Tecno Spark 8C Amazon Sale: టెక్నో కొత్త ఫోన్ సేల్ ప్రారంభం - 6 జీబీ ర్యామ్ ఫోన్ రూ.8 వేలలోపే!

ప్రముఖ స్మార్ట్ ఫోన్ బ్రాండ్ టెక్నో కొత్త ఫోన్ టెక్నో స్పార్క్ 8సీ సేల్ మనదేశంలో ప్రారంభం అయింది. దీని ధరను రూ.7,499గా నిర్ణయించారు.

టెక్నో స్పార్క్ 8సీ స్మార్ట్ ఫోన్ సేల్ మనదేశంలో ప్రారంభం అయింది. (Image Courtesy: Tecno)

టెక్నో స్పార్క్ 8సీ స్మార్ట్ ఫోన్ సేల్ మనదేశంలో ప్రారంభం అయింది. ఈ స్మార్ట్ ఫోన్ బ్యాటరీ సామర్థ్యం 5000 ఎంఏహెచ్‌గా ఉంది. గతంలో మనదేశంలో లాంచ్ అయిన టెక్నో స్పార్క్ 8కు తర్వాతి వెర్షన్‌గా లాంచ్ అయింది. కంపెనీ ఇందులో 6 జీబీ ర్యామ్ ఉంది అని ప్రకటించింది. అయితే ఫిజికల్‌గా కేవలం 3 జీబీ ర్యామ్ మాత్రమే అందుబాటులో ఉంది. మరో 3 జీబీ ర్యామ్ వర్చువల్‌గా ఉండనుంది. అంటే మీ ఫోన్ స్టోరేజ్ నుంచి ఒక 3 జీబీని ర్యామ్‌గా ఉపయోగించుకునే అవకాశం ఉందన్న మాట.

టెక్నో స్పార్క్ 8సీ ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 3 జీబీ ర్యామ్ + 64 జీబీ స్టోరేజ్‌తో వచ్చిన ఈ వేరియంట్ ధరను రూ.7,499గా నిర్ణయించారు. డైమండ్ గ్రే, ఐరిస్ పర్పుల్, మ్యాగ్నెట్ బ్లాక్, టర్కోయిస్ సియాన్ రంగుల్లో ఈ ఫోన్ కొనుగోలు చేయవచ్చు. అమెజాన్‌లో ఈ ఫోన్ కొనుగోలు చేయవచ్చు.

టెక్నో స్పార్క్ 8సీ స్పెసిఫికేషన్లు
ఆండ్రాయిడ్ 11 ఆధారిత హైఓఎస్ 7.6 ఆపరేటింగ్ సిస్టం‌పై ఈ ఫోన్ పనిచేయనుంది. ఇందులో 6.6 అంగుళాల హెచ్‌డీ+ డాట్ నాచ్ డిస్‌ప్లేను అందించారు. ఆక్టాకోర్ యూనిసోక్ టీ606 ప్రాసెసర్‌పై ఈ ఫోన్ పనిచేయనుంది. దీని స్క్రీన్ రిఫ్రెష్ రేట్ 90 హెర్ట్జ్‌గానూ, టచ్ శాంప్లింగ్ రేట్ 180 హెర్ట్జ్‌గానూ ఉంది.

3 జీబీ వరకు ర్యామ్, 64 జీబీ వరకు స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 256 జీబీ వరకు పెంచుకోవచ్చు. ఫోన్‌లో ఖాళీగా ఉన్న స్టోరేజ్ నుంచి 3 జీబీని వర్చువల్‌ ర్యామ్‌గా వాడుకోవచ్చు. ఆక్టాకోర్ యూనిసోక్ టీ606 ప్రాసెసర్‌పై ఈ ఫోన్ పనిచేయనుంది. దీని బ్యాటరీ సామర్థ్యం 5000 ఎంఏహెచ్‌గా ఉండనుంది.

ఇక కెమెరాల విషయానికి వస్తే... ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా... దీంతోపాటు మరో ఏఐ లెన్స్ కూడా ఉండనుంది. ఇక సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందించారు.

4జీ ఎల్టీఈ, 4జీ వోల్టే, వైఫై, బ్లూటూత్, ఎఫ్ఎం రేడియో, జీపీఎస్/ఏ-జీపీఎస్, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు కూడా అందించారు. ఫింగర్ ప్రింట్ సెన్సార్‌తో పాటు ఫేస్ అన్‌లాక్ ఫీచర్ కూడా ఇందులో అందించారు. ఇందులో ఐపీఎక్స్2 స్ప్లాష్ రెసిస్టెంట్ ఫీచర్ కూడా అందించారు.