TS New DGP : నూతన డీజీపీ నియామకంపై తెలంగాణ సర్కార్ కసరత్తు, రేసులో ఆ ముగ్గురు!

TS New DGP : తెలంగాణ కొత్త డీజీపీ నియామకంపై ప్రభుత్వం కసరత్తు ప్రారంభించింది. డీజీపీ రేసులో ముగ్గురి పేర్లు ప్రధానంగా వినిపిస్తున్నాయి.

తెలంగాణ డీజీపీ రేసులో ముగ్గురు

TS New DGP : తెలంగాణ నూతన డీజీపీగా పలువురి పేర్లు తెరపైకి వస్తున్నాయి. ప్రస్తుత డీజీపీ మహేందర్ రెడ్డి పదవీ కాలం డిసెంబర్ 31తో ముగియనుంది. కొత్త డీజీపీగా సీనియర్ ఐపీఎస్ రవి గుప్తా రేసులో ముందున్నారు. రవి గుప్తా ప్రస్తుతం హోంశాఖ ముఖ్య కార్యదర్శిగా పనిచేస్తున్నారు. మరో సీనియర్ ఐపీఎస్ అధికారి అంజనీ కుమార్ పేరు కూడా పరిశీలనలో ఉన్నట్లు తెలుస్తోంది. ప్రస్తుతం ఏసీబీ డీజీగా అంజనీ కుమార్ బాధ్యతలు నిర్వహిస్తున్నారు. డీజీ స్థాయి అధికారి గోవింద్ సింగ్ త్వరలో రిటైర్ కాబోతోన్నారు. గోవింద్ సింగ్ స్థానంలో సీవీ ఆనంద్  డీజీగా పదోన్నతి పొందనున్నారు. ఇప్పటికే ప్రభుత్వం డీజీపీ నియామకం కోసం కసరత్తు మొదలుపెట్టినట్లు సమాచారం. ఐదుగురు అధికారుల ప్యానల్ తో యూపీఎస్సీకి ఓ జాబితా పంపినట్లు తెలుస్తోంది. అందులో ముగ్గురి పేర్లను యూపీఎస్సీ రాష్ట్ర ప్రభుత్వానికి సిఫారసు చేయనుంది.  డీజీపీ నియామకంపై ముఖ్యమంత్రి కేసీఆర్ దే తుది నిర్ణయం. సీఎం డీజీపీ పేరు ఫైనల్ చేయగానే అధికారిక ప్రకటన వెలువడనుంది.  తెలంగాణ కొత్త డీజీపీ ఎవ‌రనే విషయంపై జోరుగా చర్చ జరుగుతోంది. హోంశాఖ ముఖ్య కార్యదర్శిగా ఉన్న రవి గుప్తాతో పాటు, మ‌రో ఇద్దరు అధికారుల పేర్లు పరిశీల‌న‌లో ఉన్నట్టు సమాచారం. ఏసీబీ డీజీగా ఉన్న అంజ‌నీకుమార్‌తోపాటు త్వర‌లోనే రిటైర్ కాబోతున్న డీజీ స్థాయి అధికారి గోవింద్ సింగ్ పేర్లు  డీజీపీ రేసులో ఉన్నట్లు తెలుస్తోంది.  

రేసులో ముగ్గురు 

 ప్రస్తుత డీజీపీ మహేందర్ రెడ్డి తర్వాత నూతన డీజీపీగా ఎవరు నియమిస్తారనే దానిపై పోలీసు ఉన్నతాధికారుల్లో ఉత్కంఠ నెలకొంది. డిసెంబరు 31న మహేందర్ రెడ్డి పదవీ విరమణ చేయనున్నారు. ముగ్గురు సీనియర్ ఐపీఎస్ అధికారులు ప్రతిష్టాత్మకమైన పదవి కోసం పోటీపడుతున్నట్లు తెలుస్తోంది. 1989 బ్యాచ్‌కు చెందిన స్పెషల్ ప్రొటెక్షన్ ఫోర్స్ డీజీ ఉమేష్ షరాఫ్ అత్యంత సీనియర్ కానీ ఆయన జులై 2023లో పదవీ విరమణ చేయనున్నారు. యూపీఎస్సీ నిబంధనల ప్రకారం అతని సర్వీస్‌లో కేవలం ఆరు నెలలు మాత్రమే మిగిలి ఉంటుంది.  ఆయనను ఈ పోస్ట్ కు పరిగణించే అవకాశం లేదు. ఉమేష్ షరాఫ్ తర్వాత 1991 బ్యాచ్ అధికారులు అధికారులు ముగ్గురు ఉన్నారు. ఏసీబీ డైరెక్టర్ జనరల్ అంజనీ కుమార్, హోం శాఖ ముఖ్య కార్యదర్శి రవి గుప్తా, సీఐడీ డైరెక్టర్ జనరల్ గోవింద్ సింగ్ డీజీపీ రేస్ లో ఉన్నారు. కానీ గోవింద్ సింగ్ ఈ నెలాఖరులో పదవీ విరమణ చేయనున్నారు. దీంతో ఆయనకు ఈ పదవి లభించే అవకాశం లేదు. 

యూపీఎస్సీకి ఐదుగురి పేర్లు 

1991 బ్యాచ్‌కు చెందిన హైదరాబాద్ సీపీ  సీవీ ఆనంద్, రాజీవ్ రతన్‌లు అదనపు డైరెక్టర్ జనరల్ హోదాలో ఉన్నారు. గోవింద్ సింగ్ పదవీ విరమణతో వీరిద్దరూ డీజీ ర్యాంక్ పదోన్నతి పొందే అవకాశం ఉన్నట్లు తెలుస్తోంది. ఒకరికి క్యాడర్ పోస్ట్, మరొకరికి ఎక్స్ క్యాడర్ పోస్ట్ వచ్చే అవకాశం ఉంది. డిసెంబర్ మొదటి వారంలో వీరి పదోన్నతిపై ప్రకటన వచ్చే అవకాశం ఉంది. యూపీఎస్సీ నిబంధనల ప్రకారం డీజీ ర్యాంక్‌లో ఉన్నా లేదా 30 ఏళ్ల సర్వీసు పూర్తి చేసిన ఐదుగురు ఐపీఎస్ అధికారుల పేర్లను రాష్ట్ర ప్రభుత్వం యూపీఎస్సీకి పంపాల్సి ఉంటుంది. యూపీఎస్సీ ఏర్పాటు చేసిన కమిటీ ప్రభుత్వం పంపిన పేర్లపై చర్చించి ముగ్గురు పేర్లను ఖరారు చేసి డీజీపీగా నియమించాల్సిన అధికారుల్లో ఒకరిని ఎంపిక చేసేందుకు రాష్ట్ర ప్రభుత్వానికి సూచించింది. ఈ విషయాలను పరిగణనలోకి తీసుకున్న రాష్ట్ర ప్రభుత్వం ఉమేష్ షరాఫ్, రవిగుప్తా, అంజనీ కుమార్, రాజీవ్ రథన్, సీవీ ఆనంద్ పేర్లను యూపీఎస్సీకి పంపే అవకాశం ఉందని సమాచారం. డిసెంబర్ చివరి వారంలో యూపీఎస్సీ కమిటీ ముగ్గురు పేర్లను షార్ట్ లిస్ట్ చేసి ప్రభుత్వానికి పంపే అవకాశం ఉంది.  డిసెంబర్ 31న మహేందర్ రెడ్డి పదవీ విరమణ అనంతరం కొత్త డీజీపీని ప్రభుత్వం నియమిస్తుంది. ఐపీఎస్ వర్గాల్లో వినిపిస్తున్న ఊహాగానాల ప్రకారం అంజనీ కుమార్, రవి గుప్తా, సీవీ ఆనంద్, గోవింద్ సింగ్  డీజీపీ పదవికి ముందంజలో ఉన్నారు.