Moto G51 5G: మోటొరోలా అత్యంత చవకైన 5జీ ఫోన్ వచ్చేసింది.. రూ.15 వేలలోపే!
ప్రముఖ స్మార్ట్ఫోన్ బ్రాండ్ మోటొరోలా తన చవకైన 5జీ ఫోన్ను మనదేశంలో లాంచ్ చేసింది. అదే మోటో జీ51 5జీ. దీని ధర రూ.14,999గా ఉంది.
మోటో జీ51 5జీ స్మార్ట్ ఫోన్ మనదేశంలో లాంచ్ అయింది. మనదేశంలో అత్యంత చవకైన మోటొరోలా 5జీ ఫోన్ ఇదే. ఎన్హేన్స్డ్ కనెక్టివిటీ ఎక్స్పీరియన్స్ కోసం 12 గ్లోబల్ 5జీ బ్యాండ్లను ఇది సపోర్ట్ చేయనుంది. ఇందులో క్వాల్కాం స్నాప్డ్రాగన్ 480 ప్లస్ ప్రాసెసర్ను అందించారు. ఫోన్ వెనకవైపు మూడు కెమెరాలు అందించారు. రెడ్మీ నోట్ 10టీ 5జీ, రియల్మీ నార్జో 30 5జీ స్మార్ట్ ఫోన్లతో ఈ ఫోన్ పోటీ పడనుంది.
మోటో జీ51 5జీ ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 4 జీబీ ర్యామ్ + 64 జీబీ స్టోరేజ్తో వచ్చిన ఈ వేరియంట్ ధరను రూ.14,999గా నిర్ణయించారు. ఆక్వా బ్లూ, ఇండిగో బ్లూ రంగుల్లో ఈ ఫోన్ కొనుగోలు చేయవచ్చు. దీనికి సంబంధించిన సేల్ డిసెంబర్ 16వ తేదీన జరగనుంది.
మోటో జీ51 5జీ స్పెసిఫికేషన్లు
ఆండ్రాయిడ్ 11 ఆధారిత మై యూఎక్స్ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.8 అంగుళాల ఫుల్ హెచ్డీ+ మ్యాక్స్ విజన్ డిస్ప్లేను అందించారు. దీని యాస్పెక్ట్ రేషియో 20:9గా ఉంది. స్క్రీన్ రిఫ్రెష్ రేట్ 120 హెర్ట్జ్గా ఉంది. 4 జీబీ ర్యామ్, 64 జీబీ స్టోరేజ్ను ఇందులో అందించారు. స్టోరేజ్ను మైక్రో ఎస్డీ కార్డు ద్వారా పెంచుకునే అవకాశం ఉంది.
ఇక కెమెరాల విషయానికి వస్తే.. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 13 మెగాపిక్సెల్ కెమెరాను అందించారు.
దీని బ్యాటరీ సామర్థ్యం 5000 ఎంఏహెచ్గా ఉంది. 20W ఫాస్ట్ చార్జింగ్ను ఇది సపోర్ట్ చేయనుంది. 5జీ, 4జీ ఎల్టీఈ, వైఫై, బ్లూటూత్ వీ5.1, జీపీఎస్/ఏ-జీపీఎస్, ఎన్ఎఫ్సీ, ఎఫ్ఎం రేడియో, యూఎస్బీ టైప్-సీ, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి. యాక్సెలరోమీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్ కూడా ఇందులో ఉన్నాయి. దీని మందం 0.91 సెంటీమీటర్లుగానూ, బరువు 208 గ్రాములుగానూ ఉంది.
Also Read: Honor 60: 108 మెగాపిక్సెల్ కెమెరాతో హానర్ కొత్త ఫోన్.. వ్లాగర్ల కోసం ప్రత్యేక ఫీచర్ కూడా!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్లో ఇలా చేస్తే చాలు.. కొత్త ఆధార్ ఇంటికి!
Also Read: Moto G51 5G: అత్యంత చవకైన మోటో 5జీ ఫోన్ వచ్చేస్తుంది.. మరో వారంలో లాంచ్.. ధర ఎంతంటే?
Also Read: Redmi New Phone: రెడ్మీ కొత్త ఫోన్ వచ్చేసింది.. 8 జీబీ ర్యామ్.. ధర ఎంతంటే?
Also Read: Lava AGNI 5G: స్వదేశీ 5జీ ఫోన్ వచ్చేసింది.. ఇలా కొంటే రూ.2,000 తగ్గింపు!
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
