Moto G71 5G Sale: మోటొరోలా కొత్త 5జీ ఫోన్ సేల్ ప్రారంభం.. అదిరిపోయే ఫీచర్లు.. రూ.19 వేలలోపే!
మోటొరోలా కొత్త స్మార్ట్ ఫోన్ మోటో జీ71 5జీ స్మార్ట్ ఫోన్ సేల్ మనదేశంలో ప్రారంభం అయింది.
మోటొరోలా జీ71 5జీ స్మార్ట్ ఫోన్ సేల్ మనదేశంలో ప్రారంభం అయింది. క్వాల్కాం స్నాప్డ్రాగన్ 695 ప్రాసెసర్పై ఈ ఫోన్ పనిచేయనుంది. ఇందులో హోల్ పంచ్ డిజైన్ తరహా డిస్ప్లేను అందించారు. ఫోన్ వెనకవైపు మూడు కెమెరాలు అందుబాటులో ఉన్నాయి. 33W ఫాస్ట్ చార్జింగ్ను ఈ స్మార్ట్ ఫోన్ సపోర్ట్ చేయనుంది.
మోటో జీ71 5జీ ధర
ఇందులో ఒక్క వేరియంట్ మాత్రమే లాంచ్ అయింది. 6 జీబీ ర్యామ్ + 128 జీబీ స్టోరేజ్ ఉన్న ఈ వేరియంట్ ధర రూ.18,999గా ఉంది. ఆర్కిటిక్ బ్లూ, నెఫ్ట్యూన్ గ్రీన్ రంగుల్లో ఈ ఫోన్ అందుబాటులోకి వచ్చింది. ఫ్లిప్కార్ట్లో ఈ ఫోన్ కొనుగోలు చేయవచ్చు. మధ్యాహ్నం 12 గంటలకు దీని సేల్ ప్రారంభం అయింది. అయితే ప్రస్తుతం ఫ్లిప్కార్ట్లో అవుట్ ఆఫ్ స్టాక్ చూపిస్తుంది. త్వరలో అందుబాటులోకి వచ్చే అవకాశం ఉంది.
మోటో జీ71 5జీ స్పెసిఫికేషన్లు
ఈ స్మార్ట్ ఫోన్లో 6.4 అంగుళాల ఫుల్ హెచ్డీ+ మ్యాక్స్ విజన్ అమోఎల్ఈడీ డిస్ప్లేను అందించారు. డిస్ప్లే యాస్పెక్ట్ రేషియో 20:9గానూ, స్క్రీన్ రిఫ్రెష్ రేట్ 60 హెర్ట్జ్గానూ ఉంది. ఆక్టాకోర్ క్వాల్కాం స్నాప్డ్రాగన్ 695 ప్రాసెసర్పై మోటో జీ71 5జీ పనిచేయనుంది. 6 జీబీ ర్యామ్, 128 జీబీ స్టోరేజ్ను కూడా ఇందులో అందించారు.
మోటో జీ71 5జీ బ్యాటరీ సామర్థ్యం 5000 ఎంఏహెచ్గా ఉంది. 33W ఫాస్ట్ చార్జింగ్ను ఈ ఫోన్ సపోర్ట్ చేయనుంది. ఆండ్రాయిడ్ 11 ఆధారిత మై యూఎక్స్ ఆపరేటింగ్ సిస్టంపై మోటో జీ71 5జీ పనిచేయనుంది. ఈ స్మార్ట్ ఫోన్ మందం 0.85 సెంటీమీటర్లు కాగా, బరువు 179 గ్రాములుగా ఉంది.
ఈ స్మార్ట్ ఫోన్లో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా.. దీంతోపాటు 8 మెగాపిక్సెల్ సెకండరీ సెన్సార్, 2 మెగాపిక్సెల్ మాక్రో షూటర్ కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా కూడా అందుబాటులో ఉంది.
డాల్బీ అట్మాస్ ఆడియో సపోర్ట్ కూడా ఇందులో అందించారు. 5జీ, 4జీ ఎల్టీఈ, వైఫై, బ్లూటూత్ వీ5.0, జీపీఎస్/ఏ-జీపీఎస్, ఎన్ఎఫ్సీ, యూఎస్బీ టైప్-సీ, 3.5 ఎంఎం హెడ్ ఫోన్ జాక్ కూడా ఈ స్మార్ట్ ఫోన్లో అందుబాటులో ఉన్నాయి.
Also Read: Vivo Y01 Price Leaked: వివో కొత్త ఫోన్ ధర, ఫీచర్లు లీక్.. రూ.10 వేలలోపే!
Also Read: Samsung Offers: గుడ్న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!
Also Read: Cheapest 5G Phone: వేడెక్కుతున్న 5జీ మార్కెట్.. రూ.20 వేలలోపే మరో 5జీ ఫోన్!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్లో ఇలా చేస్తే చాలు.. కొత్త ఆధార్ ఇంటికి!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
