Vijay Devarakonda: ప్రయాగ్ రాజ్ వెళ్లే విమానం ఆలస్యం - శంషాబాద్ ఎయిర్ పోర్టులో ప్రయాణికుల ఆందోళన, ఎయిర్ పోర్టులో చిక్కుకున్న హీరో విజయ్ దేవరకొండ

Shamshabad Airport: ప్రయాగ్ రాజ్ వెళ్లే విమానంలో సాంకేతిక సమస్య తలెత్తడంతో శంషాబాద్ ఎయిర్ పోర్టులో ప్రయాణికులు ఆందోళనకు దిగారు. ఇదే విమానంలో హీరో విజయ్ దేవరకొండ తన తల్లితో కలిసి కుంభమేళాకు వెళ్తున్నారు.

ఎయిర్ పోర్టులో చిక్కుకున్న విజయ్ దేవరకొండ

Source : Twitter (X)

Actor Vijay Devarakonda Stucked In Shamshabad Airport: హైదరాబాద్ శంషాబాద్ ఎయిర్ పోర్టులో (Shamshabad Airport) శుక్రవారం ప్రయాణికులు ఆందోళనకు దిగారు. శంషాబాద్ నుంచి ప్రయాగ్ రాజ్ వెళ్లాల్సిన స్పైస్ జెట్ విమానంలో సాంకేతిక సమస్య తలెత్తింది. దీంతో ఉదయం 9 గంటలకు హైదరాబాద్ నుంచి ప్రయాగ్ రాజ్ వెళ్లాల్సిన విమానం నిలిచిపోయింది. దీంతో ప్రయాణికులు తీవ్ర ఆగ్రహం వ్యక్తం చేశారు. ఈ విమానంలో టాలీవుడ్ యంగ్ హీరో విజయ్ దేవరకొండ (Vijay Devarakonda) సహా పలువురు సినీ ప్రముఖులు, ఐఏఎస్, ఐపీఎస్ అధికారులు ఉన్నారు.

కాగా, విజయ్ తన తల్లితో కలిసి యూపీ ప్రయాగ్ రాజ్‌లోని కుంభమేళాకు హాజరయ్యేందుకు బయలుదేరారు. ఇంతలోనే విమానం సాంకేతిక లోపంతో ఎయిర్ పోర్టులోనే చిక్కుకుపోయారు. ఫ్లైట్ ఆలస్యం కావడంపై విజయ్ సహా ప్రయాణికులు అసహనం వ్యక్తం చేశారు. ఏదైనా సమస్య తలెత్తితే ముందస్తు సమాచారం ఇవ్వాలని కనీసం సమాచారం లేకుండా ఇలా గంటల తరబడి వెయిట్ చేయించడం ఏంటని ప్రశ్నిస్తున్నారు. స్పెషల్ ఫ్లైట్ అని చెప్పి ఒక టికెట్‌కి రూ.30,000 తీసుకుంటున్నా ఇంత ఆలస్యం ఏంటని నిలదీస్తున్నారు. సుమారు 5 గంటలకు పైగా విమానాశ్రయంలోనే వేచి ఉండాల్సిన పరిస్థితి నెలకొందని వాపోతున్నారు.