Apple New CEO : టిమ్ కుక్ తర్వాత జాన్ టెర్నస్.. యాపిల్ సీఈఓ శాలరీ ఎంత ఉంటుందో తెలుసా?
Apple New CEO John Ternus : పదిహేనేళ్ల తర్వాత యాపిల్ సీఈఓ పదవి నుంచి టిమ్ కుక్ వైదొలగనున్నారు. జాన్ టెర్నస్ కొత్త చీఫ్ ఎగ్జిక్యూటివ్గా నియమితులయ్యారు. మరి అతని నెట్ వర్త్ ఎంతో చూసేద్దాం.
- టిమ్ కుక్ సెప్టెంబర్ 1 నుండి ఆపిల్ సీఈఓ పదవి నుంచి వైదొలగుతారు.
- హార్డ్వేర్ ఇంజనీరింగ్ సీనియర్ VP జాన్ టెర్నస్ కొత్త సీఈఓగా బాధ్యతలు స్వీకరిస్తారు.
- టిమ్ కుక్ ఎగ్జిక్యూటివ్ చైర్మన్గా కొనసాగుతారు, నాయకత్వ మార్పుకు సహకరిస్తారు.
- కమ్యూనికేషన్ మరియు నాయకత్వంలో కుక్ 15 ఏళ్లలో ఆపిల్ను అభివృద్ధి చేశారు.
Apple New CEO Name : ఆపిల్ సీఈఓ టిమ్ కుక్ 15 ఏళ్ల తర్వాత సెప్టెంబర్ 1న పదవి నుంచి వైదొలగనుండగా.. జాన్ టెర్నస్ సీఈఓగా ఆ బాధ్యతలను చేపట్టనున్నారు. దీంతో ఈ టెక్నాలజీ దిగ్గజానికి సారథ్యం వహించిన టిమ్ కుక్ 15 ఏళ్ల పదవీకాలం ముగియనుంది. సెప్టెంబర్ 1న చీఫ్ ఎగ్జిక్యూటివ్ పదవి నుంచి వైదొలిగిన అనంతరం కుక్ ఆపిల్ బోర్డు ఎగ్జిక్యూటివ్ ఛైర్మన్ పదవిలోకి మారనున్నారని కంపెనీ వెల్లడించింది.
హార్డ్వేర్ ఇంజనీరింగ్ విభాగంలో సీనియర్ వైస్ ప్రెసిడెంట్గా చేస్తోన్న జాన్ టర్నెస్ కొత్త సీఈఓగా బాధ్యతలు చేపట్టడానికి మార్గం సుగమం అయింది. 2001లో యాపిల్లో చేరిన టర్నెస్కు సుదీర్ఘ అనుభవం ఉంది. మొత్తానికి ఆయన ఆపిల్లో దాదాపు 25 సంవత్సరాలుగా పనిచేస్తున్నారు. యాపిల్కు సంబంధించిన అనేక ప్రధాన ఉత్పత్తుల రూపకల్పనలో కీలక పాత్ర పోషించారు.
ఆరోగ్య కారణాల వల్ల సహ వ్యవస్థాపకుడు స్టీవ్ జాబ్స్ రాజీనామా చేసిన తర్వాత 2011లో ఆయన స్థానంలో బాధ్యతలు చేపట్టిన కుక్.. వేసవి కాలం మొత్తం సీఈఓ పదవిలో కొనసాగుతారు. ఈ కాలంలో నాయకత్వ మార్పు సజావుగా జరిగేలా చూసేందుకు ఆయన టెర్నస్తో కలిసి పనిచేస్తారు. పదవి నుంచి వైదొలిగిన తర్వాత కూడా.. ప్రపంచవ్యాప్తంగా విధాన నిర్ణేతలతో సంప్రదించడంతో సహా.. కుక్ కంపెనీకి తన సహకారాన్ని కొనసాగిస్తారని భావిస్తున్నారు.
కుక్ నాయకత్వంలో, ఆపిల్ అనేక చారిత్రాత్మక మైలురాళ్లను చేరుకుంది. 2018లో 1 ట్రిలియన్ డాలర్ల (740 బిలియన్ పౌండ్ల) మార్కెట్ విలువను సాధించిన మొట్టమొదటి పబ్లిక్ లిస్టెడ్ కంపెనీగా అవతరించింది. ప్రస్తుతం ఈ కంపెనీ విలువ 4 ట్రిలియన్ డాలర్లుగా ఉంది.
టిమ్ కుక్ శాలరీ..
2023లో టిమ్ కుక్ కంపెనీ నుంచి $63.2 మిలియన్లు (భారత కరెన్సీలో 544 కోట్లు) అందుకున్నారు. 18 శాతం పెరుగుదలతో.. 2024లో ఆ మొత్తం $74.6 మిలియన్లకు (భారత కరెన్సీలో 643 కోట్లు) చేరుతుంది. అంటే ఒక సంవత్సరంలో టిమ్ కుక్ జీతం 99 కోట్లు పెరిగింది. టిమ్ కుక్ ఆపిల్ నుంచి 3 మిలియన్ డాలర్ల ప్రాథమిక జీతం అందుకున్నారు. ఆయనకు 58 మిలియన్ డాలర్ల స్టాక్ అవార్డులు లభించాయి. బోనస్ల రూపంలో ఆయనకు 12 మిలియన్ డాలర్లు అందాయి.
దీనికి అదనంగా టిమ్ కుక్ పదవీ విరమణ ప్రయోజనాలు, బీమా, సెలవులు, భద్రత, విమాన ప్రయాణ ఖర్చుల కోసం మరో 1.5 మిలియన్ డాలర్లు అందుకున్నారు. వ్యాపార లేదా వ్యక్తిగత ప్రయాణాలకైనా, టిమ్ ప్రైవేట్ జెట్లో ప్రయాణిస్తారు.
జాన్ టెర్నస్ శాలరీ..
జాన్ టెర్నస్ నెట్వర్త్ గురించి ఇప్పటివరకు ఎలాంటి పబ్లిక్ డేటా లేదు. అయితే ఆపిల్ టాప్ ఎగ్జిక్యూటివ్గా ఆయనకు భారీ స్థాయిలో మంచి శాలరీ వస్తుంది. బోనస్, స్టాక్ ఆప్షన్స్ కూడా ఉంటాయి. ఆపిల్ సీనియర్ ఎగ్జిక్యూటివ్లకు వార్షిక జీతం కోట్లలో ఉంటుంది. స్టాక్ బెనిఫిట్స్తో పాటు పనికి తగిన బోనస్లు ఉంటాయి.
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
