Xiaomi 13 Pro: ఐఫోన్ 14 ప్రోకు పోటీగా షావోమీ 13 ప్రో - అదుర్స్ అనిపించే కెమెరాతో!
షావోమీ 13 ప్రో స్మార్ట్ ఫోన్ లాంచ్ అయింది.
Xiaomi 13 Pro: షావోమీ 13 సిరీస్ ఫోన్లు మనదేశంలో లాంచ్ అయ్యాయి. వీటిలో అందరి దృష్టిని ఆకర్షించింది షావోమీ 13 ప్రోనే. ఇందులో ఏకంగా ఒక అంగుళం సైజులో ఉన్న 50 మెగాపిక్సెల్ కెమెరాను అందించారు. దీని ధర ఏకంగా ఐఫోన్ 14 ప్రో రేంజ్‌లో ఉంది. ఆ మోడల్‌కు పోటీగానే షావోమీ ఈ మొబైల్‌ను లాంచ్ చేసింది. మరి షావోమీ 13 ప్రో, ఐఫోన్ 14 ప్రోను ఢీకొట్టగలదా?
షావోమీ 13 ప్రో ధర
దీని ధర యూరోప్‌లో 1,299 యూరోల నుంచి ప్రారంభం కానుంది. అంటే మనదేశ కరెన్సీలో సుమారు రూ.1.13 లక్షల పైమాటే. సెరామిక్ బ్లాక్, వైట్ రంగుల్లో ఈ ఫోన్ మార్కెట్లో లాంచ్ అయింది. అయితే మనదేశంలో ఈ ఫోన్ ధర రూ. లక్ష లోపే ఉండవచ్చు. ఫిబ్రవరి 28వ తేదీన ఈ ఫోన్ ధరను మనదేశంలో ఎంతగా నిర్ణయించారో తెలపనున్నారు.
షావోమీ 13 ప్రో స్పెసిఫికేషన్లు, ఫీచర్లు
క్వాల్‌కాం స్నాప్‌డ్రాగన్ 8 జెన్ 2 ప్రాసెసర్‌పై ఈ ఫోన్ పని చేయనుంది. ఇందులో 4820 ఎంఏహెచ్ బ్యాటరీని అందించనున్నారు. వైర్డ్, వైర్‌లెస్ ఛార్జింగ్‌ను షావోమీ 13 ప్రో సపోర్ట్ చేయనుంది. 120W వైర్డ్ ఫాస్ట్ ఛార్జింగ్, 50W వైర్‌లెస్ ఫాస్ట్ ఛార్జింగ్‌ను సపోర్ట్ ఫీచర్‌ను ఈ ఫోన్‌లో అందించారు.
ఇక కెమెరాల విషయానికి వస్తే... లెయికా బ్రాండెడ్ కెమెరాలు ఈ ఫోన్‌లో ఉన్నాయి. ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. దీంతో పాటు 50 మెగాపిక్సెల్ ఫ్లోటింగ్ టెలిఫొటో సెన్సార్, 50 మెగాపిక్సెల్ వైడ్ యాంగిల్ సెన్సార్లు కూడా అందించారు. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరా అందించారు.
ఎంఐయూఐ 14 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.73 అంగుళాల ఓఎల్ఈడీ 2కే డిస్‌ప్లేను అందించారు. డాల్బీ విజన్, హెచ్‌డీఆర్10+ ఫీచర్లు ఈ ఫోన్‌లో ఉన్నాయి. 12 జీబీ వరకు ఎల్పీడీడీఆర్5ఎక్స్ ర్యామ్, 512 జీబీ యూఎఫ్ఎస్ 4.0 ఇన్‌బిల్ట్ స్టోరేజ్‌ను కూడా అందించారు. 5జీ, వైఫై 6, బ్లూటూత్ వీ5.3, ఎన్ఎఫ్‌సీ, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఈ ఫోన్‌లో అందుబాటులో ఉన్నాయి.
దీనికి పోటీనిచ్చే వివో ఎక్స్90 ప్రో ప్లస్ విషయానికి వస్తే... ఆండ్రాయిడ్ 13 ఆధారిత ఆరిజిన్ ఓఎస్ 3 ఆపరేటింగ్ సిస్టంతో ఈ మొబైల్ లాంచ్ అయింది. ఈ మొబైల్‌లో 6.78 అంగుళాల 2కే ఈ6 అమోఎల్ఈడీ డిస్‌ప్లేను అందించారు. దీని డిస్‌ప్లే యాస్పెక్ట్ రేషియో 20:9 కాగా, స్క్రీన్ రిఫ్రెష్ రేట్ 120 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 8 జెన్ 2 ప్రాసెసర్‌పై వివో ఎక్స్90 ప్రో ప్లస్ పనిచేయనుంది. 12 జీబీ వరకు ఎల్పీడీడీఆర్5 ర్యామ్, 512 జీబీ యూఎఫ్ఎస్ 4.0 స్టోరేజ్ ఈ ఫోన్‌లో అందించారు.
ఇక కెమెరాల విషయానికి వస్తే... వివో ఎక్స్90 ప్రోలో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరాగా 50 మెగాపిక్సెల్ జీస్ వన్ ఇంచ్ సెన్సార్‌ను అందించారు. దీని వెడల్పు ఒక అంగుళం ఉండనుందన్న మాట. దీంతో పాటు 48 మెగాపిక్సెల్ అల్ట్రా వైడ్ యాంగిల్ లెన్స్, 50 మెగాపిక్సెల్ పొర్‌ట్రెయిట్ సెన్సార్, 64 మెగాపిక్సెల్ టెలిఫొటో లెన్స్ కూడా అందుబాటులో ఉన్నాయి. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరా అందించారు.
టాప్ హెడ్ లైన్స్
ట్రెండింగ్ వార్తలు
