స్మార్ట్ ఫోన్లే కాదు టీవీలు కూడా పేలతాయి - ఈ జాగ్రత్తలు తప్పనిసరి!
ఉత్తరప్రదేశ్లో స్మార్ట్ టీవీ పేలి బాలుడు మృతి చెందాడు. స్మార్ట్ టీవీ పేలడానికి కారణాలు ఇవే!
ఉత్తరప్రదేశ్లోని ఘజియాబాద్లో ఎల్సీడీ టీవీ పేలి 16 ఏళ్ల బాలుడు మృతి చెందాడు. గోడకు అమర్చిన ఎల్సీడీ టీవీ పేలడంతో గదిలో ఉన్న మరో ఇద్దరికి గాయాలయ్యాయి. టీవీ పేలుడు సంభవించినప్పుడు 16 ఏళ్ల బాలుడు ఒమేంద్ర హర్ష్ విహార్ కాలనీలోని తన స్నేహితుడి వద్ద ఉన్నాడు. ముగ్గురిని వెంటనే ఢిల్లీలోని జీటీబీ ఆసుపత్రికి తరలించగా, ఒమేంద్ర చనిపోయినట్లు వైద్యులు ప్రకటించారు. మిగిలిన ఇద్దరు ప్రస్తుతం చికిత్స పొందుతున్నారు. ప్రస్తుతం ఈ సంఘటనపై పోలీసు శాఖ దర్యాప్తు చేస్తోంది. టీవీ అత్యంత సాధారణ గృహోపకరణాలలో ఒకటి. సంప్రదాయ బాక్సీ టీవీల స్థానంలో సన్నని వాల్-మౌంటెడ్ LCD/LED టీవీలు వచ్చాయి. ఉత్తరప్రదేశ్లో టీవీ పేలుడు కారణంగా టీవీలు సురక్షితంగా ఉన్నాయా? ఈ పరికరాలు పేలడానికి కారణమేమిటి?
వోల్టేజ్లో ఆకస్మిక పెరుగుదల
మన దేశంలో టీవీ పేలుడు సంభవించడానికి ప్రధాన కారణాలలో ఒకటి పవర్ సర్జ్ లేదా వోల్టేజ్లో ఆకస్మిక పెరుగుదల. పవర్ సర్జ్కు అనేక కారణాలు ఉండవచ్చు. ఇది వినియోగదారుడు అంత సులభంగా నియంత్రించలేని విషయం. విద్యుత్ పెరుగుదల నుంచి వినియోగదారుడిని సురక్షితంగా ఉంచడానికి, తయారీదారులు పరికరానికి అనేక భాగాలను జోడిస్తారు. తద్వారా ఇది ఆకస్మిక వోల్టేజ్ పెరుగుదలను తట్టుకోగలదు. అయితే అవి కూడా కొన్నిసార్లు విఫలమవుతాయి.
అతిగా వేడెక్కడం
ఎలక్ట్రికల్ ఉపకరణాలు చాలా వరకు అధిక ఉష్ణోగ్రతల కారణంగా కాలిపోతాయి లేదా పేలుడుకు గురవుతాయి. ఎక్కువసేపు ఉపయోగించినప్పుడు లేదా చాలా పరికరాలు దానికి కనెక్ట్ చేయబడినప్పుడు టీవీ సులభంగా వేడెక్కుతుంది. ఈ వేడి ఎక్కువైతే పేలుతుంది కూడా.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
View this post on Instagram
View this post on Instagram
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
