్బందులు కలగకుండా తగిన సౌకర్యాలు కల్పించాలని ఆదేశించారు. చివరగా, సమ్మిట్కు హాజరయ్యే మీడియా ప్రతినిధులకు తగిన ఏర్పాట్లు చేయాలని అధికారులకు సీఎం రేవంత్ రెడ్డి స్పష్టం చేశారు.
భారత్ ఫ్యూచర్ సిటీలో నిర్మిస్తున్న రెండు కీలక నిర్మాణ పనులను ముఖ్యమంత్రి రేవంత్ రెడ్డి పరిశీలించారు. అందులో ఒకటి భారత్ స్కిల్స్ యూనివర్సిటీ నిర్మాణం కాగా, రెండవది ఫ్యూచర్ సిటీ డెవలప్మెంట్ అథారిటీ భవన నిర్మాణం.
భద్రత, ప్రవేశ నిబంధనలు
పాస్లు లేకుండా ఎవరికీ ఎంట్రీ ఇవ్వడానికి వీలు లేదు.
సమ్మిట్కు సంబంధం లేని వ్యక్తులకు ఎట్టి పరిస్థితుల్లోనూ ప్రవేశం కల్పించకూడదు.
అధికారులకు కూడా శాఖల వారీగా పకడ్బందీగా ఎంట్రీ ఉంటుంది.
పోలీసులు కట్టుదిట్టమైన భద్రతా చర్యలు తీసుకోవాలి.
ఇతర సౌకర్యాలు
ప్రతినిధులకు ఎలాంటి ఇబ్బందులు రాకుండా అన్ని జాగ్రత్తలు తీసుకోవాలి.
పార్కింగ్కు ఎక్కడా ఇబ్బందులు తలెత్తకుండా చూడాలి.
బందోబస్తుకు వచ్చే పోలీస్ సిబ్బందికి ఇబ్బందులు కలగకుండా తగిన సౌకర్యాలు కల్పించాలి.
సమ్మిట్కు హాజరయ్యే మీడియా ప్రతినిధులకు తగిన ఏర్పాట్లు చేయాలి.
టాప్ హెడ్ లైన్స్
ట్రెండింగ్ వార్తలు
