Vivo V23 Pro 5G: వివో కొత్త 5జీ ఫోన్ సేల్.. వి-సిరీస్‌లో బెస్ట్ ఫోన్, బెస్ట్ కెమెరాలు కూడా.. పండగ డిస్కౌంట్ కూడా!

వివో మనదేశంలో ఇటీవలే వీ23 సిరీస్‌ను లాంచ్ చేసిన సంగతి తెలిసిందే. వీటిలో వీ23 ప్రో 5జీ సేల్ మనదేశంలో నేటి నుంచి ప్రారంభం అయింది.

వివో వీ23 ప్రో స్మార్ట్ ఫోన్ సేల్ మనదేశంలో ప్రారంభం అయింది.

వివో వీ23 ప్రో 5జీ స్మార్ట్ ఫోన్ సేల్ మనదేశంలో ప్రారంభం అయింది. ఇందులో మీడియాటెక్ డైమెన్సిటీ 1200 ప్రాసెసర్‌ను అందించారు. 108 మెగాపిక్సెల్ కెమెరా కూడా ఇందులో ఉంది. దీంతోపాటు ముందువైపు 50  మెగాపిక్సెల్ కెమెరాను ఇందులో అందించారు.

వివో వీ23 ప్రో 5జీ ధర
ఇందులో రెండు వేరియంట్లు లాంచ్ అయ్యాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.38,990గా ఉంది. ఇక హైఎండ్ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.43,990గా నిర్ణయించారు. హెచ్‌డీఎఫ్‌సీ కార్డుల ద్వారా కొనుగోలు చేస్తే రూ.3,000 వరకు తగ్గింపు లభించనుంది.

వివో వీ23 ప్రో 5జీ స్పెసిఫికేషన్లు
ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.56 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. మీడియాటెక్ డైమెన్సిటీ 1200 ప్రాసెసర్‌పై వివో వీ23 ప్రో 5జీ పనిచేయనుంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి.

ఇక కెమెరాల విషయానికి వస్తే.. వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 108 మెగాపిక్సెల్‌గా ఉంది. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో సెన్సార్ కూడా అందించారు. ఇక సెల్పీలు, వీడియో కాల్స్ కోసం ముందువైపు 50 మెగాపిక్సెల్, 8 మెగాపిక్సెల్ కెమెరాలు అందుబాటులో ఉన్నాయి. దీని బ్యాటరీ సామర్థ్యం 4300 ఎంఏహెచ్‌గా ఉంది. ఇది 44W ఫాస్ట్ చార్జింగ్‌ను సపోర్ట్ చేయనుంది. ఈ స్మార్ట్ ఫోన్ బరువు 171 గ్రాములుగానూ ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి