Vivo Y72 5G: ఈ వివో 5జీ ఫోన్‌పై భారీ తగ్గింపు.. ఇప్పుడు రూ.20 వేలలోపే!

ప్రముఖ స్మార్ట్ ఫోన్ బ్రాండ్ వివో తన వై72 5జీ స్మార్ట్ ఫోన్‌పై భారీ తగ్గింపు అందించింది.

వివో వై72 5జీ ధరను తగ్గించారు.

వివో వై72 5జీ స్మార్ట్ ఫోన్ మనదేశంలో గతేడాది లాంచ్ అయింది. వివో వై-సిరీస్‌లో మొదటి 5జీ ఫోన్ ఇదే. ఇప్పుడు ఈ స్మార్ట్ ఫోన్ ధరను కంపెనీ తగ్గించింది. ఇందులో క్వాల్‌కాం స్నాప్‌డ్రాగన్ 480 ప్రాసెసర్‌ను అందించారు. 5000 ఎంఏహెచ్ బ్యాటరీ కూడా ఇందులో ఉంది.

వివో వై72 5జీ ధర
ఈ ఫోన్ ఒక్క వేరియంట్‌లో మాత్రమే లాంచ్ అయింది. 8 జీబీ ర్యామ్ + 128 జీబీ స్టోరేజ్ ఉన్న ఈ వేరియంట్ రూ.20,999 ధరతో మార్కెట్లోకి వచ్చింది. ఇప్పుడు దీని రేటు రూ.1,000 మేర తగ్గింది. అంటే రూ.19,999కే ఈ ఫోన్ కొనుగోలు చేయవచ్చన్న మాట.

వివో వై72 5జీ స్పెసిఫికేషన్లు
ఈ స్మార్ట్ ఫోన్‌లో 6.58 అంగుళాల ఫుల్ హెచ్‌డీ+ ఐపీఎస్ ఎల్సీడీ డిస్ ప్లేను అందించారు. స్క్రీన్ యాస్పెక్ట్ రేషియో 20:9గా ఉంది. 90 హెర్ట్జ్ స్క్రీన్ రిఫ్రెష్ రేట్ ఫీచర్ కూడా ఇందులో వివో అందించింది.. క్వాల్‌కాం స్నాప్‌డ్రాగన్ 480 ప్రాసెసర్‌పై వివో వై72 5జీ పనిచేయనుంది.

ఈ స్మార్ట్ ఫోన్‌లో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్‌గా ఉంది. దీంతోపాటు 2 మెగాపిక్సెల్ మాక్రో షూటర్ అందించారు. ముందువైపు 16 మెగాపిక్సెల్ సెన్సార్ అందుబాటులో ఉంది.  బ్లూటూత్ 5.1, యూఎస్‌బీ టైప్-సీ, 3.5 ఎంఎం హెడ్ ఫోన్ జాక్, 5జీ, 4జీ ఎల్టీఈ, డ్యూయల్ బ్యాండ్ వైఫై వంటి కనెక్టివిటీ ఫీచర్లు ఇందులో ఉన్నాయి. 

8 జీబీ ర్యామ్, 128 జీబీ స్టోరేజ్ ఇందులో ఉన్నాయి. వివో వై72 5జీ ఆండ్రాయిడ్ 11 ఆధారిత ఫన్ టచ్ఓఎస్ 11.1 ఆపరేటింగ్ సిస్టంపై పనిచేయనుంది. ఈ స్మార్ట్ ఫోన్‌లో 5000 ఎంఏహెచ్ బ్యాటరీని అందించారు. 18W ఫాస్ట్ చార్జింగ్‌ను ఇది సపోర్ట్ చేయనుంది. 

ఫింగర్ ప్రింట్ సెన్సార్ ఫోన్ పక్కభాగంలో ఉంది.  యాక్సెలరో మీటర్, యాంబియంట్ లైట్ సెన్సార్, ఎలక్ట్రానిక్ కంపాస్, గైరోస్కోప్, ప్రాక్సిమిటీ సెన్సార్లు ఇందులో అందించారు. ఈ స్మార్ట్ ఫోన్ మందం 0.84 సెంటీమీటర్లుగానూ, బరువు 185.5 గ్రాములుగానూ ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి