(Source: ECI/ABP News/ABP Majha)
Realme GT 2 Series Launch: రియల్‌మీ బెస్ట్ ఫోన్లు వచ్చేశాయ్ - వేగవంతమైన ప్రాసెసర్లు, సూపర్ కెమెరాలు - ధర ఎంతంటే?
ప్రముఖ స్మార్ట్ ఫోన్ బ్రాండ్ రియల్‌మీ తన జీటీ 2 సిరీస్ స్మార్ట్ ఫోన్లను లాంచ్ చేసింది. ఇవే రియల్‌మీ జీటీ 2, జీటీ 2 ప్రో.
Realme GT 2 Series Launched: రియల్‌మీ జీటీ 2 (Realme GT 2), జీటీ 2 ప్రో (Realme GT 2 Pro) స్మార్ట్ ఫోన్లు లాంచ్ అయ్యాయి. ఈ రెండు ఫోన్లూ చైనాలో గత నెలలోనే లాంచ్ అయ్యాయి. బయో బేస్డ్ డిజైన్‌తో వీటిని రూపొందించారు. పేపర్ తరహా టెక్స్చర్‌ను ఇందులో అందించారు. తయారీ ప్రక్రియలో కార్బన్ ఉద్గారాలను ఇది తగ్గిస్తుంది. ఎల్టీపీవో 2.0 ఫీచర్ ఉన్న సూపర్ రియాలిటీ డిస్‌ప్లేను ఇందులో అందించారు.
రియల్‌మీ జీటీ 2 ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర 449 యూరోలుగా (సుమారు రూ.37,800) నిర్ణయించారు. ఇక 12 జీబీ ర్యామ్ + 256 జీబీ స్టోరేజ్ వేరియంట్ ధర 599 యూరోలుగా (సుమారు రూ.50,500) ఉంది.
రియల్‌మీ జీటీ 2 ప్రో ధర
ఇందులో కూడా రెండు వేరియంట్లే లాంచ్ అయ్యాయి. వీటిలో 8 జీబీ ర్యామ్ + 128 జీబీ స్టోరేజ్ వేరియంట్ ధర 749 యూరోలుగా (సుమారు రూ.63,100) నిర్ణయించారు. ఇక 12 జీబీ ర్యామ్ + 256 జీబీ స్టోరేజ్ వేరియంట్ ధర 849.99 యూరోలుగా (సుమారు రూ.71,600) ఉంది. ఈ రెండు ఫోన్లనూ పేపర్ గ్రీన్, పేపర్ వైట్, స్టీల్ బ్లాక్ రంగుల్లో ఈ సిరీస్ ఫోన్లు కొనుగోలు చేయవచ్చు.
ఇండియా, మిడిల్ ఈస్ట్, సౌత్ ఈస్ట్ ఆసియా, లాటిన్ అమెరికాల్లో ఈ ఫోన్లు త్వరలో లాంచ్ కానున్నాయి. ఈ విషయాన్ని కంపెనీ అధికారికంగా ప్రకటించింది.
రియల్‌మీ జీటీ 2 స్పెసిఫికేషన్లు
ఆండ్రాయిడ్ 12 ఆధారిత రియల్‌మీ యూఐ 3.0 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.62 అంగుళాల ఫుల్ హెచ్‌డీ+ ఈ4 అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి.
దీని బ్యాటరీ సామర్థ్యం 5000 ఎంఏహెచ్‌గా ఉంది. 65W సూపర్‌డార్ట్ ఫాస్ట్ చార్జింగ్‌ను ఇది సపోర్ట్ చేయనుంది. ఆక్టాకోర్ క్వాల్‌కాం స్నాప్‌డ్రాగన్ 888 ప్రాసెసర్‌పై ఈ ఫోన్ పని చేయనుంది. ఇన్‌డిస్‌ప్లే ఫింగర్ ప్రింట్ సెన్సార్‌ను ఇందులో అందించారు.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ షూటర్, 2 మెగాపిక్సెల్ మాక్రో షూటర్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.
5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. దీని మందం 0.86 సెంటీమీటర్లుగానూ, బరువు 194.5 గ్రాములుగానూ ఉంది.
రియల్‌మీ జీటీ 2 ప్రో స్పెసిఫికేషన్లు
ఆండ్రాయిడ్ 12 ఆధారిత రియల్‌మీ యూఐ 3.0 ఆపరేటింగ్ సిస్టంపై ఈ ఫోన్ కూడా పనిచేయనుంది. ఇందులో 6.7 అంగుళాల 2కే ఎల్టీపీవో అమోఎల్ఈడీ 10-బిట్ సూపర్ రియాలిటీ డిస్‌ప్లేను అందించారు. 120 హెర్ట్జ్ అడాప్టివ్ రిఫ్రెష్ రేట్, కార్నింగ్ గొరిల్లా గ్లాస్ విక్టస్ ప్రొటెక్షన్ వంటి ఫీచర్లు కూడా ఇందులో ఉన్నాయి. 12 జీబీ వరకు ర్యామ్, 256 జీబీ వరకు స్టోరేజ్‌ను వీటిలో కూడా అందించారు. క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌పై ఈ ఫోన్ పనిచేయనుంది.
ఈ స్మార్ట్ ఫోన్‌లో వెనకవైపు మూడు కెమెరాలు అందించారు. వీటిలో ప్రధాన కెమెరాగా 50 మెగాపిక్సెల్ సోనీ ఐఎంఎక్స్766 సెన్సార్‌ను అందించగా... దీంతోపాటు 50 మెగాపిక్సెల్ అల్ట్రా వైడ్ యాంగిల్ షూటర్, 2 మెగాపిక్సెల్ మాక్రో షూటర్ కూడా ఉన్నాయి. ముందువైపు 32 మెగాపిక్సెల్ సెల్ఫీ కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్ కాగా... 65W సూపర్‌డార్ట్ చార్జ్‌ను ఇది సపోర్ట్ చేయనుంది. 33 నిమిషాల్లోనే ఈ ఫోన్ పూర్తిగా చార్జ్ కానుందని తెలుస్తోంది. దీని మందం 0.82 సెంటీమీటర్లు కాగా... బరువు 189 గ్రాములుగా ఉంది.
Also Read: శాంసంగ్ గెలాక్సీ ఎస్22 సిరీస్ ప్రీ-ఆర్డర్లు ప్రారంభం, కేవలం రూ.1,999కే!
Also Read: రూ.13 వేలలోనే రియల్‌మీ కొత్త ఫోన్, 50 మెగాపిక్సెల్ కెమెరా వంటి ఫీచర్లు!
టాప్ హెడ్ లైన్స్
ట్రెండింగ్ వార్తలు
