Rave Party In Hyderabad: కొండాపూర్‌లో రేవ్‌ పార్టీని భగ్నం చేసిన పోలీసులు- 9 మంది అరెస్ట్, డ్రగ్స్ స్వాధీనం

Hyderabad crime News | కొండాపూర్‌లో సీక్రెట్ గా జరుగుతున్న రేవ్‌ పార్టీని పోలీసులు భగ్నం చేసి 9 మందిని అరెస్ట్ చేశారు. కేసు నమోదు చేసిన పోలీసులు డ్రగ్స్ స్వాధీనం చేసుకున్నారు.

హైదరాబాద్‌లో రేవ్ పార్టీ

Source : Meta AI

Rave party in Kondapur | హైదరాబాద్‌: భాగ్యనగరంలోని కొండాపూర్‌లో జరుగుతున్న రేవ్‌ పార్టీని పోలీసులు భగ్నం చేశారు. సర్వీస్ అపార్ట్‌మెంట్‌లో రేవ్ పార్టీ నిర్వహిస్తుండగా పక్కా సమాచారంతో పోలీసులు ఆకస్మికంగా దాడిచేశారు. ఏపీకి చెందిన 9 మందిని అరెస్ట్ చేయడంతో పాటు వారి వద్ద నుంచి ఆరు కార్లు, మత్తు పదార్థాలు స్వాధీనం చేసుకున్నట్లు సమాచారం. రేవ్ పార్టీలో పాల్గొన్న వారు మంగళగిరి, విజయవాడ, కాకినాడ, రాజమండ్రికి చెందినవారిగా పోలీసులు గుర్తించారు. 

అశోక్‌నాయుడు అనే వ్యక్తి ఈ రేవ్ పార్టీ నిర్వహించినట్లు పోలీసులు ప్రాథమికంగా భావిస్తున్నారు. మొత్తం 11 మందిపై ఎక్సైజ్ శాఖ పోలీసులు కేసు నమోదు చేశారు. పార్టీ జరిగిన చోట పెద్ద ఎత్తున డ్రగ్స్ లభ్యమయ్యాయి. రెండు కేజీల గంజాయితో పాటు 50 గ్రాముల కుష్ డ్రగ్, 11.5 గ్రాముల మ్యూజిక్ మష్రుమ్, 1.9 గ్రాముల మరో మత్తు పదార్థాలను పోలీసులు స్వాధీనం చేసుకున్నారు. అనంతరం నిందితులను శేరిలింగంపల్లి ఎక్సైజ్ పోలీసులకు అప్పగించారు. 

ఏపీ నుంచి హైదరాబాద్‌కు వచ్చి జల్సాలు..

 వీకెండ్ వచ్చిందంటే చాలు మందు, డ్రగ్స్ పార్టీలు.. అమ్మాయిలు, అబ్బాయిలు అనే తేడా లేకుండా పార్టీల్లో పాల్గొంటున్నారు. ఈ క్రమంలో కొండాపూర్ ఎస్వీ నిలయం అనే సర్వీస్ అపార్ట్మెంట్లో  వీకెండ్ సందర్భంగా ఏపీ నుంచి హైదరాబాద్ కు తీసుకువచ్చి సీక్రెట్‌గా రేవ్ పార్టీలు నిర్వహిస్తున్నారు. శనివారం రాత్రి సైతం రేవ్ పార్టీ నిర్వహిస్తుండగా స్టేట్ ఎక్సైజ్ స్టేట్ టాస్క్ ఫోర్స్ బి టీం ఎస్సై సంధ్య బాలరాజు, ఇతర సిబ్బంది అక్కడికి వెళ్లి దాడి చేశారు. 

 విజయవాడకు చెందిన  నాయుడు అలియాస్ వాసు అనే వ్యక్తి మారుపేర్లు, ఫేక్ ఆధార్ కార్డులతో కొందర్ని హైదరాబాద్ తీసుకొచ్చి వీకెండ్స్ లో డ్రగ్స్, రేవ్ పార్టీలు నిర్వహించి తిరిగి ఏపీకి పంపిస్తుంటాడు. ఎస్టిఎఫ్ బి టీం పట్టుకున్న నిందితులను  శేర్లింగంపల్లి ఎక్సైజ్ స్టేషన్లో అప్పగించినట్లు సీఐ సంధ్య తెలిపారు.

9 మంది అరెస్ట్ కాగా, అరెస్ట్ అయిన వారిలో కింగ్ కెన్ షేర్ రాహుల్ డ్రగ్స్ ను తెప్పించే వ్యక్తి ను ఆర్గనైజర్ ప్రవీణ్ కుమార్ అలియాస్ మన్నే అప్పికోట్ల అశోక్ కుమార్ ఆర్గనైజర్ సమ్మెల సాయి కృష్ణ, అడపా యశ్వంత్, హిట్ జోసఫ్, తోట కుమారస్వామి, శ్రీ దత్, నంద, సమతా తేజ లను అరెస్ట్ చేశారు. మరో ఇద్దరు పరారీలో ఉన్నారని సిఐ తెలిపారు.

మరిన్ని చదవండి

కూల్‌గా నడుచుకుంటూ వెళ్తూ స్కూల్ బిల్డింగ్ మీద నుంచి దూకి విద్యార్థిని ఆత్మహత్య

డ్రగ్స్ గ్యాంగ్ ఆట కట్టించిన హైదరాబాద్‌ పోలీసులు- 9 మంది అరెస్ట్, గన్ స్వాధీనం