Breaking News Live Telugu Updates: మాజీ మంత్రి యర్రా నారాయణస్వామి కన్నుమూత
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
Background
నిన్న మధ్య చత్తీస్గఢ్ నుంచి ఉన్న ద్రోణి నేడు మరఠ్వాడ నుంచి ఇంటీరియర్ కర్ణాటక మీదుగా దక్షిణ తమిళనాడు వరకూ సగటు సముద్ర మట్టానికి 0.9 కి.మీ ఎత్తు వద్ద కొనసాగుతూ ఉందని హైదరాబాద్లోని వాతావరణ కేంద్రం అధికారులు తెలిపారు.
ఇక ఇప్పటిదాకా అక్కడక్కడ జల్లులు కురవగా.. నేటి నుంచి వాతావరణం తెలంగాణలో పొడిగా ఉండనుందని వాతావరణ అధికారులు తెలిపారు. మార్చి 29 నుంచి రాష్ట్ర వ్యాప్తంగా వాతావరణం పొడిగా ఉండే అవకాశం ఉందని తెలిపారు. మార్చి 31న మాత్రం తెలంగాణలో ఓ మోస్తరు నుంచి అక్కడక్కడ వర్షాలు కురిసే అవకాశం ఉందని తెలిపారు.
హైదరాబాద్ లో ఇలా
‘‘హైదరాబాద్ లో ఆకాశం పాక్షికంగా మేఘాలు పట్టి ఉంటుంది. నగరంలోని వివిధ ప్రాంతాల్లో సాయంత్రం లేదా రాత్రి సమయంలో ఉరుములతో కూడిన మేఘాలు ఏర్పడే అవకాశం ఉంటుంది. గరిష్ఠ, కనిష్ఠ ఉష్ణోగ్రతలు వరుసగా 37 డిగ్రీలు, 24 డిగ్రీలుగా ఉండే అవకాశం ఉంది. ఆగ్నేయ దిశల నుంచి గాలులు గంటకు 6 నుంచి 8 కిలో మీటర్ల వేగంతో వీచే అవకాశం ఉంది’’ అని వెదర్ బులెటిన్ లో పేర్కొ్న్నారు. నిన్న గరిష్ఠ ఉష్ణోగ్రత 36.0 డిగ్రీలు, కనిష్ఠ ఉష్ణోగ్రత 24.0 డిగ్రీలుగా నమోదైంది. గాలిలో తేమ 069 శాతం నమోదైంది.
ఏపీలో వర్షాలు ఇలా
ఏపీలో నేడు ఎక్కడా వర్షాలు పడే అవకాశం లేదని అమరావతిలోని వాతావరణ కేంద్రం అంచనా వేసింది. ఉరుములు, మెరుపులు లాంటి వాతావరణంతో పాటు బలమైన గాలులు దాదాపు 30 నుంచి 40 కిలో మీటర్ల వరకూ వచ్చే అవకాశం ఉంటుందని తెలిపారు. ఉత్తర కోస్తా, యానం, దక్షిణ కోస్తాలోని అన్ని జిల్లాల్లో ఈ రకమైన వాతావరణం ఉంటుందని తెలిపారు. వచ్చే 5 రోజుల పాటు ఇదే రకం వాతావరణ పరిస్థితి ఉంటుందని తెలిపారు.
ఢిల్లీలో వాతావరణం ఇలా..
రానున్న నాలుగైదు రోజుల పాటు దక్షిణ భారతదేశంలో వర్షాలు కురిసే అవకాశం ఉంది. వర్షం కారణంగా ఆంధ్రప్రదేశ్, తెలంగాణ, దక్షిణ అంతర్గత కర్ణాటక, తమిళనాడు, పుదుచ్చేరి, కారైకల్, కేరళ, మహేలలో వాతావరణం మరోసారి ఆహ్లాదకరంగా ఉంటుంది. అయితే, ఢిల్లీ-ఎన్సిఆర్లో బుధవారం (మార్చి 29) ఉష్ణోగ్రత 32 డిగ్రీల సెల్సియస్కు చేరుకునే అవకాశం ఉంది.
వాతావరణ శాఖ ప్రకారం, మండుతున్న వేడి తర్వాత, నెల చివరి రెండు రోజుల్లో (30-31 మార్చి) తాజా రౌండ్ వర్షం ప్రారంభమవుతుంది. ఈ రెండు రోజుల్లో న్యూ ఢిల్లీలో తేలికపాటి వర్షం లేదా చినుకులు పడవచ్చు. మార్చి 30న, న్యూఢిల్లీలో కనిష్ట ఉష్ణోగ్రత 19 మరియు గరిష్ట ఉష్ణోగ్రత 32.0 ఉండవచ్చు. మార్చి 31న కనిష్ట ఉష్ణోగ్రత 18, గరిష్ట ఉష్ణోగ్రత 28గా నమోదయ్యే అవకాశం ఉంది.
ఈ రాష్ట్రాల్లో వర్షాలు కురిసే అవకాశం
ఈరోజు (మార్చి 29) దక్షిణ భారతదేశంలోని పలు రాష్ట్రాల్లో కొన్ని చోట్ల తేలికపాటి వర్షాలు పడే అవకాశం ఉంది. కర్ణాటక, తమిళనాడు, పుదుచ్చేరి, కారైకాల్, కేరళలో వర్షాలు కురిసిన తర్వాత ఉష్ణోగ్రతలు తగ్గుముఖం పట్టనున్నాయి. అదే సమయంలో, ఒడిశా, అస్సాం, మేఘాలయ, నాగాలాండ్, మణిపూర్, మిజోరాం మరియు పశ్చిమ బెంగాల్లోని త్రిపుర, కేరళ, మహేలోని గంగా తీర ప్రాంతాలలో 30 నుండి 40 కి.మీ వేగంతో గాలులు వీచే అవకాశం ఉంది.
ఉత్తర భారతంలో కూడా వర్షాలు పడే అవకాశం
ఉత్తరప్రదేశ్ రాజధాని లక్నోలో ఈరోజు అంటే మార్చి 29న ఉష్ణోగ్రతలో చెప్పుకోదగ్గ మార్పులు ఏమీ ఉండవు. మార్చి 30, 31 తేదీల్లో లక్నోలో ఈదురుగాలులు వీస్తాయని వాతావరణ శాఖ అంచనా వేసింది. దీనితో పాటు గాలులతో పాటు వర్షం కూడా కనిపిస్తుంది. పంజాబ్లోని జలంధర్లోనూ వర్షాలు కొనసాగుతాయి. మార్చి 30 నుంచి ఏప్రిల్ 3 వరకు వర్షం కారణంగా వాతావరణం కాస్త చల్లగా ఉంటుందని అంచనా వేస్తున్నారు.
వైఎస్ జగన్ కు నోటీసుల జారీకి సీజేఐ ఆదేశాలు
వాలంటీర్లకి నెలకి 200 రూపాయలు ఇచ్చి, సాక్షి పేపర్ని కొనిపించడం అధికార దుర్వినియోగం అని ఈనాడు యాజమాన్యం సుప్రీం కోర్టుని ఆశ్రయించింది. సాక్షి ఓనర్ కు, వైఎస్ జగన్మోహన్ రెడ్డికి నోటీసులు ఇవ్వాలని సిజెఐ ఆదేశాలు జారీ చేశారు.
మాజీ మంత్రి యర్రా నారాయణస్వామి కన్నుమూత
ప.గో.జిల్లా:
సీనియర్ నాయకులు, పార్లమెంట్ మాజీ సభ్యులు, మాజీ మంత్రి యర్రా నారాయణస్వామి భీమవరం ఆసుపత్రిలో చికిత్స పొందుతూ కన్నుమూశారు..
అయన భౌతిక కాయాన్ని మరికొద్ది సేపట్లో ఆయన స్వగ్రామమైన ఉండి మండలం ఉప్పులూరుకు తరలించనున్నారు..
టాప్ హెడ్ లైన్స్
ట్రెండింగ్ వార్తలు
