Chikoti Praveen: చీకోటి ప్రవీణ్ కారును కొట్టేసిన దుండగులు - సీసీ టీవీలో రికార్డైన దృశ్యాలు

Chikoti Praveen: క్యాసినో కింగ్ చీకోటి ప్రవీణ్ కుమార్ కారు చోరీకి గురైంది. సైదాబాద్ లోని ఆయన సొంత ఇంట్లో ఉన్న కారును ఎవరో గుర్తు తెలియని వ్యక్తులు దొంగతనం చేశారు. ఇన్నోవా కారు కీస్ వెతికి మరీ కారుతోపాటు పరారయ్యారు. అయితే విషయం గుర్తించిన చీకోటి ప్రవీణ్ పోలీసులకు సమాచారం అందించారు. కేసు నమోదు చేసుకున్న పోలీసులు దర్యాప్తు చేస్తున్నారు.

దర్యాప్తులో భాగంగా చీకోటి ఇంట్లో ఉన్న సీసీటీవీ ఫుటేజిని పరిశీలించారు పోలీసులు. అందులోనే కారు దొంగతనానికి సంబంధించిన దృశ్యాలు రికార్డు అయ్యాయి. అందులో ఉన్న నిందితుల ఫొటోలను ప్రింట్ తీసిన పోలీసులు వారిని పట్టుకునే పనిలో పడ్డారు. పోలీస్ ప్రొటెక్షన్ కావాలంటూ గతంలో ప్రవీణ్ కుమార్.. పోలీసులను కోరిన విషయం అందరికీ తెలిసిందే. తనకు, తన కుటుంబానికి రక్షణగా గన్ మెన్లను కేటాయించాలని రాష్ట్ర ప్రభుత్వాన్ని ప్రవీణ్ కోరారు.