Secunderabad Paiga Colony: భారీ వర్షాలకు నిండా మునిగిన సికింద్రాబాద్ పైగా కాలనీ - రెండో అంతస్తు వరకూ నీరు - తాజా పరిస్థితి ఇదే

Heavy rains in Hyderabad: హైదరాబాద్ లో భారీ వర్షాల కారణంగా పైగా కాలనీ నీట మునిగింది. హైడ్రా చీఫ్ రంగనాథ్ నేతృత్వంలో అక్కడి ప్రజల్ని సురక్షిత ప్రాంతానికి తరలించారు.

నీట మునిగిన పైగా కాలనీ

Source : x

Hyderabad Heavy rains: హైదరాబాద్‌లో భారీ వర్షాల కారణంగా  సికింద్రాబాద్‌లోని పైగా కాలనీ  నీటమునిగింది.  భారీ వర్షాల కారణంగా కాలనీలోని రోడ్లు, ఇళ్లు,  వాణిజ్య సముదాయాలు నీటమునిగాయి. కొన్ని పరిశ్రమలు ,  షోరూమ్‌లలో కూడా వరద నీరు చేరింది, దీని వల్ల అక్కడ ఉద్యోగులు చిక్కుకుపోయారు. 

This issue has persisted for 4 years with no action from Cantonment officials, despite multiple meetings with the CO, engineers & others. Every rainy season brings sleepless nights to ensure water does not enter our home.@DeccanChronicle @the_hindu @HiHyderabad #HyderabadRains pic.twitter.com/kvoriWUxHD

— Surendra Gollapudi (@GollapudiSuri) July 18, 2025

 కాలనీలోని అనేక ఇళ్లలోకి వరద నీరు చేరడంతో నివాసితులు తీవ్ర ఇబ్బందులు ఎదుర్కొన్నారు. సరియైన డ్రైనేజీ వ్యవస్థ లేకపోవడం వల్ల వర్షపు నీరు రోడ్లపైనే నిలిచి, రాకపోకలకు ఆటంకం కలిగించింది. హైదరాబాద్ డిజాస్టర్ రెస్పాన్స్ అండ్ అసెట్స్ మేనేజ్‌మెంట్ ఏజెన్సీ  చీఫ్ రంగనాథ్ ఘటనా స్థలానికి చేరుకుని, రక్షణ కార్యకలాపాలను పర్యవేక్షించారు. చిక్కుకున్న వ్యక్తులను బోట్ల సహాయంతో సురక్షిత ప్రాంతాలకు తరలించారు.  

#Hyderabad:

Thick black clouds cover the city, bringing heavy rains in many areas.

All major roads have been inundated.

It rained in #Secunderabad, Chilakalguda, #Begumpet, #Alwal, #Tirumalagiri, Bollaram, #Bowenpally, Maredpally, #Tarnaka, #OUCampus, Lalapet, #Habsiguda,… pic.twitter.com/OWOxZtSDLy

— NewsMeter (@NewsMeter_In) July 18, 2025

వరద నీటిని తొలగించేందుకు డ్రైనేజీ వ్యవస్థలను శుభ్రం చేయడం,  డీ-వాటరింగ్ పంపులను ఉపయోగించడం వంటి చర్యలు చేపట్టారు.  సమీపంలోని మల్కాజ్‌గిరి, చినాయ మార్గ్, మిర్జాలగూడా,   గౌతమ్ నగర్ ప్రాంతాల్లో డ్రైనేజీ సౌకర్యాలు అసమర్థంగా ఉండటం వల్ల వర్షపు నీరు రోడ్లపై నిలిచి, ఇళ్లలోకి చేరింది.  

నగరంలో భారీ వర్షం
-నీట మునిగిన రహదారులు
-థర్మోకోల్ తో నిండిన కల్వర్టులు
-వరద ప్రవాహానికి ఆటంకాలు
-రాత్రి వేళ హైడ్రా డీఆర్ఎఫ్, ఎంఈటీ సేవలు

🔶కొంత కాలంగా వ‌ర్షాలు లేని న‌గ‌రాన్ని గురువారం వ‌రుణుడు ముంచెత్తాడు. ఏక‌ధాటిగా కురిసిన వ‌ర్షానికి ప‌లు చోట్ల ర‌హ‌దారులు జ‌ల‌మ‌య‌మ‌య్యాయి.… pic.twitter.com/JYVC5d4zO4

— HYDRAA (@Comm_HYDRAA) July 17, 2025

పైగా కాలనీ నివాసితులు ఈ వరదల వల్ల తీవ్ర ఇబ్బందులు ఎదుర్కొన్నారు. ప్రతి వర్షాకాలంలో ఇటువంటి పరిస్థితులు ఎదురవుతున్నాయని, శాశ్వత పరిష్కారం కోసం అధికారులు చర్యలు తీసుకోవాలని వారు ఆవేదన వ్యక్తం చేశారు.ఇంకా వర్షాలు పడే అవకాశం ఉన్నందున జాగ్రత్తలు తీసుకుంటున్నారు.